بناااات ابي افضفض لكم كل الي في قلبي.......

السلام بناااات بدخل في الموضوع على طول وبدون مقدمات

والله انا احسن انا الدنيا ضاقت فيني . انا من قبل قلت لكم انا امي تعبانه وادعوا لها

وفعلا لازالت تعبانه وعلاجها عند ربها ان شاء الله. وكل يوم تزداد حالتها سؤا

لااعتراض على قضاء الله وقدره..

لكن يابنات الي متعب حالتي اني هملت نفسي من كل شي من لبس وتعديل

حتى مع زوجي واولادي احس اني مقصره معاهم لدرجه كبيره وملحوظه

لكن والله العظيم غصبا عني اني هملت نفسي. وانتو عارفين المرأه المتزوجه اذا هملت نفسها كيف بيكون شكلها قدام زوجها. انا صحيح حاسه بالتقصير الكبير

واحس اني كل يوم اتفشل من شكلي بس والله مالي مزاج . ضروفي جابرتني

المطلوب منكم يابنات انكم تدعون لي ان الله يفك ضيقتي ويفرج عن امي

وايضا ابي اسئلكم ؟؟ انتوا لاسمح الله الله لايجيب اي مكروه لااحد لو صارت لكم ضروف شبيهه بحالتي بأيش تتصرفون تهملون انفسكم ولاتتعدلون لازواجكم والا ايش؟ ابي منكم اراء ..الله لايحرمني من ارائكم وافكاركم ونصايحكم


لانا احس انا زوجي متضايق مني . ومن اهمالي له لكن غصبا عني



اتصدقون صرت حتى البيت ماعاد احب اجلس فيه . دائما اقول حق زوجي

خلنا نطلع في نزهات في اي وقت . حتى في الليل وهو عليه دوام اقوله قوم ابي اطلع من البيت بأي طريقه. طبعا اهو يرفض مايقدر يطلع معاي وهو عليه دوام .

وانا المشكله ماابي اجلس ولا لحظه في البيت. تصوروا والله يااخواتي انا في الليل

اولادي وزوجي نايمين وانا بس طايحه تفكير في مشكلة امي ونوم مايجيني

وحالتي حاله مايعلم فيها الارب العالمين

ادري اني طولت عليكم . وكلامي مش مرتب ..بس هذا الي خاطر في بالي قلت خلني افضفض حق خواتي بنات حواء الله يعطيهم العافيه . يمكن يقدرون يساعدون حالتي

الي احسها حاله نفسيه...




في امان الله