اول مره اكتب موضوع في هذا القسم و اتمنى انكم ما تفشلوني
انا محتاجه رايكم يا بنات لاني محتاااااااااااااره
بحط لكم رسم لكروكي غرفتين في بيتي الجديد انا ناويه اخليهم غرفتي النوم و الملابس و حمامي ( يعني الماستر روم )
1- هذا شكل الغرفتين علموني اي من الغرفتين للنوم و ايهم للملابس و هل تنصحوني اكسر الجدار اللي بينهم و اركب باب بينهم
2- تلاحظون الحمام له بابين بسكر واحد منهم ( رايكم اي واحد منهم اسكره؟ )
قياس الحمام عزكم اله 4 في 2
الغرفه الكبيره 7 في 6
الغرفه الصغيره 4 في 4
يالله ابي اقتراحاتكم
وين احط السرير و ودي افصل غرفه ملابس احتاج اكبر عدد من الدواليب بوصلهم للسقف .. يعني احس اني محتاجه غرفه كامله بس دواليب
و احب تكون بالجناح قعده و تلفزيون بس ما احب تكون مع السرير بنفس المكان علشان اللي يحب يطالع التلفزيون مايزعج اللي بينام
يالله يا بنات حواء بيضوها
ابي اراء و اقتراحات و صور ان امكن
الصوره حلوه لكن لو كسرت الجدار راح تصير الشباك بالوجه
يعني الغرفه الصغيره لو كسرت الجدار ماراح اقدر احط فيها دواليب كثيره لان حائط مكسور و حائط عليه الشباك .
انا عندي فكرتين بس احس ثنتينهم مو اوكي
1- اكسر الجدار و احط السرير بالغرفه الصغيره تحت الشباك . و اخلي الغرفه الكبيره دواليب و جلوس
او
2- ما اكسر الجدار و اخلي الكبيره نوم و جلوس ( مع اني ما احب نوم و تلفزيون بمكان واحد) و اخلي الغرفه الصغيره ملابس.
الفكره الثانيه يمكن احلى بالشكل .. والله مادري محتاره :(
و بنات حواء ماعبروني :( والله زعلتوني .
هذي استشاره بغرفه النوم ... اشلون لو طالبه استشارات ثانيه .. بيتي للحين يبيله شغل
خلاص والله فشلتوني :(