السلام عليكم ورحمة الله وبركاته

أختي دام الرجل حط الزواج في باله راح يتزوج اللحين ولا بعدين فأنصحك أنك تستحملين وتدورين له على بنت حلال تخاف الله قبل ما تستاثمين فيه مع هالبغايا .

و لأ تفكرين تطلعين من بيت زوجك نهائياَ .

الله يسعدك ويوفقك

شوفي ياأختي "ف بنت مريم "


تراني حاسة فيك تدرين ليش لأن ابوي متزوج على امي ...وهذا اللي انت فيه نفس اللي امي فيه وللحين
ودايما بينهم مشاكل عشان كذا اقولك ومن واقع تجربه بعض الأشياء اللي تفيدك !!!!!
1-اعرفي نفسك !!!
انت من النوع اللي غيرته شديده وإلا لا
لاتقولين لي مافي وحده ماتغار في حريم إذا تزوجزا عليهم رجاجيلهم طنشوهم ولا عليهم فيهم ويوقولون من باعنا برخيص بعناه بتراب
وفي حريم غيرتهم شديده وتاكلهم اكل وممكن تجيب لهم امراض وبلاوي
وفي حريم يتصالحون مع ضرايرهم ويكونون زي السمن على العسل
يعني الناس موواحد حاولي تعرفين نفسك انت اي وحده منهم وعلى ذا الأساس قرري ...

2- أستخيري إذا قررتي الطلاق
تطلقين وإلا لا
بتستغربين من كلامي لكن إذا وصلتي لمرحلة ماتفكرين إلا بطلاق إستخيري والله بيوجهك ناحية الخير صح الطلاق خراب بيوت لكن في بعض الأحيان يكون حل لزوجه
بدل مايجيها الظغط والسكر وتموت من القهر أو تسوي في نفسها شئ

3- لاتسمعين كلام الناس كله !!!
الناس يحبون الخير لبعض وبعضهم غير كذا
ولما تجين تشتكين بعضهم يتفاعل معاك من حبه لك طبعا احنا مانشك بالنويا
لكن ممكن يخرب بيتك بدون ماتدرين وساعتها لو تطلقت ِ محد راح ينفعك ودموعك محد راح يحس فيها
يعني موكل كلام تسمعينه ..تصدقينه ..وتمشين عليه ممكن يكون الكلام من ناس يحبونك ويتمنون لك الخير
لكن كلامهم خطأ في خطأ ...

4-إدعي
إدعي ان الله يسخر لك زوجك ..ويديم المحبه بينكم ...
الموضوع لسه ماصار داومي على الدعا واقري سورة البقره وإدعي بعدها وبعد كل صلاة وفي كل وقت
..واشربي ماي زمزم وإدعي ...ولاتيأسين ادعي وانت موقنه بالدعاء ...

5- إذا حسيتي انه معزم وانت ماعندك نية للطلاق فالأفضل انك تختارينها له بنفسك
وأحسن شئ تكون مطلقة او ارمله لاتجيبين بكر بتشوف نفسها عليك وتنكد عليك حياتك
وإذا إخترتيها إستخيري فيها وإعتبريها مثل إختك صدقيني هذا اللي صار معانا ومع ناس كثير تصير الضرة مثل الأخت
ومرة ابوي علاقتنا معاها طيبة لكن بعض الأحيان امي تعصب وتقلب البيت نار على روسنا ...

6- فكري في عيالك ...

7- فكري بزوجك إذا رغبته شديده حاولي تشبعينها له مهما كان هذا حقه
وتفنني في هذي الأشياء طبعا المتزوجات يقدرون يساعدونك اكثر مني

8- حاسبي نفسك وإسأليها ...
شوفي انت في إيش مقصره ..لاتقولين مره ماني مقصره ....اكيد كل انسان عنده تقصير بس فكري ..وحاولي ترضينه ....


اتمنا لك التوفيق

ألجئي لله تعالى و أكثري من الدعاء في الثلث الأخير من الليل
وقولي ( اللهم أجعله سكناَ لي و أجعلني سكناَ له و أجعل بيني و بينه موده و رحمه )
لكن إذا صار الموضوع فأعلمي إن هذا قدر الله لك ولا تطلبي الطلاق و أرضي بالأمر الواقع
وأصبري و أحتسبي الأجر عند الله تعالى
والله أحنا محنا أحسن من الصاحبيات
وإذا قلك إنت إختاريها إختاريله وحده ملتزمه وتخاف الله
والله يصبرك و فرج همك .

السلام عليكم ورحمة الله وبركاته اما بعد


اختي الغالية احب ان اقول لكي ماعندي


اولا التعدد هو مشروع في ديننا الاسلامي ولايحق لنا الاعتراض على شرع الله


ثانيا الانسان روح وقلب وقلب زوجك بين اصبعين من اصابع الله فاطلبي قلب زوجك من الذي يملكه وهو لايملك من امر نفسه شيئا


ثالثا تقبلي امر زواج زوجك بشكل طبيعي ولاتظلمي زوجته فزواجه بالحلال خير له من سلوك الطريق الحرام


رابعا ان ظلمك فسوف يتحمل نتيجة ظلمه لانه من كانت عنده امراتان ولم يعدل بينهما حشر يوم القيامة وشقه مائل فيما معنى حديث النبي محمد صلى الله عليه وسلم


خامسا اما مسألة الغيرة فادعي الله ان يذهب عنك الغيرة وادعي الله ان تكون غيرتك منصرفة على دينه وشرعه


سادسا ادعي الله سبحانه وتعالى ان يعلق قلبك بالله ولايعلق قلبك بمخلوق ابدا فمن تعلق بالله وجد السعادة الحقة


والسلام عليكم ورحمة الله وبركاته

اختى الحبيبه والله انج بكيتينى
اسمعى كلامى وقومى صلى الليل وادعى ربج وانتى فى اشد لحظات الضعف والبكاء والحاجه
ادعيه انه يرجعلج زوجج ويهديه وما يخليه يفكر بوحده غيرج وتأكدىوانتى تدعين ان الله فوقكل شى وقادر على كل شى وكثر من قولةحسبى الله ونعم الوكيل


قلبى معاج