بنااااااااات هذا حوار بين الشباب والشيبان
إقرأ يا فايق يا رايق قصيدة معناها صادق
تحكي عن واقع وحقائق والعاقل عقله ميزاني
قصة فيها كل عجايب شابّن تقابل مع شايب
والكل منهم بيعاتب ما فيهم واحد غلطاني
قال الشايب : آآآآآآه يا حسرة منكم يا شباب الدشرة
والله لأوصفكم عشرة وافظحكم بين العربان
الأول في البيت مفرّك عند الدش وما يتحرك
اضحك للدنيا تضحك لك خلص فلم وحط الثاني
والثاني شاري سيارة ويفحط في وسط الحارة
ماسك في يده سجاره سجارة من ذا الدخاني
يمشي والله ما هو داري كسّر غطيان المجاري
يفحط ويدقق بواري وازعج جميع السكاني
والثالث قصته قصه يبي حلاقن بمقصه
من شأن يقصقص له قصه ويخليه ولد فناني
لكن التركي قد حاسه حاسه بمقصه وامواسه
طلّع لحية مثل الكاسة وسوا له عرف الشيطاني
يلبس جنز ويرقص رقصن في ضنّي يسمونه دسكون
ويقلد مايكل بن جاكسون ذاك الخكري الأمريكاني
والرابع رجّالن فني شاري له عودن ويغني
لانا منه ولا هو مني لا بدناه ولا يدناني
عانه في الأستريو عانه يبي شريط الفنانه
يبغى نجوى مدري ديانه يموت في الصوت اللبناني
والخامس والله من حقي اقضبه واطقه طقي
في السوق يحدر ويلّقي من دكانن في دكاني
يرمي رقم وياخذ رقم يا جعله بالبندق يرمى
والا جعل عيونه تعمى خربانن والله خرباني
والسادس سافر للخارج ويش الحاصل ويش الناتج
جاب امراضن ما تتعالج ما كانت في ذي البلداني
والباقين عشّاق الكورة كل نادي بجمهوره
النفس منهم مقهوره والقلب منهم مرضاني
نصراوي وأهلي وهلالي الإتي مقامه عالي
صفوة منتخبنا الغالي واسماهم فوق الجدراني
قال الشابّ : اسمع يا شايب طلعت فينا المصايب
سمّعت الحاضر والغايب وانتم خمسه يا الشيباني
الأول شايب متقاعد حيّاً يرزق ميت قاعد
لكن صوته مثل الراعد يحكي كان وياما كاني
متقاعد و مؤذي أهله يطلب شربه يطلب أكله
مرّاتن يشخط في الكهله ومرة يضرب في البزراني
يزعل من صوت الأولادي ما يبغى الا الجو الهادي
متمسك دايم بالرادي يسمع فيه ام حديجاني
والثاني روحه معنيها يا متعبها يا مشقيها
يصبغ دقنه ويحنيها و مرّكب له طقم اسناني
ياخذ باكورة وعباته وان شاف عجوزن بلقاته
خبى الباكور بمخباته وتظاهر كنه نشطاني
والثالث لا حكالك حاله همه كيف تزيد امواله
يبكي من مصروف عياله ويقول المصروف أعماني
يجلس يترقب لوليمه يفرح ليا جت عزيمه
إلحق يا مال الغنيمه وليمه عند الجيراني
والرابع عودن في الميّه لكن داخل به جنيه
يبغى يتزوج صبيه ويخلف منها صبياني...
والخامس شاري له ناقة ومسجلها في البطاقة...
ماله مع احدن علاقة عايش معها في البرّاني...
4
841
يلزم عليك تسجيل الدخول أولًا لكتابة تعليق.
الصفحة الأخيرة
يسلموووووووووووووووووو