اهلين مايصلح استخدم قشطه الخفق بتطلع لي نفس النتايج

الدلع كله
اختي الغاليه الا ينفع ترى انا استخدمت قشطة الخفق من ماركة كي.دي.دي الكويتيه اللي علبتها حمره وطلعت تجنن طعمها جنان بس لازم تضيفين لها مثل ما قالت اختنا ام عزيزان لازم تضيفين لها ثلاث فناجين قهوة سكر مطحون وتخفقينها حتى تصير متماسكه

وينفع تستخدمي كريمة خفق المراعي ام عزيزان حطت صورتها وجربتها وانا جربت فيها بعد بس اعجبني طعم كريمة الخفق من كي.دي.دي

وشكرا

مليكه القلم الف شكر اختى والله يجزاك خير على ردك وتفصيلك الله لايحرمك الاجر ويجزاك جنات النعيم
بس اختى ان اللي عندي قشطه الخفق مكتوب عليهاarla
ومكتوب ايضا طويله الاجل 200 ملل ولونها كحلي وفيها سماوي وفيها فراوله عليها كريمه بيضاء معليش طولت كلامي بس بوصفها لكم تصلح واذا كانت تصلح كم حبه استخدم للمقدار المذكور والله يجزاكم خير

مررررررررررررررحبااااااااا.... :27:
الغاليه أم عزيزان ز كل خواتي الغاليات اللي جربوا مختلف أنواع الآيسكريم.....
آيس كريم المالتيزرس طلع روووووووووووووووووووووووووووووووعه :love: ( الغااااااليه عزيزه..يسلم لي هالذوق :icon18: ) فعلا ما تم حد ما عيبه, حتى انا اللي ما أحب التشوكليت آيسكريم اتخبلت عليه, ما شاء الله وااااايد طلع لذييييييذ :2thmup: المانجو بعد طلع واااايد لذيذ بس أنا زدت من كمية الليمون و عصرت ليمونه كامله فبان الطعم وايد :35: بس بعد ما خرب لي الطعم, وبعد غلطت غلطه ثانيه و حطيت الفانيلا فاختلط طعم الفانيلا بالمانجو :D بس بعد عيبهم الحمدلله :27:

أم عزيزان حبيبتي....اتصدقين قبل ما اقرا ردج عن المالتيزرس, كنت أنا امكسرتنه وامجهزتنه, و يوم قريت ردج...الصراحه أول شي خفت....بس بعدين اذكرت إني كسرت المالتيزرس صغااااااااااااااار وايد..يعني ما عندي كسر كبار عشان اتثلج فارتحت نسبيا و قلت الدور و الباقي على الطعم....بس ما شاء الله هالآيسكريم بيض ويهي :232: خذته وياي بيت الأهل و كانوا متيمعين اليهال كلهم, سرت السوبرماركت و خذت البسكوت المخروطي اللي ينحط عليه الآيسكريم( icecream cones) ...و يالله لو شفتوا فرحتهم وانا أحطلهم كور الآيسكريم على البسكوت واعطيهم إياها.....اتخببببببلوا :D ( على قولة وحده من الصغاريه يوم سألتها عن الطعم قالتلي : ألذذ آيسكريم تشوكليت كلته :D عاده لو شفتوني كيف اتفججت و استانست:D ) بس للأسف ما قدرت اصور من الربشه لأني كلحين كنت أحط حق حد الين ما خلص البسكوت :lookaroun

تسلمييييييييييييييييين يا عزيزه و يا أم عزيزان و كللللللللللللللللل خواتي اللي شاركوا بآرائهم مليكة القلم و رشة عطر وكللللللل الللي شاركوا :27:

الغاليه الدلع كله
اعذريني تاخرت والله ما شفت ردودكم وتوني ادخل المنتدى ما شيكت على الموضوع هاليومين انا اللي اكتشفته صراحه انه اي كريمة خفق تنفع ما دامت للحلويات يعني اختنا جربت المراعي ونفعت وانا جربت كي.دي.دي وانفعت وما دام اللي عندك طويله الاجل وعليها صورة الكريمة معناها بعد هي كريمة خفق اهم شي لما تسويها تطلع متماسكه الكريمه ما تطلع سايله بزياده
شوفي مثلا اختنا الغاليه ام عزيزان استخدمت هذه الكريمه ونجحت معاها
http://www.almarai.com/arabic/products/new_whipped_cream.html

وبالنسبة لكريمة arla اللي عندك فهي من شركة دانماركية سويدية انشأت عام 2000م وتنتج الالبان والاجبان وكريم الجبن وغيره واعتقد هي نفس الشركة اللي تنتج حتى زبدة لورباك الشهيرة، شعار اخضر شعار الشركه، ومن ضمنها ايضا قشدة الخفق ولو اني ما استعملتها قبل بس ما دام عليها للحلويات يبقى تنفع :)



هو شوفي المقدار اللي قايله عليه صاحبة الموضوع الاخت عزيزة 1 لتر لكن اذا بتسوي نصف الكمية فتحتاجين نصف لتر .

كل لتر = 1000 ملل

اذا كنتي بتسوين نصف الكمية اللي كاتبتها اختنا عزيزة تحتاجين 500 ملل من الكريمة يعني نصف لتر او علبتين من اللي كريمة الخفق اللي عندك.

وان شاء الله ما اكون تاخرت عليكِ

وشوفي هالموقع بيفيدك دايما باذن الله لتحويل الاحجام
http://user1032410.wx14.registeredsite.com/Woman-Corn/Recipes/table-of-mus..doc_cvt.asp