أم الهتون :

الله يكون في عونج حبيبتي .. بس هونيها وبتهون إن شاء الله .. والأهم لازم تكونين صبورة وحازمة في نفس الوقت. وأول شي تركي سالفة البيت على صوب الحين .. لين تقدرين تتعاملين مع ولدج بطريقة مريحة لج وله. شوفي الغالية .. ولدج على ما تربينه وتعودينه .. وإذا الولد تعلم انج تتساهلين مع صياحه من الحين الله يعينج عليه عقب كم شهر. لا تقولين بعده صغير وما يفهم .. والله اليهال يفهمون ويحسون بتأثيرهم على أمهاتهم بشكل كبير. لو اقول لج اني ما اتذكر ولدي متى كان يصيح وهو رضيع ما باكون كذابة .. ولو اقول لج ان كل اللي حولي ما كانو يصدقون اني أول ست أو سبع شهور من عمر ولدي كنت ارقد طول الليل من الساعة عشر ونصف لين الساعة خمس أو ست الصبح يمكن بعد ما تصدقين .. لكن هذا اللي كان يصير فعلاً. ليش؟؟؟؟ أول شي كنت محددة موعد معين للنوم .. ولأنه كان رضيع وقتها ويحتاج عدد كبير من الرضعات في اليوم فما كنت انومه بدري .. يعني الساعة عشر تقريباً كنت ابدل ثيابه والبامبرز وارضعه وعقب اقمطه قمطة عدلة واحطه في سريره .. لاحظي احطه في سريره مب في حضني .. وكان فديته ياخذها رقدة لين الصبح .. وإذا .. إذا قام في الليل عطيته ينسون .. ومب أي شيء غير الينسون لأن واحدة صديقتي جزاها الله خير قالت لي اذا تعود انه يحصل حليب في الليل بيتعود على قومة الليل وما بيرقد عدل .... وفعلاً ولدي عقب ما خلص الأربعين ما كان يقوم في الليل ابداً ابداً. يعني الخلاصة .. الروتين المسائي الثابت + منع الحليب بعد آخر رضعة في الليل + النوم في سريره كانت هي المعادلة اللي خلتني ما أعاني من سالفة البكاء ولله الحمد .. وقبل هذا كله المفروض طبعاً نتأكد أن الولد مرتاح ونظيف وما فيه أي مشكلة صحية .. فإذا كان كل شي تمام وقام يصيح فهذا معناه دلع واختبار لج المفروض انج تنجحين فيه وتنطشين الولد عشان ما يستغل نقطة ضعفج عقب. طبعاً اخترب النظام عقب كم شهر لأني انا غلطت وقمت اخليه ينام في حضني أو وياي في السرير .. لكن عقب ما صلحت غلطتي الحمدلله رد كل شي مثل ما كان. وعنج انتي .. فأكيد بتتعبين شوي في الأول لين الولد يتعود على النظام اللي تبين تسوينه له .. لكن في نفس الوقت لازم بالج يكون طويل والأهم تكونين حازمة وياه .. وهالحزم هو اللي بيوصلج للي انتي تبينه .. وانتي بترتاحين والولد بعد بيرتاح.

الله يكون في عونج حبيبتي .. بس هونيها وبتهون إن شاء الله .. والأهم لازم تكونين صبورة وحازمة في...

أم الهتون :

الله يكون في عونج حبيبتي .. بس هونيها وبتهون إن شاء الله .. والأهم لازم تكونين صبورة وحازمة في نفس الوقت. وأول شي تركي سالفة البيت على صوب الحين .. لين تقدرين تتعاملين مع ولدج بطريقة مريحة لج وله. شوفي الغالية .. ولدج على ما تربينه وتعودينه .. وإذا الولد تعلم انج تتساهلين مع صياحه من الحين الله يعينج عليه عقب كم شهر. لا تقولين بعده صغير وما يفهم .. والله اليهال يفهمون ويحسون بتأثيرهم على أمهاتهم بشكل كبير. لو اقول لج اني ما اتذكر ولدي متى كان يصيح وهو رضيع ما باكون كذابة .. ولو اقول لج ان كل اللي حولي ما كانو يصدقون اني أول ست أو سبع شهور من عمر ولدي كنت ارقد طول الليل من الساعة عشر ونصف لين الساعة خمس أو ست الصبح يمكن بعد ما تصدقين .. لكن هذا اللي كان يصير فعلاً. ليش؟؟؟؟ أول شي كنت محددة موعد معين للنوم .. ولأنه كان رضيع وقتها ويحتاج عدد كبير من الرضعات في اليوم فما كنت انومه بدري .. يعني الساعة عشر تقريباً كنت ابدل ثيابه والبامبرز وارضعه وعقب اقمطه قمطة عدلة واحطه في سريره .. لاحظي احطه في سريره مب في حضني .. وكان فديته ياخذها رقدة لين الصبح .. وإذا .. إذا قام في الليل عطيته ينسون .. ومب أي شيء غير الينسون لأن واحدة صديقتي جزاها الله خير قالت لي اذا تعود انه يحصل حليب في الليل بيتعود على قومة الليل وما بيرقد عدل .... وفعلاً ولدي عقب ما خلص الأربعين ما كان يقوم في الليل ابداً ابداً. يعني الخلاصة .. الروتين المسائي الثابت + منع الحليب بعد آخر رضعة في الليل + النوم في سريره كانت هي المعادلة اللي خلتني ما أعاني من سالفة البكاء ولله الحمد .. وقبل هذا كله المفروض طبعاً نتأكد أن الولد مرتاح ونظيف وما فيه أي مشكلة صحية .. فإذا كان كل شي تمام وقام يصيح فهذا معناه دلع واختبار لج المفروض انج تنجحين فيه وتنطشين الولد عشان ما يستغل نقطة ضعفج عقب. طبعاً اخترب النظام عقب كم شهر لأني انا غلطت وقمت اخليه ينام في حضني أو وياي في السرير .. لكن عقب ما صلحت غلطتي الحمدلله رد كل شي مثل ما كان. وعنج انتي .. فأكيد بتتعبين شوي في الأول لين الولد يتعود على النظام اللي تبين تسوينه له .. لكن في نفس الوقت لازم بالج يكون طويل والأهم تكونين حازمة وياه .. وهالحزم هو اللي بيوصلج للي انتي تبينه .. وانتي بترتاحين والولد بعد بيرتاح.

الله يكون في عونج حبيبتي .. بس هونيها وبتهون إن شاء الله .. والأهم لازم تكونين صبورة وحازمة في...