بعدين بكتب اسمي :

اختي ام هتون طريقتك حلوة بس مو شرط تنفع مع كل الاطفال يعني ماشالله ولدك نفعت معاه بس فيه اطفال يذبحهم الجوع ومانقدر نحرمهم انا برايي الشخصي حتى لو الام تعبت مع اولادها المهم توفر لهم اللي يحتاجونه والطفل في هالمرحلة مرحلة نمو يعني بحاجة لغذاء جيد ومافيه احسن من الحليب عشان النمو والمناعة والقوة مو مهم انا متى انام او كم انام المهم مااقصر على ولدي ولا احرمه من احتياجاته الاساسية وبالنسبة للحزم والصرامة مو في تغذيته الولد انشالله يكبر ولاحقة على طرق التربية وعدم التهاون شاكرة لك والله يحفظ لك عيالك

اختي ام هتون طريقتك حلوة بس مو شرط تنفع مع كل الاطفال يعني ماشالله ولدك نفعت معاه بس فيه اطفال...

أم الهتون :

أختي Anya طبعاً لازم ينام خلال النهار .. الطفل مب مثلنا احنا الكبار .. يعني يحتاج ساعات نوم أكثر .. مب أقل عن 12 ساعة في اليوم. وانا عمري ما منعت ولدي انه ياخذ قيلولته أبداً .. إلا إذا تأخر عن وقتها .. وبالعكس أنا جداً حريصة انه ينام شوي بالنهار عشان ما يحس بالإرهاق والتعب. وقبل لا يكمل السنة ونص فديته كان ينام مرتين بالنهار .. اذكر مرة بالضحى ومرة العصر .. بس يوم كبر أكثر صار ينام مرة واحدة الظهر .. وفترة القيلولة تتراوح بين ساعة ونص وساعتين .. وبالمناسبة انا ما تدخلت في هالتغيير .. يعني هو بروحه كان يغير عدد مرات النوم والفترة اللي ينامها بالنهار .. وقلت لنفسي ان احتياج الطفل للنوم وهو صغير يختلف يوم يكبر شوي. ومع ان كثيرين كانوا يتوقعون انه اذا نام بالنهار ما بينام في الليل .. لكن الحمدلله انا ما كانت عندي هالمشكلة. أختي نينو 83 أنا لو كنت اعرف فايدة هنالظام وشكثر بيريحني كنت طبقته عقب ما ربيت على طول .. بس للأسف ما عرفت عن هالطريقة الا عقب ما خلصت الأربعين وسرت بيت أهلي .. واختي هي اللي فادتني في هالموضوع. يعني انا اسوي جذي مع ولدي من عقب الأربعين على طول. أختي بعدين باكتب اسمي كلامج يمكن يكون صح .. فعلاً مب ضروري اي طريقة تنفع مع كل الأطفال .. بس صراحة احس احياناً ان المبالغة في الشي ممكن تضر أكثر ما تنفع .. يعني مثلاً انا يوم ولدي كان صغير كل ما صاح يقولون لي: (يمكن يوعان) .. طيب يا جماعة أسباب البكاء وايدة مب شرط الياهل اذا صاح يعني يوعان .. وبالمناسبة انا كنت أتابع نظام غذاء ولدي مع الطبيب ودايما كنت استشيره بهالخصوص .. خصوصاً فيما يتعلق بتوقيت الحليب والأكل وكميته. الشي الثاني معدة الياهل تكون صغيرة وما تتحمل حليب وايد .. بس بعض الأمهات الله يهديهن يعطون عيالهم حليب زيادة عن طاقة معدتهم لأن الياهل اذا صاح فأول شي تفكر فيه الام هو الحليب ... وهاااات يا رضاعة طول اليوم!!! .. والنتيجة ان المعدة تكبر والطفل يحس بالجوع أكثر وأكثر .. أنا ما اقول نقلل الاهتمام بتغذية الطفل .. لكن بعد كل شي له ميزان. بعدين يا أختي احنا نتكلم عن النوم مب عن الأكل .. يعني أنا اقول كوني حازمة في مسألة نومه عشان ما يتم يقوم كل شوي .. و أعتقد أن الأم إذا تعبت زيادة عن اللزوم وما حصلت كفايتها من النوم في الليل ما بتقدر تهتم الاهتمام اللازم بولدها بالنهار .. بعدين حتى الولد يتعب وبيصيبه إرهاق إذا كان نومه متقطع في الليل .. والا شو رايج؟؟؟ على كل حال .. أي نظام في الدنيا ما دامه ما يأثر على صحة الولد بشكل سلبي فهو نظام صحيح .. والحمدلله ولدي من أول ما ربيته ولين الحين صحته مب 10 على 10.. الا 11 على 10 بشهادة الطبيب :)

أختي Anya طبعاً لازم ينام خلال النهار .. الطفل مب مثلنا احنا الكبار .. يعني يحتاج ساعات نوم...