اشرقت هذه الصفحات بتواجدكم
والف شكر لكل من ساهم بنصحي ولو بكلمة بسيطة
والله اني افخر بأني عضوة بهذا المنتدى الرائع

اكثر الردود تنصحني بعدم المواجهه
وتجري الرياح بما لا تشتهي السفن
لا اريد ان اطيل عليكم
بأختصار
انا خبرت ابوه بالمكالمة
وزعل مرة
ولا قدر يمسك اعصابه
وأخذ الولد وتكلم معاه بالموضوع
وبأن امك بالغلط اسمعت بعض الكلام اللي ما توقعت انه يطلع من ولد مثلك محترم ومؤدب والكل يمدح فيه ووووو..........الخ

طبعا انا ما كنت اتمنى هذه المواجهه
بس صار اللي فيه الخير ان شاء الله
وبصراحة كان كلام الولد مريح جداً
لأنه دافع عن نفسه ويقول اني كنت اساير ولد عمي
وانا من زمان اقول لكم ان ولد عمي فيه شي خطأ وبحاول اصلحة وهذا هو الشي الخطأ
ويوم اقول ان مدرستي فيها اولاد حلوين
صحيح فيه اولاد كأنهم بنات باللبس والكلام ونسمع من الاولاد كلام لهم يخجل الواحد يستحي يقوله
وكانت سالفه وسولفتها لولد عمي
اما سالفة الصور كان حاط ولد عمي صور نساء بالمحمول ومسحتها وتأكد ابوه من عدم وجود الصور وطبعاً اخذ ابوه المحمول {اتمنى انه يبيعه }
وعلى العموم انا آسف وقبل راسي ورأس ابوه وقال انا بحاول ابتعد عن ولد عمي اذا ما تغير
والاحظ عليه واظب على الصلات احسن من اول ومن ذاك اليوم ما كلم ولد عمه


ان شاء الله ان المشكله انتهت
والله يهدي لنا اولادنا
ويعيننا على حسن تربيتهم

وأخيراً تحياتي لكل من ساهمت بحل لهذه المشكلة
ولا حرمنا الله من تواجدكم بهذا المنتدى القيم
مع شكري وتقديري للجمييييييييع

اختي

الحمدلله يارب وان شاء الله ربي يصلح حاله اكثر

________

اخوي سمي العزيز

على مااذكر اني درست عن موضوع التمسي باسماء الله الحسنى في مادة التوحيد
في الصف الثالث متوسط او الثاني مااذكر بالضبط

بس خلاصة الدرس

انه مايجوز التسمي بأي اسم من اسامي الله الحسنى مضافا اليها ال التعريف يعني ممكن نقول عزيز حكيم بس اذا حطينا ال التعريف مايجوز

وممكن نتسمى بهاا اذا كان قبلها (عبد ) يعني عبد العزيز .. عبد الحكيم

بس مايجوز نقول العبد العزيز .. العبد الحكيم

هذا اللي اذكره
وياليت اللي عندهم علم يأكدون او ينفون الموضوع

فماان الله

أختي العزيزه كلام الاخوان في محله وأنا عندي البركه كلهم أولاد أكبرهم 14 سنه وبعده 13 وبعده 11 يعني كلهم في سن المراهقه . وأجاهد نفسي معاهم على المحافظه على الصلاه . بس اللي ألاحظه أن الاولاد في هذا السن يعجبهم التقليد ويتأثرون بالمحيطين بهم من الاولاد ويحبون يملكون كل اللي يشوفونه مع أصدقاءهم بس شوفي أنا عندي أشياء أطبقها عليهم بدون أستثناء مع أنهم دايما مشاكل معي ليش فلان وفلان أهلهم يعملون كذا وكذا ونحن لا. واللي لاحظته أن كثير من الاهل لما يكمل الولد هذي السن يتركون له كامل الحريه يدخل ويطلع ويروح المراكز مع أصدقاءه بس هذا غلط .

شوفي مثلا أنا ماأخليهم يروحون بيوت أصدقاءهم ولاجيرانا خاصه اللي عندهم أولاد أكبر عنهم .(وهذا الشي خطير جدا ولاتستهينون فيه ).
واللي يبغيهم يجينا ويلعب معاهم في بيتنا ( صار بيتي دار حضانه )
لما نروح المراكز معانا ( اوصي أصغرهم مايدخل الحمامات لحاله )
الانترنت في الصاله والتلفزيون كذلك
أحاول يكون عقابهم في هذي الاشياء ( ينحرمون من الموبايل فتره - او الانترنت - أو التلفزيون ) أشيلهم على طول وأحطهم في الكبت . وخاصه فترة الامتحانات ).
أبوهم معلمهم يراجع معاهم مواد وأنا كذلك .
المدح له عمل السحر وجربت هذا الشي مع أصغرهم مدحته أمام أهلي أنه يواظب على الصلاه وأني لما أقوله قم صل يكون أسرع من أخوانه فلما كلمته الوالده مره في الهاتف قالت له أمك تمدحك وتقول أنك أحسن من أخوانك وأنك مطيع في الصلاه . فلما أقول الحين قم صل طيران ( الله يحفظه ).
خلي أبوه ياخذه معاه مشاوير لما يروح مع أصدقاءه ويسمع كلام الرجال كيف يكون يتعلم الكلام الذرب .
اذا كان عنده أخوال أو أعمام شباب خله يروح معاهم . أطلعوا معاهم رحلات للبر للعمره علشان مايحس بالملل والفراغ .
مافي مانع أنكم تكلمون مدرس التربيه الاسلاميه باي موضوع علشان يحاول بطريقه غير مباشره يفهم الاولاد من خلال الدرس ( اذا كان المدرس محبوب من قبل الطلبه ويعاملهم معاملة الاصدقاء بيأثر فيهم ).

والدعاء أختي بأن الله يصلحهم ( حاولي في الفتره القادمه لايزور أبن عمه وخبري أبوه باللي سمعتيه وطلعي له أي عذر في عدم رغبتك بزيارته حتى ولو تطلب الامر مقاطعة أسرة عمه فتره باي سبب حتى لايكونوا سبب هم وأبنهم في ضياع أبنك )

مرحبا بك أختي انهار

ما شاء الله الغخوة والاخوات كتبوا ما فيه الخير

جزاهم الله كل خير

أحب ان أضيف شيئا وهو انك تظلي دائما وباستمرار بمراقبة له دون ان يشعر بذلك


يعني راجعي اوراقه ودفاتره الشخصية ودروجه ومكتبه كل فترة وأخرى لكن دون ان يعلم ابدا .....

وهيئي له أستاذا شابا يعني ليس كبير السن حتى يألفه ويتقرب منه

وليت هذا الأستاذ ياخذهم لاماكن ترفيهية ومطاعم وكذا لكن ضمن جو وإطار إسلامي

فيسعدون ويترفهون لكن ضمن الحدود

وحاولي ان تجنبه لقاء أصحاب السوء أو أي فرد من العائلة لا ترتاحين له

وحاولي التقرب منه
واجعلي زوجك يتقرب منه كثيرا بطرق يحبها الشباب

مثلا ليدعو زوجك ابنه على عشاء في مطعم معين وليجلس معه جلسة الصديق مع صديقه ويتحادثان

حدثي زوجك دائما بوجوب الإهتمام فيه كما تبذلين جهدك أنت أيضا لإستيعابه

وادعي الله عزوجل دائما ان يصلحه ويهديه ورددي دائما الأدعية القرآنية التي تتكلم عن صلاح الذرية والأهل :

ربي اجعلني مقيم الصلاة ومن ذريتي ربنا وتقبل دعاء ..


ربنا هب لنا من ازواجنا وذرياتنا قرة اعين واجعلنا للمتقين إماما ..

وفقك الله وإيانا وجميع المسلمين لما فيه الخير

اختي الله يعينك على تربيت اولادك ويوفقك للخير ويبدو لي ان الاخوان والاخوات ماقصرو وكتبو اللي كنت باكتبه واحسن كمان
بس ودي اقول بالهداوه تنحل المشكله ونصيحه لاتحرميه من اشياء تعود عليها غصب مثلا تاخذين الكومبيوتر او تشيلون التلفزيون لان الشيء اللي مايسويه من قدامك بيسويه من وراكي واسوء كمان وتقربي منه وخاصتا ابوه ويفضل انه يكلمه عن الموضوع بس مو كانه يعرف عن ولده شيء .... لا يكلمه كانه يحذره من هذا الشيء ولو كان عارف ان الولد يعرف هذي الاشياء اعرفي من هم اصدقائه بالمدرسه وخارجها

اختك ............اختلفنا