على فكره ماقاقلت لكم:
هلااااااااااااا بناتاااااااات
كيفكم انشاء الله تكونوا حلوين طيبين وبنحبكم
الأخت (لبناااانيه مش هيك)
واضح بقوه وخاصه لمان تقرون موضوعي......
أنتبهوا المووووضوع ساخن من اوله إلى آخره(مصدقه نفسي) وماراح اكذب عليكم أنا ابغىاكسب تعاطفكم مع هالقضية إلي حصلت لي في غضون هذه الأيام..
* * * * * * * * *
ابرز العناااااوين التي طالعتنا بها الصحف نهار هذا اليوم من ملف القضيه:
الطرف الأول يقول(بر وسعة صدر وصيد بطريقة عفويه ) هذي أنا إلي بطرف الأول خلوكم على الخط.
الطرف الثاني أكتفى بنظم أبيات يشكو بها حاله: (احتج اقدم للامة قضية ممنوع صيدي بالسلاح الناري)
إليكم تفاصيل القضيه:
سالفتي ياجماعة الخير...
كنا حنا والأهل في ظهيره يوم ملىء الحلويه(حيويه) كاشتين في البر (في عز الصيف وكشته بعد ابوك يالنصب) زحلقوها .
المهم حنا كنا مبسوطين ومابنا خلاف لأن الجو كان مساعدنا بقووووه (جو باريسي)كنا يعني آخر روقان إجازه وعلى فكره تدرون ليش أهلي مطلعينا بالبر هاليومين ،مطلعينا عشان نغير جو أنا وأخواني ومنها كل واحد منا يمسك كتابه (لاتحسبون من زود ثقافتنا نمسك كتب نتسلى بها ابد هذي بس المواد إلي حنا راااسبين فيها:32:كخخخخ أقل واحد في العائله المصونه عنده ست مواد لا وفصل أول وثاني بعد حنا مايهون علينا نكسر خاطر المقرر الدراسي على العموم من يوم وقف الوالد الددسن المحترم وحنا نتوقد نشاط فكنا نلعب ونلهو ونمزح ونتضرب(افأ ياذا العلم خبري أنا طالعين للترااااااسه بين قوسين لدراسة.
مرت الساعات الطوال والجو كل ماله يحلو فنحن في ربوع بلادنا نساعد في تنشيط السياحه الداخليه.
المهم فكر اخوي الأصغر (وكان عفريت محيل) أنا نروح في رحلة صيد بريئه وكانت العائله كلها تمووووووووت في الصيد لكن حنا غير شكل ياجماعة الخير شوفوا حبيب القلب بيد اخوي البطل المغوار :
قمة الرجوووووله تنبثق من طريقة مسكته لضب عين الله تحرسه كأنه أجنبي لوما هالجودي إلي بيدينه:32: .
هذي كانت البدايه لمان أخوي البطل شجعنا وحمسنا وخلانا كلنا نتوقد حماس لصيد تحت اشعة الشمس الذهيبة في مدينة الرياض على فكره ترا عشوقه ماهيب سهله وتخوف بعد قررت انها تخوض المعمة بعد تحدي جرى بينها وبين أحد اخوانها لكن النتيجه كانت فتاااااااكه وإليكم الصور والأدله:
كله كوم والأسلحه إلي فوق الضحايا كوووووم:32:
ابغى ابين لكم اني راعيتها ومافشلتكم يابنات يامصرقعات(إلا أنتم وش دخلكم في السالفه:32: )
على العموم مر الوقت وكل هالأحداث تجري في وقت الظهيره والشمس تتزايد حرارتها وكل مازادت الحراره زاد محصول صيدنا(حشى ماحنا أواااااادم) شوفوا وين وصل العدد:
ولو أن العصر مادخل علينا كان كملنا المشوار لكن حنا خايفين لايتغير علينا الجووووووووووووووو:27: عووووووووووووووووووووووووووو(الحمدلله والشكر كانت رحلة ممتعة إلين تفأجأنا صبيحة اليوم الثاني بمحضر قضية وشكوى مقدمه من ضب على قولته أنه مضطهد أسمعوا أيش يقول من بعدها لكم الحكم:
الضب قم للوزارة شكية يقول انا مظلوم وسط الصحاري
الحيوانات تعيش عيشه هنيه وانا مع الكبسات تحت الكباري
مسكين مالي واسطه خارجيه الواسطه عند الظبا والحباري
اشكي من الأزمة ظروفي قوية خصوص وقت الصيف والجسم عاري
محمية الغزلان دون الحوية وانا مقطع وسط رز البخاري
انا لحالي عيشتي جاهلية انصاد لو اني ببنك العقاري
في سوق منفوحه يحرج عليّه مكتوبٍ اسمي فالسجل التجاري
احتج اقدم للامة قضية ممنوع صيدي بالسلاح الناري
برأيكم من الظالم ومن المظلوم بها القضية الساخنه
شاكره لكم :28:
بس صراحة صيد يكفيكم غدا لشهرين ..خخخخخخخخخ
عليكم بالعافية..
اما الضب المسكين..
تحمل..الشكوى لغير الله مذلة..هههههه