بكرية ومحتارة في بنتي

السلام عليكم
بنات انا ام لأول مرة ، وعمري ما مسكت طفل بحياتي والحين معي بنت تمت شهر وشوي الله يحفظها من كل شر يارب
المهم
في البداية كنت ما اعرف اتعامل معها ابد وبهذلتها معاي مسكينة
كانت تصيح تبي تنام وكنت احسبه دلع وكنت اخليها مسكينة تبكي لين يصير وجهها ازرق :44: << وربي قلبي مقطوع للحين اصيح عليها كلما اتذكر
لكن وربي كان جهل مني
وكنت استغرب تنام وتصحى بسرعة ولا تنام لساعات وكان السبب في النهاية اكتشفته انها من النوع اللي يحب ينام على بطنه ، لكن ما فطنت لين تبهذلت البنت معاي حتى بغت تموت علي بسم الله عليها من كل شر
طيب هذا كله الحين انا عرفته الحمدلله وشوي شوي فهمت عليها ووالله كله بالصدفة والإلهام من الله
لكن الحين بقيت مشكلة معي وهو انه البنت في الليل ما ادري وش فيها ، تكون راضعة ((علما انها ترضع من صدري ولا تعرف الصناعي ابد)) وشبعانة حيل ومغيرة حفاظتها وكله تمام بس ماتقدر تنام وفي عينها النوووووم ومو قادر
وانا اشيلها ودور بيها البيت كله عشان تنام والنوم مخاصم عيونها وهي بس صياح صياح صياح تبي تنام، واحاول اعطيها صدري ترفض او تشرب وترجع تصيح
الين تصيح خلاااااااص صياح قوي قوي مرة ووجها يصير ازرق ونفسها ينقطع ، في ذيك الساعة خلاص هي تنام
:44:
بنات انا بصيح عليها وربي حزينة ما ابي يوميا في الليل يكون حالها كذا ما تنام غير لما تصيح لهذي الدرجة
وش اسوي بنات ، قولولي وش السبب ، وكيف الحل ؟؟