اول شي شكر خاااااااااص للمشرفة على التثبيت .. زين ما سويتي :)


ثاني شي .. احب اشكررررر كل وحدة مررررررررررررت و كتبت تعليق او حطت دعوة من كل قلبييييي

و هذا الموضوع مش موجه الية انا شخصيا .. هذا موضوعنا كلنا .. و لكل وحدة حابة تشحذ ارادتها و تقويها ..

و كل حرف نكتبه نوجهه لنفسنا قبل لا نوجهه لاي شخص ثاني غيرنا .. و مرة ثانية اشكر كل من شاركت في هالموضوع .. و اي وحدة حابة تتواصل معاية عشان كلنا نسوي تجمع خاص من خلال المسنجر و نشجع بعض و نعطي بعض معلومات و افكاااار و كل شي جديد فعالم الرجيم ( يعني نفيد بعض و نستفيد ) فاللي حابة بس اطرشلي رسالة خاصة فيها ايميلها :26:

يلا الحين دوري في اني اعطي محاضرة .. يمكن يبالي عشر دقايق اكتب رد سنع ع الموضوع
:p

brb

السلام عليكم .. انا بوظبي حبي .. عمري 19 سنة اللي طولي 162 و وزني 95 !!

بعد ما قضيت احلى سنين العمر و المراهقة في السمنة و في احباط ورا احباط .. خيبة بعد خيبة .. تجريح بعد تجريح .. قررت اني انقذ نفسي في اخر سنة لي في سن الطعش .. للاسف في الوقت بدل الضائع .. بعد ما ضاعت احلى ايامي في السمنة ..

لين متى يا بنات .. متى بنحس ع دمناااااااااااااااااااااا !!
مافينا احساس .. من زود ما ننجرح و نتهزأ تبلدت مشاعرنا والللله !! صار شي غريب ان يمر يوم بدون ما نسمع لنا تعليق صحححححح؟ .. متى بنسد ثمهم و نرد تعليقاتهم السخيفة مثل ويههم في نحرهم !!

i hate rude people ,, they make me sick



من اليوم و رااايح .. نحن راح نبدا رجيم و نوقف اكل زايد عن حده و نبدا رياضة و حركة ..

..:: الاسبـــــــــــــاب ::..


1- اهم شي عشان صحتناااااااااااا .. عشان ما ايينا يوم و نشكتي من الم الركب او الظهر و السبب السمنة << احس فشلللة نوصل لهالمرحلة و نحن بعدنا بنات صغار !!


2- نســـــــــــــكت كل الناس السخيفين اللي ماعندهم شي يضحكون عليه و يضحكون اللي حواليهم عليه غيرنا نحن المساكين :( .. ليش مصخرة نحن عندهم مصخررررررررة :angry2: !!!! حامض ع بوزهم .. باذن الله بنضعف و بيكون جسمنا رووووووووعة لدرجة انهم ما بيقدرون ينزلون عينهم عننا من بعد ما كانو يستهزأون و يتريقون

3- عشان نلبس ما يحلووووووووو لناااااااااااااااااااااااااااا .. نعيش سنا و عمرنا .. و كلما دخلنا محل نكون واثقين ان شي مقاسنا .. اصلا نحن حاليا حتى لو عيبنا لبس و طلع شي مقاسنا يوم نلبسه نطلع نلوع بالجبد لان اساسا الجسم باااايخ كيف بيطلع اللبس حلووو .. كأني اخلط الملح بالسكررر !!!


4- عشان يوم تيينا مناسبة .. نحس بحلاوتها مثل باقي البنات .. يتحمسون لهاااا و يتسعدولها و يفكرون شو بيلبسون و كيف بيتعدلووون .. مب شراتنا نحن كل ما يت مناسبة تمنينا انها ما تيي بس عسب ما نضطر نتفيزر جدام الخلق و المعازيم كأننا بطريقات و فقمااات << بذمتكم ما تحسون اننا بطريقات و فقمات امبين البنوتات الممشوقات الحلوات


5- تقــاطيـــــــــــع الويـــــــــه ... هيه نعم .. هاذا من الاسباب القوية اللي تخلي عندنا حافز كبير للرجيم ..
لان طولي بعماركن .. البنية المتينة تتجمع الشحوم فويهها .. حول العينين فتصغر العين و تختفي رسمتها.. عند الخشم .. فيكبر الخشم و يتضخكم .. حول الشفتين بيختفي بروزهم و كانهم مدفونات !! و الادهى و الامر عند الخدووود اللي يظيع الويه بالكااااااااااامل .. و الافظع ما يسمى بكرش الوجه << ماقبحه من مصطلح :(


6- الثقــــــة .. آآآح .. احلى شعووووووووووووووور .. تمشين و انتي عارفة ان العيون تطالعج و تمشين بدون ما تستحين من تكتلات و الا من لحم زايد عند البطن والا الفخذ والا الذراعين ..


7- المعرسة تفرح ريلها و ثواب من الله ع ادخالها السعادة لقلب ريلها :22: .. و العزبا تنخطب ههههههههههه



..:: المعينات ::..


ماعرفت شو اكتب خخخخخخ اقصد الاشيا اللي تعينا ع الرجيم ..


1- الاستعانة الاولى و الاخيرة بالله سبحانه تعالى ... الاعتماد الكلي على الله عز و جل .. (( اليس الذي خلق السماوات و الارض بقادر على ان يخلق مثلهم بلى و هو الخلاق العظيم )) سورة يس ..
يا خالق كل خلية في جسمي و القادر على تغييرها امنحني الارادة و القوة لمتابعة نظام صحي يوصلني و اخواتي الى نزولنا في الوزن .. أمييييييين :26:



2- دوم اتخيلي اللحظة الحاسمة اللي راح تبهرين فيها اهلج و قرايبج و اصحابج .. يعني اقصد مناسبة او عزيمة او حفلة .. استعدي من الحين و اهتمي بنفسج من راسج لين جدمج عشان تكونين نجمة السهرة :22:



3- لمرة واحدة فقط و بدون اسراف .. تخيلي انج وحدة ظعيفة و سيري السوق و اشتريلج بدلة تتمنين تكون ع جسمج فيوم من الايام و علقيها عندج فالكبت .. هالشي يعطيج حافزززز ..



4- في مثل انا احبه انقليزي يقول no pain , no gain و الترجمة الحرفية له (( لا تعب , لا مردود )) و الترجمة الغير حرفية تقوووووول .. اللي يبا الدح لا يقول أح لوووووووول



5- دووم رددي فنفسج ان الاكل عمره ما بيطير من وجه الكرة الارضية .. اللي بيطير هو سنين عمرج و فرحتج و انفتاحج للحياة و صحتج (y)



6- حطي هدف اظافي لنفسج خلال الست شهور القادمة .. (( الحصـــول على معدة مصطحة )) .. البنات اللي بعمري بشو احسن مني عشان ما يكون بطني مثل بطنهم ..كأني مخلفة درزن عيااال




7- خذيلج كمن صورة من النت لبنات اجسامهن حلوة او جذابات بشكل عام و حطيها باك قراوند على جهازج الخااص او اطبعيها و علقيها في الكبت ..



8- اذا قدرتي تكملين اول شهر بالكثير في الرجيم صح بدون تخبيص .. اوقفي في المنظرة و دقي تحية عسكرية لنفسج <<< عااااااااااش :22:
لان اول فترة هي اصعب فترة و دام انج كملتي .. لا توقفين .. حذاري تدرين لدرب القبح دامنج خطيتي اول خطوة فدرب الرشااقة و الحلاااه





..:: الواجبات ::..


1- لا تاكلين ابدااااااااااا فوق حايتج .. ادري الاكل لذيذ و شكله يشهي .. هذا في الفم بس .. ما ان يوصل للمعدة حتى يبدا مفعوله القبيح في العمل ..


2- شرب الماي وااااااااااااااااااااااااااااااااااايدددددددددد ... عدا عن تأثيره في انزال الوزن تراه يخلي بشرتج واو .. عشان بالمرة يكتمل النيو لوك ... ترتوووب ..



3- الرياضة ثمن الرياضة ثمن الريااضة ... اهم شييييييي هاذي .. هي و الرجيم بنفس الاهمية يمكن تكون اهم عن الرجيم بعد .. شفايدة جسم بدون شحوم لكنه مترهرط و متهدل .. منظر غير انثوي بجد



4- استعمال الاشيا الثانوية في الشد مثل خل التفاح و كريمات التنحيف .. انا بستخدم واحد و بقول لكم عليه اذا نفعني ...



5- بين كل اسبوعين كلي لج اكلة دسمة مرة ... قولي ليش .. عشان ما يعاند الجسم و يستمر في عملية الحرررق .. و في منهم يقولون يوم بكربوهيدرات و يوم لا يساعد في تخفيف الوزن وااايد ..



6- حطي لج خطة .. يعني مثلا من الحين لين الصيف عندنا تقريبا 6 شهور .. شوفي خلاال هالست شهور كم تبين تنزلين تقريبا و اقسمي الوزن على ستة و الناتج اقسميه على اربعة ( عدد الاسابيع في الشهر ) عشان تعرفين كم لازم تنزلين في الاسبوع عشان تكونين ماشية في السليم .. و الحصة الياية شي امتحان خخخخخخخخخخخخخخخخخخخخخخ



7- لا تتبعين رجيم معين .. بس خففي اكل .. و تحركي وايد .. اما رجيم بمعنى جدول تمشين عليه حرفيا خليني اقولج انج بتملين و بتوفقين .. انتي ملك نفسج و محد له حق يملي عليج اللي تاكلينه ( اشيشكم تراية ) هههههه لا امزح .. بس جد .. كلي اللي تبينه بس شرط يكون خفيف .. لان مسالة الرجيم هاذي تؤدي الى الملل و بالتالي ترك الرجيم .. و الدححح فالاكل بشراهة اكبر من السابق


8- اعتني بأشيا ثانية في جسمج ( شعرج - بشرتج - رموشج ) عشان يوم تضعفين يكون شكلج متغير كليا و تكون فرحتج فرحتييين ..



9 - نصيحة ذهبية ... (( اي جرام تخسرينه ودعيه وداع ابدي لا لقاء بعده خخخخخخخ .. لان الصراحة عيب عليج تفقدين شي و عقب تردينه ... هوه انتي نئصة .. يعني وايد تولهتي على الكيلو اللي نزلتيه ماترومين ع فراقه !! )) وااااااااللله هههههههه


عني انا تراية ناوية استوي miss uae 2008 خخخخ


آآآآآخ بس ايدية تكسرت ...

اوعدكم اعطيكم نتايجي و بالصور بعد فالصيف ان وصلت للي ابغيه



تحياتي


دبي حبي .. اقصد بوظبي حبي :22:

بوضبي حبي

ياحبي لك مشكورة على النصايح الحلوة يارب نقدر نطبقها

وتنجح معنا آآآآآآآآآآآه


يلا (سيري ونحن ورائك)

ماشاء الله عليك ابو ظبي حبي


كلام سليم ميه الميه

والله كانك تتكلمين عن لسان مي :)



يعطيك العاافيه قلبوو
ويااارب يااارب نوصل للي نبي يااكريم