UP

هلا حبيبتي اول شئ الله يحمينا ومن الجن يا رب ... ما أحبهم أبد :(
وثاني شئ بقولك كنا رايحين عند شيخ يقرى على الناس يعااالجهم بالرقيه المهم حبيبتي يقولنا عن عجووووووز بدويه بدويه بالقو ما تعرف حرف انجليزي فهمتي على قال المهم هاي العجوز فيها مس ويوم قرى عليه إلا ذاك الجني إلي يرطن انجليزي ما يعرف حرف عربي قال عيوني تبققن يوم شفت العجوز إلي ما تعرف حرف انجليزي الجني يتكلم بصوتها انجليزي تووووب جان يسألووونه أنته كيف دشيت فيها قال كااانو ماخذين العجوووز لندن يعااالجووونها ودشت الحمام اكرمكم الله ودشيت فيها وترى كل دوله فيها جن يتكلمون فيها ومره واحد إمارتي جاه يتكلم زنجباري قاله كان رايح زنجبار ودشيت فيه .. والله يحمينا منهم

حسبي الله على ابليسكن خرعتوني
أوني عاد أخاف
أنا ما أخاف من الجني الأزرق خخخخخ
المهم أنا اللي أعرفه انه الجن خارقين يعني اللي انجليزي وبغى يتعلم عربي ما تفرق عنده مو مثلنا في ثانية يتعلمها
وعلى طاري القصص
أنا أخوي الله يحفظه يوم كان صغير مراهق أنا من الشارجه لكن عندنا بيت في رأس الخيمة في نص الجبل يعني منطقة نائيه على هاذيك الأيام من أكثر من 10 سنوات
يالله بقولكم القصة بس اندمجوا شويه علشان الأكشن
يا بنات ويا حريمات من أكثر من 10 سنوات كان هناك ولد مراهق( يقولون عنه أخوي) مو مؤدب وصايع وما يسمع كلام البابا والماما وكان فيه ذرة جمال ( ولا الطشة) وقاله أبوه صل المغرب ومر على فلانه وعطها شي معين المهم هذا الولد الصايع ما صلى المغرب ومر عند الحرمة هاي اللي معروفة بعينها الخضرة ويسمونها القطوة يعني القطة ومعروفة بعينها الحارة رغم انها خضراء وحلوه ويوم شافت أخوي الظاهر انها ( صمٌته بعين ) وبعدها مر على المقبرة وهو طبعا يسوق السيارة وبدل ما يسلم على الميتيين على الأقل قال كلمة قبيحة في حقهم و ( صيح ويل ) وبعدين مر في نص الجبلين في الظلام الدامس والهدوء الهالك تفاجأ جدامه ......... بثعلب يركض من فوق الجبل وينط أمام السيارة وبعدين أخوي ما يتذكر شي

طبعا هو تأخر عن البيت وقعدنا ننترياه والناس اللي شافته خارج البيت قبل ما يدخل البيت تقول انه قبل ما يدخل البيت كان يدور على ( جلسه نحنه مسوينا برع البيت ) يمكن لف عليها أكثر من 10 مرات وعقب وقف ونزل من السيارة

ويوم دخل أخوي البيت كان واحد ثاني
القصة طويلة طويلة ما أبغي أخرعكم

أبغي أوصل للنقطة اللي نتكلم عنها

الجني اللي دخل في أخوي كان متدين ويخاف ربه
أول شي ما كمل 10 أيام وطلع بدون ما يؤذي أخوي الحمد لله أخوي كان محظوظ وغير بعدها أخوي حافظ على الصلاة وصار ملتزم
وثاني شي دخل فيه علشان يؤدبه على الأعمال الشينه اللي سواها

وموضوعنا انه كيف عرفنا انه الجني مسلم ومتدين أنه يوم كنا نشغل سورة البقرة على أذن أخوي للعلاج كان يقرأ مع المقرأ السورة ويسبقه يعني كان حافظ سورة البقرة وكنا نستغرب لأنه أخوي زين انه حافظ الفاتحة

وبس

اللهم اني اعوذ بك من همزات الشياطين واعوذ بك ربي ان يحضرون

الي اعرفه انه ممكن يتكلمون بصوت اي احد في البيت وينادونك لان شغالة امي كانت بروحها في البيت وكانت تسمع امي وابوي ينادونها ماتت من الخوف مسكينه

واعتقد والله اعلم واحكم انهم يتكلمون بلغة البلد الي هم فيه

الله يحفظنا جميع

اعوذبكلمات الله التامات من شر ماخلق

اعوذبكلمات الله التامات من شر ماخق

ا عوذبكلمات الله التامات من شر ماخلق

الله يكفينا شرهم وكل مسلم ومسلمه