بنات ابي وحدة تبيع عريكة جنوبيه بالرياض نفسي فيها لي سنوات

ليتك جنبي أسويها لك من عيوني

ياعمري والله شدني الموضوع والله ليتك جنبي لسويها لك من دون مقابل وتري طريقتها سهلة مرة سويها أنت ووفري الخمسمائة ههههههههههههه هي عبارة عن دقيق بر وملح وماء تحطينها مع بعض وتعجنينها ثم تدخلينها الفرن حتى تستوي لكن انتبهي تحمر كثير بس تحمير خفيف وبعدين تجيبين يد الهاون وتحطين الخبزة اللي سويتيها في قدر مع سمن بلدي اوتسوين سمن من زبدة المراعي ثم تعركينها مع بعض أي تدقينها الين تصير مثل العصيدة إذا تعرفينها أنا احب اعركها بالتمر ثم إذا خلصتي حطيها في حافظة وضغطيها من النصف حتى يصير فيه فجوة وعبيها بالسمن والعسل واستمتعي بالطعم
انقل لكم طريقة عمل العريكه بالتمر
هذه الطريقه سهله جداً ومضمونة النتائج...
وما عليكِ إلا اتباع الخطوات التاليه...


المقادير..


1 كأس دقيق بر


1 كأس دقيق ابيض


2 كأس ماء


ذرة ملح


1 كأس تمر.. منزوع النوى


نصف كأس سمن... او زبده..تترك على النار..حتى يطلع منها مثل الجفل الابيض..


الطريقة...


تخلط كمية الدقيق مع ذرة الملح والماء في سحله...
حتى يصبح الخليط متجانساً .. وكثافته مثل خليط الكيك ...



ثم يُصب الخليط في صينيه ويوضع في فرن حار لمدة ربع الى ثلث ساعه تقريباً..






تأكدي من استواء العجين بغرس سكين في وسط الصينيه..واذا خرجت السكين نظيفه من العجين ..اذن قد استوت العجينه..


اقلبي قرص العجينه في الصحن وضعي عليه التمر ونصف كمية السمن..






استعملي القفاز ... للعجن..لأن القرص حااار.. ولن تتمكني من عجنه بيدك مباشرة.


ابدأي بعجن التمر مع القرص...


استمري بالعجن .. حتى يتجانس التمر مع القرص..





ضعي العريكه في حافظه..ثم ضغطي من المنتصف لتشكيل حفره جميله املإيها بالسمن والعسل مع دهن العريكه من الاعلى بقليل من السمن...


جهزي دلة قهوة وحطيها جانب العريكه.... وافطروا بالهنا والعافيه





ملاحظه ... هذي الكمية تكفي من ثلاث الى اربع اشخاص


بالعافيه



وهذي صور لانواع ثانيه من العريكه















الكلام اللي بالأسود والصور منقولة

تعالي عندي حياك وأزين لك أحلى عريكة

العريكه سهله جربيها وخلي 500 تنفعك ههههههههه

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..