لا تتعبين نفسك معاهم بنات مراهقات بالسناللي ذكرتيه لو ايش ماراح يتحركو بالعكس هم ودهم من يخدمهم جيبيلك خدامه وريحي نفسك وهم مصيرهم اذا كبرو وصارو ربات بيوت اكيد راح يشتغلون ويشلون المسؤولية

للاسف يوم كبرو وعودتيهم على انهم مخدومين صرتي تطلبين منهم يخدمون الله يسخرهم لكم ويرزقك برهم
ما ودي احطمك بس معروف الشي اللي يتعلمونه من الصغر يبقى معهم للكبر
حالياً قدامك حل انك تتركين الموضوع لابوهم يكلمهم اذا له كلمه مسموعه عليهم ويقول كلكم كبرتو وكل واحد يشيل مسؤليته بنفسه ويعتمد على نفسه واعطوهم اهداف او قوانين معينه
مثلاً المطلوب من كل شخص :
كل يومين او ثلاثه تجمع ملابسها وتحطها بالغساله تغسلها وتنشفها وتطويها بالدولاب او تكويها اذا احتاجت .
تنظيف وترتيب غرفة النوم كل اسبوع
الكاسات والملاعق والصحون اللي ياكلون فيها بين الوجبات او اثناء الوجبات يغسلونها بعد ما يخلصون
الغرض اللي ياخذونه يستخدمونه لازم يرجعونه لمكانه ومايتركونه مرمي

وبالنسبه للطبخ اجلسي معاهم افتحي سوالف عاديه وقولي لهم ودي اذوق حلا من يدينكم بالعاده البنات فنانات بالحلا اكثر من الامهات العبي بعقولهم بكلمتين حلوه وامدحيهم اذا سوو اي شي
في البدايه راح تتعبون معاهم لكن بالتدريج يتعودون
حتى الاولاد لا تعودينهم انك تخدمينهم خليهم يتعلمون يخدمون انفسهم لانك بتتعبين من الركض وراهم مثل البنات

لا تخافين عليهم اذا تزوجو مثل غيرهم بينجبرون يكرفون
الحين خليهم يشيلون مسؤلية انفسهم ويخدمون انفسهم بأنفسهم وان شاء الله يخف الحمل عليك

الله يعينا ويعينك انا يشتغلون بس مايعجبني شغلهم غالباً اعيد وراهم

جربت اللي قلتي مانفع يلبسونها بدون كوي
الطبخ أنا اقصد مايهمهم يتعلمون ولا يمهم شي
لو عندي ضيوف ما يرتبون معي
ولا يساعدوني يتهربون وتعبت من التوتر والنصاي

الحل سوي لهم جدول "اجباري" مع عقوبة لعدم الالتزام