عبائر انا دايمن اسمع عن حركة الطشت الي تنحط في المجلى !! بس صراحه ماني فاهمه وش الفايده منها ليه مااحط المواعين في المجلا نفسه ؟؟ وحتى لو قلنا بنحط المواعين في مويه وصابون وش الفايده اذا كنا بنرجع نظفها بالليفه ؟؟ أحد يفهمني !!!

أتمنى حبيبتي (ام عبودي حياتي) تستفيدين من ردود البنات ...

الله يكون بعونك
بس ابقولك نصيحه
الترتيب والتنظيف لأزم يكون جذري عشان ماتتهاونين وتهدين مجهود بذليته
ابعطيك افكار للمطبخ
خصصي يوم للتنظيف العميق (غسل جدران ودواليب ومسح ارضيه وتنظيف الشباك والثلاجه وكل شي يتطلب مجهود مضاعف)
احب اذكر انه يمكنك تنظيف جزء كل يوم بمعنى اليوم الدواليب لو جهه واحده ان ما قدرتي وبكره الفرن وبعده الثلاجه
وهكذا حتى تنتهين من التنظيف العميق
بالنسبه للتنظيف اليومي...لاتبدئي الطبخ الا وكل شي نظيف
*استخدمي اختصارات تعينك
زي تفريز الثوم والطماطم والخضار والفواكه...الخ,وهذا يعينك في اختصار الوقت واقل جهد بالنسبه لأستخدام المواعين.وممكن تستخدمين بلاستيكات.

*جهزي مقادير طبختك وخلي كل شي قدامك وفي متناول يدك وارجعي كل شي مكانه بعد ماتنتهين ,وفيما انتي تنتظرين طبختك تجهز امسحي الطاوله اللي اشتغلتي عليها واغسلي المواعين اللي استخدمتيها

*استخدمي بخاخ فارغ وحطي فيه منظف + ماء وكلوركس وبخي وامسحي المكان اللي استخدمتيه

*جهزي سفرتك اثناء الطبخ وخلي كل شي جاهز فيما انتي تنهين الأكل .

بالنسبه للبيت
لاتنامين وبيتك فيه حوسه شيلي كل شي ورجعيه مكانه قبل النوم

من الصبح ابدئي بترتيب سريرك وترتيب غرفة نومك.. وتغير الملايات ان احتاجت ذلك
ثم بتنظيف يومي خفيف للحمام وهذا مايغني عن تنظيف عميق واسبوعي..ولاتنسين المطهرات .
مكان الجلوس
رتبي كل شي مكانه واكنسي وامسحي وعطري المكان..قبل دخول المطبخ
لاتنسين الغسيل شغلي الغساله اثناء تنظيف البيت ..
بعد تجهيز اكل الطفل وتغيير ملابسه اتركيه يلعب في مكان واحد ومع العابه

اتمنى اني اكون قدمت لك شي يفيدك
وهناك روابط بتعينك وتساعدك فيها تجارب كثيره لأخوات ساهموا في تنظيم وترتيب حياتنا وبيوتن
ولاحقاً ابدرجها لك
تحيـــــــــــــــــاتي

الله يكون بعونك والله الأخوات كفو ووفو بس نصيحه لك اعملي بالترتيب اول باول لان الرجال يطفش من الحوسه

ومو حلوه يدخل بيت احد من زملائه ويلاقي بيته مرتب ويبتدي يقارن بين زوجة صديقه وبينك او بين اهله وبينك انتبهي زين والله يسهل عليك يالغاليه ويوفقك ,,,

مثلي دايم حوسه وبل الاسبوع اسوي تنظيف عميق واتعب وهمن اتركه من جديد يحتاس
وبعدين اعيد الموال واتعب الين اطيح
ودي انظف كل يوم وودي اكون سنعه كل يوم بدون تعب
لاني انسانه مزاجيه وامل بسرعه