بموت من زوجي الكذاب

يا بنات انا اكتب لكم وانا احس روحي بنفجر من القهر
قبل كل شي انا مشكلتي سبحان الله اني احس اذا راح يصير شي يضايقني
يعني اتضايق قبل لا يستوي الشي وهذا شي متعبني وايد
المهم
انا امس وطول ما انا بالدوام وانا متضايقة ومو عارفة شالسبب . بعد ما خلص دوامي بالليل
الساعة 8 جا زوجي وخذاني وانا حيييييييييييييييييل متضايقة وهو يسألني وش السبب
وانا اقول له مادري بس قلبي حاس انه في شي راح يصير وهذا اللي معذبني اكثر

بعد ما خذيت بناتي من بيت أهلي رجعنا البيت وقال زوجي انا اليوم بروح الشغل في الليل
تفاجئت .. طيب ليش ما قلت لي الا الحين . قال مابي اضايقك
وانا فعلا اتضايق اذا كنت بروحي في البيت خاصة ونفسيتي تعبانة
بس انا كان في شي في قلبي يقول لي انه ما بيروح الشغل >> على فكرة هو يشتغل في الجيش وعادي يروح الشغل بالليل واحيانا يتم يوم كامل بالشغل

صارت الساعة 11:30 وانا اشوف زوجي مو طبيعي كنه ينتظر اتصال وكنه مرتبك وكل شوي
يسأني شفيك يا عمري وشفيك يا حياتي >> هالاسلوب مكشوف على فكرة

المهم صارت 12 وقال انه خلاص بيروح بس مو بسيارتنا بسيارة صديقه راح يمر عليه ويروح معاه
طلع زوجي وانا قلبي مثل النار بعدين حبيت اتأكد هل خذ السيارة ولا لا
اتصلت فيه قلت له وين وقفت السيارة يا عمري بحكم انه احنا ساكنين بشقة وما لنا موقف معين .. المهم قال لي وين وقف السيارة

وتميت طول الليل مو قادرة انام من الاحساس اللي ذبحني
دزيت له مسج اني اشتقت لك ومو عارفة انام وانت بعيد عني ما رد علي ولا عبرني

الصبح طلعت على اساس أودي بنتي المدرسة واروح شغلي
هني المفاجأة !!!!!!!!!!!!!!!!!!!!!!!!!!!











شفت السيارة في موقف غير عن اللي قال لي عنه .. طبعا هذا تفسيره يا بنات انه طلع بالسيارة ويوم رجع وقفها في موقف ثاني

الشي الاكبر والاكبر انه السيارة ساخنة يعني مؤشر الحرارة يدل على ان السيارة توها واقفة الصبح وخاصة الحين الجو بارد يعني السيارة الصبح يبيلها 10 دقايق يالله تسخن

انا في هاللحظة حسيت روحي بتطلع
لان أول مرة زوجي يسوي هالحركة
انا يا بنات على فكرة عانيت من مشاكل وايد مع زوجي وصبرت وتحملت بس هالمشاكل سببت لي عصبية غير طبيعية يعني لما اعصب خلاص اتشنج وما اقدر اتحرك
واحس بآلام في جسمي وصداع رهيب

والله العظيم كل مرة أقول خلاص زوجي تغير وانه يحبني وعمره ما راح يخبي علي شي
بس للاسف اللي ذابحني فيه انه يكذب علي

طبعا انا أول ما ركبت السيارة اتصلت فيه على طول وعصبت وقلت له وين كنت طول الليل تصوروا يقول لي بالشغل .. طيب والسيارة من اللي استخدمها ؟؟؟؟؟؟؟

انا قلت له مليون مرة اذبحني ولا تكذب علي

يا بنات من بعد ما كلمته سكر في وجهي الموبايل ولحد الحين موبايله مسكر
احس روحي بموت من القهر والله مو عارفة شلون وصلت بالسيارة للشغل
احس روحي بتطلع ابي اكلمه بس انا واثقة مليون بالمية انا ماراح يعترف لي بشي
لان يا ما صارت اشياء واشوف الدليل بعيني والله العظيم ويكذبني



حلفتكم قولوا لي شسوي شلون اعرف وين كان . شلون استدرجه
شلون وشلون وشلون ؟؟؟؟؟؟؟؟؟؟؟؟؟؟؟؟؟؟؟؟؟؟؟:44: