بلاوي الخدم .. قصة وعبره .. كل اللي عندها خدامة تسولف لنا

هلا بنات :crap:
اشدعوه 50 بنت داشه ولا وحده ترد ؟؟؟؟؟؟؟!!!!!! :024:
المهم :angry2:
انا بقولكم عن سالفه خدامة بيت ابوي قبل لا اتزوج ...
كانت عندنا خدامه فلبينيه ويانا بالحلوه والمره من سنه
1982ولين بعد الغزو سنه 1990 م يعني 8 سنوات
المهم نحبها وتحبنا وكانت شايله البيت على راسها
وصدقوني ان امي ماترضى عليها بالشينه .. كنا لمن نهاوشها او نزعلها
كانت تمنعنا وتدافع عنها اغلب الاحيان وتقولنا اعتبروها
مثل امكم ..حرااام هي تاركة عيالها عشان تعيش
المهم لمن صار الغزو بالكويت ...
ابوي خش = حفظ فلوسه بكيس ودفنهم عن الجنووود
لا يسرقونهم
بعد فترة صار وقت خدامتنا تسافر.. :10_1_103v
وفي يوم كلنا طلعنا وهي قالت حق امي ماابي اطلع ..
واثاريها بايقة = سارقه الفلوس كلهاااااااا
ومخيطتهم بملابسها الداخليه
بس الله فضحها
عقب ما طحنا عليها
قويه العين رايحه مفتنه علينا بالمخفر ان احنا عندنا فلوووس واجد
( لان ايام الغزو ممنوع اي كويتي عند فلوس وااايد )
وصارت بلاوي
......
بس ابوي والله عقب اللي سوته سامحها النذله وعطاها مبلغ
وسفرها على حسابه
....
وبس
وانتوا يابنات ديروا بالكم تأمنون على خدمكم وتبينون لهم عن
مكان فلوسكم .. :ohmy:
قريب بقولكم سالفه خدامتي ...
وشكراااا :3_3_103:

شوفي أختي . مجرد أنك تعاملين الخدامة زين راح تلاقيها زينة و سنعة عندك . لكن اذا أسأتي معاملتها هية بعد ما راح تحترمك .
نحن مثلا عندنا خدامات من زمان و لا عمرنا رفعنا صوتنا عليهم . و ما شاء الله عليهم صايرين عندنا بالحلوة و المرة .
و على فكرة الخدامات الهنديات أحسن من الأندونيسيات في التعامل .

هلا
pink candy شنو يعني ودكوا خدامات؟؟؟؟ ؟؟؟
مشكوره على المرور

دانة عمان
كلامج صح

بقول لكم عن قصة خدامة عمتي ,,,

اثيوبيه كانت وكانت تحبها عمتي وايد وايد لانها متقنة لشغلها غير انها اكتسبت اللغة العربية بشكل سريع المهم ظلت تقريبا 4 سنوات عند عمتي وبالسنةالاخيرة فكرت عمتي انها تسافر بس بدون الخدامة فقالت لها انتي قعدي في بيت اختي حتى ارجع وعماتي بيوتهم يم بعض ,, لاحظو اهل الفريج على الخدامة انها تطلع من اتيي الساعه 2 بالليل وترد الفجر ,, المهم عقب اكتشف واحد من الفريج انها تسوي شغلات مو عدلة مع شباب وشياب اشكثر وكلهم من الفريج
ما اطولها ردت عمتي وقالت خلاص ما تقعد عندنا لانها حولت البيت اللي ضمها الى دعارة يعني كان اجتماع الشباب في بيت عمتي وكانت مسوية نسخه
اي عاد اكتشفت عمتي قبل لا تسافر الشغالة انها ماخذه صور حق كل فرد في البيت وكل بنت في العايلة وصور موعادية صور عرس يعني اللباس فيها ما يكون ساتر
المهم ااخذت الصور وسفروها الى ديرتها
وتوته توته توته خلصت الحتوته

هلا فيج يامريم
حتى هذول بععععد!!!!
عاد خدامة بيت اهلي نفس الشي:(
بس اكيد مو كلهم نفس الشي
الله يستر
مشكورة على المرور:)