ما أدري اذا تقصدين مسابقات ؟

اذا قصدك مسابقات :

لعبه للصغار -----> خيط وإبرة وتطلبين منهم أسرع وحدة تدخل الخيط بالإبرة


قبل بدايه الحفل او في المقدمه توزعون اعلان مكتوب فيها مثلا

(ستقام في الحفل مسابقة والجوائز كالتالي:

الجائزة الاولى: محمول( لاب توب)

والثانية: جوال

والثالثة:شريحة

وهم يحسبونها أجهزه حقيقية

تجيبون باباسلام(لاب توب)تكون الجائزة الاولى

والثانية:جوال ياطيبة

والثالثة:شريحة جبن

ان شاء الله فهمتيها

وهذي فكره لقيتها مدري اذا تنفع للتحفيظ :

جت وحدة من المعلمات فوق المسرح قالت للحاضرات أبي وحده تطلع وبعد ما طلعت وحده قالت المعلمه لها

أتحداك تقلديني بكل حركة أسويها قالت خلاص جت المعلمة فكت ربطة شعرها وقلدتها

خلعت جزمتها وقلدتها شالت ساعتها وقلدتها كانت المعلمة لابسة تنورتين نزلت وحدة فالبنت مسكينة ماتدري وش تسوي

الحاضرات ماتو من الضحك انحرجت البنت عاد المعلمة تستهبل عليها تقول يالله قلديني


هذا اذا كنتي تقصدين مسابقات

أختي ميلاد أنثى ..

أتمنى أفيدك بهاذي الفكرة وهي راااائـــــــــــــــعة ونتائجها أروع ..

وهي كالتالي :


ورود طبيعية أو صناعية بس تكون حلوة ..
مكتوب على كل وردة اسم ضيفة بالحفل إذا كنت تعرفين الحضور
أو مسجلين أسماؤهم .. بعدين توزعون كل وردة على كل ضيفة بشكل عشوااائي
وكل ضيفة راح يكون عندها اسم ضيفة ثانية ولازم تروح تدورها وتهديها الوردة وتتعرف عليها ..
الفكرة حلوة تقوي الروابط ولها أثر عميق في النفس وتدخل السرور ..

أتمنى اعجبتك الفكرة ..!

وتذكرت بعد فكرة

وهي مسابقة تصلح للكبار وجدااا ممتعة .. اسمها كم الســــــــــــــــــــاعة ..؟

وهي عبارة عن 12 ورقة كل ورقة فيها رقم كبير من 1 إلي 12 وهي أرقام الساعة
يعني ورقة فيها 1
وورقة فيها 2
وورقة فيها 3 وهكذا بي يكون الرقم كبيـــــــــر
ونفس الأوراق للفريق الثاني ..

بعدين ترتبين الأوراق على الارض وتلصقينهم على شكل الساعة يعني دائرة كبيرة بالضبط نفس الساعة
بس على الأرض ونفس هالحركة للفريق الثاني ..

بعدين تطلبين من كل فريق لاعبتين ..
تجلس بنتين في الساعة الاولى على الارض ظهر بظهر يعني متسندين بظهور بعض , إن شاء الله فهمتي قصدي !
ويمدون رجولهم للأمام لا تخافين بطريقة محتشمة يعني كأنهم عقارب الساعة
أو إذا ما حبوا هالوضعية عادي كل وحدة توقف على رقم .
ونفس الوضع يكون بالفريق الثاني ..
والمسابقة هي إنك تقولين
مثلا : الساعة الآن تشير إلى الواحدة و الربع . وبسرعة وحدة توقف على رقم 1 والثانية على رقم 3 ونفس الرقم للفريق الثاني وهكذا أي فريق يكون أسرع .. وتقولين بعد الساعة تشير إلى الخامسة و55 دقيقة .. أو تشير إلى السابعة و35 والمضحك راح يتصادمون في رقم سبعة .. أتمنى فهمتيها سويناها مع البنات وكانت ممتـــــــــــعة جدا ..

وبعد عندي فكــــرة
مسابقة : الشخصــــــــــــــية المجــــــــــــهوووولة ..!

بس هاذي المسابقة يفضل الحضور يعرف بعض ..!

وهي توزعين أوراق على كل الحضور مكتوب فيها مثلا :

اسمك :
عمرك:
الحالة الاجتماعية:
مواصفات شكلك الخارجي :
أهم ما يميز شخصيتك :
الهواية :
تخصصك:
أقرب صديقة لك :
يعني الأسئلة تقدرين تضيفين وتغيرين فيها حسب وضع الحفلة ..

بعدين لما ينتهون من الحل اخذي الأوراق بعدين قولي من صاحبة الشخصية المجهووولة ..!

وسحبي ورقة من الأوراق ولا تذكرين الاسم .. وقولي مواصفاتها وخليهم يخمنون من هي ..؟
اقري مواصفاتها وقولي هي بنت تتميز بالطيبة والمرح طويلة وسمراء اممممم بعد هي عمرها تقريبا 21
تحب تاكل ككاو بالأخص جالكسي صديقتها المقربة سااارة الله يخليهم لبعض

وهكذا قولي المواصفات بدون الاسم وراح تلقين حماااااس من الجمهور وراح يصارخون باسمها
والكل راح يتحمس يبي يطلع اسمه

واسحبي بعدها 3 أو 4 أوراق على كيفك وراح تكون مواصفات مختلفة وممتعة ..

اشرااااايك ؟؟

مممممممممممم

أفكار .!

ممكن للكبار بما أنه حفل خاتمات تجيبون مشاعر أب مسجلينها وتسموعنها البنت في الحفل وهي ماتدري

<< مرررره مؤثره وأهم شئ تصيح ^^

>> وفي حفلنا كآآنت رآئعه

::

موفقين