عبائر :

اختي شوكلاته حاره hot-chocolat ((وبان الموضوع عنوانه - بنات ابي اغسل وارتب اول باول كيف بالمطبخ وغرفتي ؟؟؟؟؟؟؟؟؟؟؟؟؟ وهو قضيت اختنا ام عبودي حياتي0000000 فان موضوعك هذا الموضوع جزء منه انا كنت مثلك تماما احب ان اعمل اشغالي بنفسي لكن اشغالي تاخذ اسابيع علاشان تنتهي واحيانا" تكون افلام مكسيكيه ماله نهايه انا عدلت حياتي لي 5 اشهر الآن اضع في بالي الاشغال السطحيه واعتمد عليها لمدة2اسبوع الى ان اتعود عليها اشيل من بالي الوسوسه التي لازم اجعل البيت نظيفا" من الداخل والخارج معا((الخرطي)) اللي مالها داعي هذه الوسوسه تجيب الرفاله والمهانه تعسر وليست تيسر صحيح الكل منا يريد بيته نظيف خارجي وداخلي في وقت واحد بس بحكم اننا مبتدئات لازم نمشي خطوه خطوه لهذا000 الاشغال السطيحه((التي اقوم بها انا)) 1-المطبخ -واهم شئ غسيل المواعين اغسلي اول باول لايطيح ماعون في يدك الا اغسليه على القليله لو بماء فقط -ارتب الذي امام اعين الناس سطحي -امسح الفرن واضع عليه قصدير وهذا يسهل عليك التنظيف واغير القصدير كل اسبوع مره لو كان محوس عادي او اذ عندنا زيارة ضيوف اغير القصدير فورا" -امسح الثلاجه واضع فيها جرايد على كل رف حتى الفريزر علاشان اذ توسخ ازيل الجرايد بدلا من اطفئ الثلاجه لكي اغسلها -اغسل الارضيه بعد كل وجبه بماء وصابون ثم مطهر او معطر 2-الغرفه((غرفة نومي)) -ترتيبه وتنظيف ايضا سطحي ماعدا ملابس زوجي ودالوبه نظافه عميقه مره بالشهر -ارتب السرير -امسح المرايا - اضع مكياجي كله في صناديق داخل الدروج الى ان اكون رايقه وارتبهن اهم شئ مااخلي شيى ظاهر امامهم((زوجي+الضيوف)) 3-مجلس الحريم -كنسه -مسح المكتبه 4-المخزن -ترتيب وتنظيف سطيحي -اجمعي الاغراض في الدالوب او في كراتين الى ان تكوني ذات مزاج لو بعد سنه -اكنسيه -اذ كان بلاط او رخام امسحيه بمطهر 5-الحمام-اكرمكم الله- -رتبيه واجمعي اغراضه في كرتون وضعيه في المخزن الى وقت تكوني فيه راقيه وارتبيهن من جد وجديد وارجعهم للحمام-اكرمكم الله- اجعلي الحين فقط فيه شامبو+غسول اليدين+مناديل نشاف +علبة تايد+مطهر((وانا استعمل جينتو بالصبار)) هؤلاء الضروريات لكم وللضيوف -اغسلي الارضيه بشكل روتيني 6-بقية البيت عموم -ترتيبه وتنظيفه -كنسه بالاسبوع مره 7-قسم الرجال -ترتيبه وتنظيفه -غسل الحمام –اكرمكم الله- ((للمعلوميه: قسم الرجال مره كل اسبوعين ماعدا وقت زيارة الضيوف بشكل معلوم او بعد العزومه)) وبخريه لو باي بخور لتعم الرائحه السنعه -من ناحية وجبة الغداء اهم شئ تعملينه انتي لو كانت ايدامات او شوربه او معكرونه بالباشميل او أي شئ عادي لمدة اسبوعين انا احيانا اعمل ارز بيضاء اطبخها بماء وملح ثم لبن اوبحليب اوبحليب بودره((نيدو)) واعمل احيانا ايدام ليكون معه او اجعل البن معاها فقط تطلع روعه000 حتى زوجي يموت معاها ومفيده ايضا للطفلك وبعد اسبوعين تكون راحت جنية الوسوسه

اختي شوكلاته حاره hot-chocolat ((وبان الموضوع عنوانه - بنات ابي اغسل وارتب اول باول كيف...

hot_chocolate :

يبنات وخصوصا عياير قولي لي ايش اسوي مع المزاااااااااج المعفن الي هو مزاجي انا بطبعي نظيفه مرررررره واذا رتبت لازم ارتب من بره وجوه في وقت واحد ما اعرف نص ونص حتى والله لمن اقلب الادراج من داخل تكون زي النجف بس الوسوسه قاتلتني اقوم اتعب مررررره واذهق لمن اخلص واخلي البيت حوسه لدرجه ماتتخيليها ابدااااااا ويصير عندي الشغل عذااااااااب احاول اواجهه بس اهرب كل يوم بحجه لدرجه والله احيانا كثيره اجلس ابككككككككي باسى كانه ميت لي احد زوجي الله لا يحرمني منه يطنش ويطنش بانتظار صحوتي المعتاده للبيت واذا طولت يعطيني كلمتين بكل ادب ومبطنه بقلة ادب علشان اقوم ارتب عرض علي يجيب شغاله بس رفضت لاني اعرف اني ماراح ادري عن البيت شي امي كانت ترسلي وحده من شغالتهم اذاشافتني مكتئبه ترتب لي البيت المهم الحين الي كانت تجيني سافرت والثانيه مايقدروا يستغنوا عنها ابد علشان الاولاد والبيت كبير ومره ماما ارسلتها وجلست ياعمري عليها تخدم بنفسها وتكذب علي وتقول انا نايمه بعدها معد اخذتها جيراني احيان كثيره اتهرب منهم علشان لايقولوا بنجيك مع اني والله اموت فيهم ولمن اقولهم بيتي حوسه مايصدقوا ويقولوا عمرنا مادخلنا بيتك الا يلق ماامداه يحوس كيف يبنات الله يعافيكم اصير حرمه سنعه بيتها مرتب على طول والله افتشلت من زوجي وتراني مزززززززززاجيه وكل يوم بحال زي المجانين وعندي ولد والله مايحوس حوستي عمره 3 سنين بقلكم معلومه بس لاتقتلوني بعدها ترى لمن يكون البيت حوسه مااطبخ لاني مااعرف اطبخ والدنيا حايسه فيقوم زوجي يجيب غدا من بره او نطلب كاننا مسافرين وهالحال احيانا يستمر نص شهر الا الحين مااطورت الحاله اكثر ماما تقول زوجك شبشبه برقبتك والله لو جرب حرمه ثانيه لا يلعن اليوم الي اخذك فيه وانا متاكده من هالشي مسكين كل مشكلته انه يحبني الله يخليكم ساعدوني ايش اسوي بعمري بس لا تقولولي احرقي نفسك بغاز هههههههه <<< لهانفس تضحك وكمان لا تقولولي سوي جدول علشان مافي اكثر من جداولي الي الحين اشوفها مرمايه يمين ويسار ولا اسويها واذا سويتها الشغله الي اقول انها تاخذ مني نص ساعه اسويها ف3 ساعات اقوم اتحطم وابطل اسوي شي وترجع ريما لعادتها القديمه

يبنات وخصوصا عياير قولي لي ايش اسوي مع المزاااااااااج المعفن الي هو مزاجي انا بطبعي نظيفه...