الله يشفي الوالدة ويخليها لكم يارب ويشرح لك صدرك ويسر لك أمرك ويسخر لك زوجك

الله يشفيلك امك يارب

بس نصيحه من اخت تحبك حاولي مايأثر مرض امك على علاقتك بزوجك .....................

والله يكتبلك الخير من عنده يارب

كلام البنات عين العقل هذي ازمه وتعدي انشاء الله واللي كاتبه رب العباد راح يصير خير والا شر انتي وانا وكلنا مانملك من امر انفسنا شي فكيف نملك للي حوالينا لو اراد الله وكتب عليك شي ماتقدرين تردينه وانتي الله كتب على امك المرض وعساه تكفير للذنوب يارب وتطهير استحملي واصبري عشان تصبرينها بعد
اما زوجك وعيالك مالهم ذنب في اللي يصير لامك صح هم يحسون فيك وبزعلك بس اختي مابيدهم شي ولا بيدك شي غير انك تدعي لها انها تقوم بالسلامه وتعدي هالازمه على خير
المطلوب منك انك تتوكلي على الله وترضي باللي الله كاتبه وتسلمي امرك له ترا هذا الشيطان قاعد يلعب براسك ويشتت تفكيرك اهتمي بنفسك وبزوجك وعيالك فهم لهم حق عليك لازم تأدينه

انا ابوي مر بازمه قلبيه صعبه وكانت حالته صعبه في البدايه تضايقت وصرت مثلك بس بعدين امنت باللي الله كاتبه لي وتحملت وقلت اللي يبيه ربي بيصير وبالفعل ما اهملت نفسي ولا عيالي ولا بيتي وزوجي انا ما اقول لك البسي وكشخي وتمكيجي لا خليك طبيعيه واكتمي بقلبك كوني مرتبه ونظيفه وعاملي اهل بيتك بكل محبه وطيبه صدقيني تكبرين بعيونهم وخصوصا عيون زوجك انا زوجي ماصدق موقفي واللي قعدت اسويه قالي توقعت تنهارين لاني في البدايه وايد تاثرت بس بعدين رضيت باللي الله قاسمه وصرت عاديه وطبيعيه وهذا اختبار من الله سبحانه يشوفنا بنصبر او بنعترض على ارادته ولازم تكونين قد هالاختبار

الله يشفي امك ومرضى جميع المسلمين ويصبرك ويثبتك ويعينك

الله يشفي امك ويفرج همك عليك بالدعاء والصلاة اخراليل وما ادراك ما لصلاة