نفس حالتنا عندي بنات بس والله احس أني تعبانه معاهم الصلاة بالقوه والشغل نفس الشي الله يعينا عليهم
ياريت ياامهات تعطونا من خبرتكم من متى لازم يتعلمو يعتمدو على نفسهم عشان نلحق الجيل الجديد الله المستعا

والله المفروض بساعدونك
ويشيلون حمل كبير عنك
اذ غسالتك توماتيك كل وحده تغسل لنفسها وتكوي
وكل يوم وحده تكنس تغسيل الاواني دورات المياه ترتيب المطبخ والفرن
جدول باسمائهم
مافيه لا غصبا عنهم ساعة باليوم ماراح تضرهم وتخفف عنك انتي ام ومعلمة ومربية وطباخة
تحتاجين تخفيف

حبيبتي انتي افضل حل تسوينه معاهم عشان ينجبرون يخدمون نفسهم ويتعودون على الشغل و الترتيب
اول شي اغسلي ملابسك انتي وزوجك والاطفال الصغار خليهم هم يغسلون ملابسهم بنفسهم وسويلهم جدول مثلا اليوم هذه وبكره هذيك
لا يطلعون من غرفتهم الصباح الا وسريرهم مرتب و غرفتهم مرتبه وكل شي بمكانه انتي بس تهوينها وتنظفينها بعدهم
وقت كوي الملابس انتي عليكي بملابسك وملابس زوجك والاطفال الصغار هم عليهم ملابسهم مهم ايش صااااار لا تكوينها حتى لو تأخرو على المدرسه الصباح مو مشكله مابتطير الدنيا يكونها بنفسهم
حددي المواعين مثلا انتي تغسلي بالصابون ووحده منهم تغسلها بالمويه واليوم الثاني العكس انتي ووحده ثانيه بالتناوب يعني
يعني المطبخ اليوم عليك انتي و البنت الكبيره ... بكره عليك انتي والي اصغر منها وهكذا
الحمامات خلي كل حمام على وحده اجباري مافي تناوب
لو مايسمعون كلامك احرميهم من طلعة نهاية الاسبوع كل الويكند في البيت يقضونه لا احد يجيهم ولا يروحون مكان
لازم تكونين حازمه معاهم ولكمتك هي الي تمشي من كلامك فهمت انك مهزوزة الشخصيه وضعيفه ماتقدرين عليهم
اذا يبغون حلى ومعروف البنات يحبون الحلى هم يسوون وهم ينظفون لا تسوين شي خليك حااااازمه







امي الله يحفظها كانت كذا معانا تقسم الشغل بيننا بالتناوب وهي تقسمه مو احنا عشان لا نتهاوش ههههههههههه

والله حتى الصباح احنا البنات واخواني كلنا نقوم كل واحد يرتب سريره واغراضه

وكل خميس وجمعه كان الغداء علينا احنا البنات نسويه والعشاء

طبعا اي وقت نشتهي حلى انا واخواتي احنا بنفسنا نسوي واحيان امي تسوي بس هي تبينا نتعود ونتعلم

مع العلم انه كان عندنا خادمه لاكن الترتيب و النظام ماله دخل اذا في خادمه او لا عشان كذا امي كانت تعلمنا من صغرنا كل شي الحمدلله

شوفينا اتزوجنا والحمدلله طلعنا سنعات تنظيف وترتيب وطبخ وتقديم وكل شي لان هالشي امي بنته فينا من صغرنا الله يحفظها

وكنا نزعل ونعصب من شغل البيت ونقلها عندنا خادمه ليش نرتب وننظف وهواش كل يوم لاكن الحين فهمنا ليش هي كانت تعاملنا كذا

بالثانوية والمتوسط لاتغسلين لها قولي كل وحده تغسل ملابسها
هم معتمدين عليك
اقسي ع قلبك شوى بس بدون هواش عليهم
وشوفي يمكن نقص فيتامين دال يسبب الكسل والخمول
وفتحي الشبابيك وبخري علشان الطاقه السلبيه تطلع

أشكركم أخواتي على أفكاركم ونصايحكم 💕💕
والله يصلح لنا ولكم الذريه وبطبق الحلول اللي طرحتوها عسى تحركهم لأني عجزت عنهم
وأن شاء الله تنفع بهم