بكيت فعلا وتاثرت عندما سمعت كلامه..

مااقدر اوصف لكم شعوري اللي حسيته وانا في وسط القاعه ...بكيت فعلا وتاثرت..
كنت حاضره دوره للاستاذ هاني العبد القادر..دوره تتكلم عن الخطوات الخمس الى قلب ابنك..
تاثرت بكلامه كثير وجلست اسال نفسي اساله كثيره...

كان يتكلم عن تعبيرنا للحب لعيالنا ..والتعبير عن الحب بشكل عام..
قلت في نفسي وانا ابكي بدموع العبره: يالله انا احب ابوي وامي واخواتي ووووووو..........
تذكرت في لحظه كل اللي احبهم...

ليه احنا مانعبر عن حبنا ؟؟؟....ليه نخجل؟؟...ليه نخبي مشاعرنا؟؟؟...
ليه نضيع دنيتنا الحلوه من غير هالكلمات الحلوه اللي تفرحنا وتفرح كل اللي حولنا؟؟...

...........

والله اني تاثرت باسلوب الاستاذ كثير...وحتى زوجي كان موجود ويقولي كل الرجال تاثروا...

فعلا يابنات الدوره رائعه...وكثير دورات مفيده وحلوه...فلا تفوتونها عليكم...خلونا نستغل وقتنا باشياء حلوه تحسسنا بطعم وحلاوة الدنيا وتعلمنا كل الاشياء اللي كنا غافلين عنها..

ودي فعلا اكلمكم عن هذي الدوره بس ان شاءالله لما تنتهي بكره...

واللي يقدر يجي بكره حياه الله ...هي بس يومين ومجانيه..

وانا سبق واعلنت عنها في ملف بنات الاحساء..

الدوره في الغرفه التجاريه ومدتها خمس ساعات لمدة يومين وعليها شهاده بخمسين ريال...



............

وقبل اطلع

نصيحه من كل قلبي..

لاتنسون تقولون كلمة احبك لكل شخص تحبونه ولاتخجلون منها..ترى الكل محتاجها حتى اصغر عيالك...

والسلام عليكم.......:26:


............