بقولكم تجربتي كمبتدئه فى الرجيم.

السلام عليكم
خواتي الحبيبات
حبيت اخبركم عن تجربتي مع الرجيم..
الله يسلمكم انا الاسبوع اللي فات سويت الرجيم الكيميائي.. وطبقته بحذاااافيره
ما خربطت فيه ولا غيرت ولا استبدلت فيه نهاااااااائيا اي شي.
والحمد لله.. يوم وزنت روحي يوم الجمعه لقيتني نازله 3 كلغ.. نعممممممه :)
يوم قريت وجبات الاسبوع الثاني ابصراااااحه خفت لانه اقسى من الاسبوع الاول بكثيييييييير وزيييييييين مني استحملت وكملت اول اسبوووووع!! خصوووووصا ان توني وااااالده من 4 شهور بس وبنتي صغنونه ويبيلها اهتمام تغيير حفاظات وانتو ابكرامه وتبديل اهدوم وتسبوح واشياااء كثيييييره انتوا اتعرفونها.. واذا مشيت على هالرجيم اكيد بيصير فيني شي اقلتها غثيان ودوخه منوووو بيشيل بنتي بعدين؟؟؟؟
ما اجذب عليكم يا بنات انا فعلاااااا هالمره عندي اراده قوويه ومصممه اني انزل الكيلوات الزايده وارجع لرشاااااااااااقتي القبليه. لااااااااااازم الاقيلي رجيم يناسبني بس فى نفس الوقت ابيه يضعفني بسرعه ويبين على ويهي وجسمي :(
انا صج اللحين وجهي هفت ووااايد بعد وبين عليي اني اسوي رجيم هالشي امفرحني وااااايد خصوصا اذا احد جافني وقال لي اشفيج ضعفانه يا فلانه ههههههه شعور لا يوصف والله والله اني اتشجع اكثررررر لمن اسمع منهم هالحجي مع انهم كلهم 3 كلغ بس بس جوفو اشلون بين عليي !!
المهممممممم.. انا قلت بسوي رجيم الماء وسويته يوم واحد امس السبت بس زوجي الله يهديه ما رضالي انام وانا ما كلت شي خاف عليي :( وسوالي شوربه قالي شربيها هذي ماي وخضره ما راح يزيدونج كيلو هههههه مسيكين ريلي :(
اليوم.. قلت بشرب بس شوربه خضار انا بسويها بنفسي وبحط فيها كللللللل انواع الخضار اللي احبها وبكثر من الملفوف عشانه يحرق الدهون وان شااااء الله بواصل عليها لنهايه الاسبوع وبجوف وزني ينزل ولا لا؟؟
وماااااااااااا باكل اي شي عقب الساعه 10 بالليل لانه هووو سبب السمنه.
يا بنات ادري بتقولون اشعندها هذي متفرغه كاتبه لنا قصه حياتها بس والللللللللللله
ابيكم تشجعوني وتساندوني كلماتكم لها تأثير كبيييييييييير عليي..
والله يستجيب لدعائنا وينحفنا كلناااااااااااا يا رب :)
وعليكم السلام.