السلام عليكم يابنات...كيف الحال؟؟
طبعا هذي الطريقه قد نزلتها قبل كذا ....لكن الصور راحت ....وجتني رسايل كثيره على الخاص اني انزل الصور من جديد بس ماقدرت انزلها في نفس الموضوع
عشان كذا نزلتها في موضوع جديد
اليوم انا جايبه لكم احلى كابوتشينو ممكن تشربوه .....بلا بارنيز بلا ستار بكس
وتراه من اختراعي :.....جربوه وانتو احكموا
عشان تسووا كوبين بتحتاجون ...:2كوب حليب
ملعقه كبيره نسكافيه
ملعقه صغيره دريم ويب
ملعقه صغيره قشطه
سكر حسب الرغبه
رشة كاكاو بودره
وكمان بنحتاج لبراد شاي + كنكه كبيره وكمان بنحتاج لاهم شي وهو خلاط براون بز بز عرفتوه ؟؟ حق الشوربه
اول شي نحط في البراد كوب حليب + النسكافيه + الدريم ويب + القشطه + السكر + الكاكاو ونخلطهم بالخلاط عشان يمتزجو مزبوووط....وبعدين نحطهم على النار
نحط كوب الحليب الثاني في الكنكه لوحده بدون أي اضافات
لما يغلي اللي في البراد نصبه في الكوبين مناصفه يعني في كل كوب نصف الكميه
ولما يغلي الحليب اللي في الكنكه نخلطه بالخلاط البراون لمدة دقيقتين او الين تطلع له رغوه كثيفه زي المحلات
نصب الحليب في الاكواب لكن نمنع نزول الرغوه بملعقة اكل ....وبعد مانصب الحليب نغرف الرغوه بالملعقه ونوزعها في الكوبين بالتساوي ونرشها بالقرفه والكاكاو البودره
وبلهناء والعافيه .....هااااه ايش رايكم ....شي صح >>>>مادح نفسه
ان شاء الله تكون الصور عجبتكم ....... يالله يابنات انا في انتظار ردودكم ...لا تفشلوني
وأي سؤال انا حااااظره
وااااااااااااااااااااااااو شكله يهبل ماشاء الله
بجد خياااااااااال