عنوان الذوق :

ياحياااااتي .. ياليتك والله جنبي واصلح لك اياه .. طيب باعطيك طريقتين سهلللله ان شاء الله .. جيبي سمك فيليه مجمد (افضل نوع بالنسبة لي شركة الكبير وموجود بكل السوبرماركات) .. فكيه من الكيس بصينيه فيها مويه حاره عشان يذوب الثلج زين .. بعدين شطفيه بمويه وقطعيه (انا اقطعه ارباع نص بالطول ونص بالعرض) ثم حطيه في مصفايه عشان تنزل المويه منه .... والحين انتي اختاري وش تبين تصلحينه .... اذا كنتي تبينه (مقلي) .. حطي الشرايح في طاسه وحطي عليها عصير ليمونه او نص بياله خل + صويا اذا تحبينها + ملح + بهارات + رشه بسيطه زنجبيل بودره (او نص ملعقه صغيره اذا عندك اخضر) حركيها تمااااام بالتتبيله بعدين اضيفي عليها ملعقه او ملعقتين دقيق ابيض عشان يماسك لك التتبيله .. خليها في الثلاجه نص ساعه او اكثر عشان تتشرب النكهه مضبوط .. واذا مستعجله عادي اقليها على طول .... طبعا القلي لازم يكون في زيت غزير ونار عاليه لأن السمك اساسا يستوي بسرعه مايحتاج وقت .. هذا بالنسبه للمقلي ..... واذا حابته صينيه في الفرن .. جيبي صينيه وافرشي فيها شرايح بطاطس سميكه (نيئه بدون قلي ولا سلق) .. بعدين رصي شرايح السمك عليها .. بعدين صبي عليها الكشنه .. الكشنه تقريبا زي حقة البيتزا .. وهذي طريقه سهله ( حطي جميع المقادير في الخلاط (بصل + ثوم + طماطم + شوي كاتشاب + ماجي او ملح + بهارات ) واخلطيها تماااام .. ثم صبيها في قدر فيه شوي زيت على النار وخليها تتسبك ) او بالطريقه اللي تحبين ... بعدين دخلي الصينيه الفرن من فوق وتحت وخليها تستوي .. بتاخذ حدود ساعه او اقل حسب حرارة فرنك .. وهذي طريقة صينية ثانية .. جيبي الصينيه وحطي فيها جميع انواع الخضار اللي تبين وقطعيها مكعبات واضيفي ذره وبازلاء حسب الانواع اللي تحبين .. بعدين رصي السمك فوقها .. اخلطي تقريبا نص كوب كاتشاب مع كوب الا ربع مويه وملح وبهارات وليمون او خل وسقي فيها السمك ودخليها الفرن من تحت الين تستوي وبعدين حمريها من فوق .. طبعا المقادير كلها مرنه تقدرين تضيفين وتحذفين براحتك وحسب رغبتك .. وتقدرين تبتكرين منها طبق على ذوقك .. ياااارب تكون سهله عليك وتقدرين تطبقينها .. والله يقومك بالسلاااااامه ويفرحك بما حملتي ويجعله لك قرة عين .. :26: وأي سؤال ارسلي لي على الخاص يمكن ما ارجع للموضوع ...

ياحياااااتي .. ياليتك والله جنبي واصلح لك اياه .. طيب باعطيك طريقتين سهلللله ان شاء الله...

عبودي فديته :

احنا في قطر مثل الأخت والفجر اغلب أكلنا بحري سمك انتبهي انتبهي تاخذين مثلج أبعدي عنه بالمررررة ماله طعم كأنه بلاستيك روحي سوق السمك او كارفور او اي سوبرماركت كبير يبيع سمك طازج ممكن تاخذين الكنعد او الصافي وتقولين لهم ينظفونه لك ممكن تاخذين سالمون او اي سمك فيليه تبهرينه بملح وفلفل اسود وزنجبيل وثوم بودرة وشوي شبنث طازج مع شوي كريمة خفق تسوينه بالمقلاة ما يأخذ منك خمس دقائق ألذ شي الهامور تسوينه كبسه تقولين لهم ينظفونه لك وتبهرينه بملح وفلفل اسود وبهارات مشكلة وليمون بعدين تقلينه وتشيلينه على جنب في قدر تحطين زيت وبصل وثوم وزنجبيل مدقوقين وبهارات صحيحة وتخلينه لين يطلع ريحته بعدين حطي حبتين طماط مقطعين وصلصة وكزبرة وشوي شبنث مفرومين وفلفل بارد مقطع وقرن او اثنين فلفل حار وبهاراتك اللي تحبينها حطي كمون وكركم بعد ما يذبل الطماط كبي عليه المويا اذا غلى الماء حطي الرز المغسول وشوفي كمية الماء وضبطي الملح اذا بدا ينشف الماء حطي السمك فوق الرز وغطيه بقصدير لين يستوي وبالعافية ترا سهل مرررة ما يأخذ نص ساعة بس شرحي طويل ومفصل والله لو انك قريبة ما خليها بخاطرك والله يتمم لج حملج

احنا في قطر مثل الأخت والفجر اغلب أكلنا بحري سمك انتبهي انتبهي تاخذين مثلج أبعدي عنه...

ساره بنت بدر :

افضل شي خلي زوجك يروح يجيب من سوق السمك وخليهم يقصونه شرايح وينضفونه اريح لك عندك الكنعد حلو غسليه وبعدين جيبي خل وليمون ونقعي ااسمك فيهم وحطي عليه بهاراتك اللي تحبين واقعدي اطعني السمك بالسكين عشان تدخل اابهارات والخل داخلها ويطلع اطعم واضيفي شوي صلصة صويا لو حبيتي اتركيها بالثلاجه قد ماطولت قد ماتكسب النكهه اكثر طلعيها قبل بفتره عشان تذوب وبعدين اقليها وسوي ع جنب كشنه على ذوقك وسوي رز ابيض وحطي الكشنه فوقه وبعدين السمك وممكن تحطينها بالفرن بدال القلي لو حبيتي

افضل شي خلي زوجك يروح يجيب من سوق السمك وخليهم يقصونه شرايح وينضفونه اريح لك عندك الكنعد حلو...