السلام عليكم ورحمة الله وبركاته
انا متزوجه لي 4سنوات وبدخل ال5 سنوات بعد شهر وعندي بنت عمرها 3 سنوات دائم تحصل بيني وبين زوجي مشاكل اول مشكله بعد ماكملت 3شهور وكنت توي في بدايه الحمل والوحام وكانت في ايام العيد رحنا وعيدنا عند جماعته ورجعنا البيت الظهر ونمنا قمنا على المغرب وكنت تعبانه مره واستفراغ ودوخه وكان زوجي معصب مره بدون سبب وقام يصارخ ويلعن ويقول انا مابيك نزلي الي في بطنك انا طفشان من حياتي انا انصدمت توي متزوجه وحامل جلست ابكي قلت ودني عند اهلي قام وداني عند اهلي وكانو اهلي مو في البيت دخلت البيت وجلست ابكي وهو اتحسف وجلس يدق علي ومارديت عليه قمت دقيت على اختي وجلست ابكي جت اختي جلست تهدي فيني بعدين دق جوالي قالت اختي برد عليه ردت اختي عليه قالت وش صاير بينكم قال ماتحترمني وماتقدرني وجلس ياهاوش واخذ فكره شينه عن اختي ليش تكلم رجال غريب وليش تدخلين اهلك وانا قايلك من الملكه ماابي احد يتدخل في مشاكلنا بس انا ماقدرت قالي كلام يجرح بعدين فرجها ربي علي ورجعنا لبعض وكل فتره يحصل مشكله واحاول اني امسك اعصابي بس مااقدر وان تكلمت قال اكيد اهلك قايلين لك اكيد اهلك وازينك انتي ولائك لاهلك اكثر من ولائك لي انتي ماتحبيني وماتحبين اهلي والله تعبت وحصلت مشكله ثانيه ورحت عند اهلي وجلست اسبوع وبعدين رجعت ويجي مشاكل واحاول اسكت عشان بنتي ماتتعقد وكل ماحصل مشكله يجلس يعيد المشاكل كلها من يوم اتزوجنا الين الحين وانا انسانه محترمته ومقدرته وان طلبت منه شي مايجيبه الا بعد مايذلني فيه جاب لي شغاله يوم كنت ادرس عشان بنتي ذلني فيها على طول من يوم خلصت وداها عند اهله وهم عندهم شغاله حتى امه قايله له اذا خلصت زوجتك من جامعتها لاتسفر الشغاله ابيها حسبي الله عليها وهي موضفه وعنده شغاله ومغنيها ربي
والحين انا عند اهلي لي شهر وكم يوم والله تعبت معه قالي كلام جارح وسبني وسب اهلي كلام ماينقال
ماادري وش اسوي احس اني بين نارين احيانا ودي اتطلق وارتاح منه واحيانا ودي ارجع له عشان بنتي
والله محتاره شورو علي
تكفون ادعولي ان الله يفرج همي ويسر امري
معليش طولت عليكم
ومشكلتي منزلتها في منتدى ثاني لاني ادور على حل وهذي اول مشاركه لي
الاشراف
هذا الموضوع مغلق.
الله يفرج همك وينفس كربك اكثري الاستغفار والصدقة والدعاء واحسني الظن بالله سبحانه وتعالى
ربي يسخره لك
ربي يسخره لك
الصفحة الأخيرة
قبل أي خطوه إستخيري ،
وافرشي سجادتتس والححححي بـ الدعاااء
لـ رب العباااااد وصدقيني ربي كرييييييم
واكثررري من قوول لاحول ولاقوه الا بالله
ومن الاستغفااااااار والله يكتب لتس الخيررر
تكفين ادعي لي ان يصير اللي فـ بالي اذا كان خير لي هالشهر عاجلا غير اجلا
واذا كان شر لي يصرفه عني ويرزقني باللي احسن منه