حبيبتي..الله يشفي لج زوجك....ويرجعه لج مثل ما كان واحسن...

وترى ممكن انتي تقرين عليه وترقينه من دون ما يدري....اقري في الماي اللي يشرب منه...واقري سوره البقره....وخليه يشرب منه واطبخي اكله منها بعد ....

وان كنتي تبينه يروح لشيخ ...لا تحسسينه انه فيه شي ترى الواحد ما يحب ان يكون ضعيف قدام زوجته...وبيكابر ولا بيفتكر في طلبج...حتى لو كان في داخله يبي يروح ...بس بيعاند

خل الموضوع عادي بيني له ان انتي ماعاد مستهمه بالحمل...ولا عاد تجيبين له سيره...
حتى موضوع الشيخ لا عاد تطرينه عليه خله ينسى...

وقولي لحد يمون عليه..ان يقعد يحكي له قصص من ناس في نفس حالته وتعالجوا...وعايشين حياتهم اخر حلاوه ...ترى الرجاجيل يسمعون كلام بعض...

وخلي بعد حد يقول له ان ماكان يتصور ان حياته تتغير مع وجودهالطفل..وان متندم ليش ما جاب عيال قبل ...عشان لما يكبرون ما يكون فرق كبير بينه وبينهم ويصيرون زي الاصحاب...ومن هالكلام..

بس انتي تحملي تفاتحينه بالموضوع ...ابد لا تكلمينه ...عشان هو يجيلج بعدين ويفتح الموضوع معاج..


وان شاء الله تصطلح اموركم...

وربي يفك ازمتكم ان شاء الله ويشفيه ...ويرزقكم بالبنين والبنات ان شاء الله

اللهم اشفي ابو s3lwa وطول بعمره
اللهم اهدي زوج s3lwa و اشرح صدره وحنن قلبه كى يوافق على العلاج
اللهم ارزق s3lwa الذريه الصالحه عاجلا غير اّجل
اللهم لاتحرمها من رؤيتهم و ضمهم الى صدرها

الله يشفيه ويعافيه ويهديه ويخليه لك
كلام الاخت عنادي بارك الله فيها صحيح مليون بالميه

الله يعينك اختي ويشفي زوجك الاحسن انك تقرين عليه وهو نايم وتجيبين لك من شيخ معروف بحسن قرأته مويه وتخلينه مايشرب الامنها بدون علمه اذا كان مايرضى كانها مويه صحيه 00000وفيه وحده من قريباتي كان زوجها مثل زوجك مايعترف انه فيه عين ولايرضى يروح لشيخ 000سوت نفسها تعبانه وانها معيونه وطلبت منه بعد الحاح شديد انه يروح بها لشيخ يقرا عليها هي وفعلا قدرت انها تخليه يروح بها وصار الشيخ يقرا عليها وهي جالسه جمبه لازقه فيه وصارت القراءه عليهم الثنين وتحسنت حالته كثييييييييييييييييييييييييييييير00000000000

الله يشفيه لك ويرده الى احسن حال اختي جميع الاعراض اللي قلتيها ذكرها شيخ في كتاب
طريقك الى الصحة النفسيه والعضويه ...تقديم الشيخ العلامة عبد الله بن جبرين ...

اعداد الشيخ عبد الله العيدان ... هو كتيب صغير لكنه جدا مفيد فيه نصائح ورقيه شرعيه ابحثي عنه ...


ابحثي عنه وحتى تلقيه خذي هذي النصيحه ....

من بين صفحات التاب

اخي المسلم اختي المسلمه هل ...

تعاني في حياتك من الهم والحزن والضيق والقلق ...

هل تشكو من اي مرض نفسي وعضوي لم تجد له علاج ؟

هل تشعر بشيء من الكسل عن اذاء الطاعات والتعلق بالشهوات والمعاصي

هل تحس بتغيرات سلبيه طرأت على حياتك؟؟

عليكي اختي اولا بالتوكل على الله ثم ابحثي عن الكتيب واقريه وفيه الرقيه الشرعيه

واغلب الحالات اللي ذكرتيها في زوجك ذكرها الشيخ ...

وعليكي بالفاتحه اقريها في الماء اللي يشربه والكرسي واول سورة البقره وذكر كثير من الايات والادعيه النبويه ( بسم الله ارقيك من كل شيء يؤذيك من كل نفس او عين حاسد الله يشفيك بسم الله ارقيك ) رواه مسلم اقريه عليه وهو نايم

اسأل الله العظيم رب العرش العظيم ان يشفيك...سبع مرات

اعوذ بكلمات الله التامه من كل شيطان وهامة ومن كل عين لامة ) رواه البخاري

تنبيهات ...

1- الاعتماد على الله وحده وتفويض الامر اليه وكثرة الدعاء والالحاح في طلب الشفاء فهذه الرقيه ما هي الا سبب ...
ان تقرأ بخشوع وتدبر واستحباب الوضوء

الاستمرار والمداومه عليها مع الدعاء والتضرع لله ..

وذكر الشيخ بعض القصص لأناس كتبوها له بعد ان من الله عليهم بالشفاء ...

ارجو ان اكون افدتك اختي وأسأل الله ان يشفي زوجك ويرده الى احسن حال ويوفق ما بينكم ...







وحتى تلقيه خذي بهذي النصيحه...