بليز بنات استفسار عن طريقة علاج بالسدر... ممكن المساعدة؟؟؟

السلام عليكم ورحمة الله -تعالى- وبركاته
أتمنى الكل يكون بخير سيدات وفتيات...

بقولكم قصتي في البداية عشان أكون واضحة معاكم وعشان تعرفون علتي وين...

أنا من انولدت لين وصلت الإعدادية وأنا شعري جنااااااااااااااااااااااااااااااااان... جنان جنان جنان.. لونه وكثافته ونعومته جي كان طبيعي مع إني ما كنت أهتم فيه ولا أسوي له أي خلطات أو وصفات... كانت طبيعته وايد حلوة... المهم مثل ما تعرفون العين حق.... وكان شعري لين آخر ظهري ومقدمته بعد كانت كثيفة وايد على عكس وايد حريم يعانون من المقدمة.. وأنا بصراحة وايد كان مضايقني طوله كنت أفكر أقصه... إلى جانب إني يوم كنت أروح الصالون كنت كله أفتحه يسشورون لي وعين الناس طبعا ماااااا ترحم؟؟؟ فبلحظة غباء وهبالة مني خليت أمي تقصه لي كاااااااااااامل لين رقبتي جي مرة وحدة... ومن يومها راااااااااااااااااااااااااااااااااااااااااااااااااااااااح... :icon33:

تخيلوا ألحين أنا عمري 27 سنة.... يعني فوق العشر سنوات شعري فيه كلللللللل عيوب الشعور كلها والحمد لله...

دهني بشكل كبيييييييييير... خفييييييييييييف لحد الصلع... لوووووونه تغير بسبب الزيوت اللي استخدمتها أملا في إنه يتحسن لو واحد بالمية... متقصف....... الحبة ضععععععيفة وخفيفة وتنقص بسرعة.......... يتسااااااااقط بشكل مخيف... يوم أتسبح يا أخواتي... يطيح شعري وفروة راسي تحكني والدهون تتكتل فيه.. أنا آسفة جدا أدري لوعت بجبدكم لكن حبيت تعرفون شعري شو كان وشو صار... إلى جانب العييييييييييين... ما خليت شي ما استخدمته... زيوت... صبار... حتى الثوم.... حجامة بعد سويت... وبصراحة سويت سييييييرج كبييييييير عن السدر.. لقيت فيه كل المواصفات اللي تهمني..... عرفت عنه إنه يجفف الشعر... وعلاج للعين... ويكثفه... بس أحتاج طريقة صحيحة أستخدم فيها السدر بروحه بدوووووووووون ما أخلط معاه أي شي... يعني سدر وماي بس..

وشي بعد... أنا وزني وااااايد زايد يعني هو ألحين 106 وأي نوع رجيم أسويه يخلي شعري يتساقط بكثرة...

فأحتاج إنكم تساعدوني.. أرجوكم بنات وسيدات لا تردوني نفسيتي وايد تعبت أنا محرومة حتى من الزواج بسبب هالموضوع مب قادرة أسيطر عليه ولا على نفسي من ناحية الرجيم....


مشكورات مقدما....