بنات ارجوكم ساعدووووني .. بنتي بتتعقد والسبب هذي المعلمه

السلام عليكم
ارجوكم يابنات تساعدوني ماني عارفه كيف اتصرف ...

الموضوع ومافيه ان بنتي ( الله يحفظها ) في سنه اولى ابتدائي .. ومن اول يوم دراسه اخذتها للمدرسه ودخلتها فصلها .. وانا مو مرتاحه لمعلمه الفصل اللي صارت من حظها .

سألت عنها الامهات اللي مجربين بناتهم عندها من قبل .. لكن اغلب الاجابات ماتريح .
واغلب الانتقادات عليها كانت عن طريقه تعاملها مع الطالبات انها سيئه .

حاولت اني اغير فصلها ...لكن مالقيت تعاون من المعلمات . سلمت امري لله وقلت نجرب قبل مانحكم .

واليوم يابنات بغيت اصيح لما جاتني بنتي تشتكي من معامله المعلمه .. وتقول انها تصارخ عليهم وتتلفظ بألفاظ نابيه( ماراح اكتبها احتراما لكم ) .. وتهددهم ( تخيلو تقول لهم اللي ماترتب طاولتها بسطرها على خدودها لحد ماتموت ) !!!!!!!!!

وتجيب لهم بنات كبار من فصول اكبر ومعاهم مساطر كبيره وتقول لهم اي بنت تغلط اضربوها .. وتوقف هالبنات مثل حرس الشغب على هالطالبات المساكين .
وخبرتني وحده من البنات درست عندها انها تقول للبنات : اللي ماتحل الواجب بجيب الكهرب وبكهربها . تخيلوووووووووووووو!!!!!!!!!!!!!!!!!!!!!!!!!!!!!!!!

والله هذي البدايه يابنات ماني قادره اتخيل .. تخيلو انها تسوي كذا مع بنات اول ابتدائي من ثالث يوم دراسه .. علما ان الدراسه اساسا مابدت عندهم لان يفترض ان الاسبوع الاول روضه , والله ماشفنا من الروضه هذي شي .. كل ماسأل بنتي تقول المعلمه بس جالسه وماسوت لنا شي ولا علمتنا شي . وياخوفي من اللي جاي .

المشكله ان المعلمه هذي كبيره بالسن وتعرفون الكبيرات مالهم خلق ولا تحمل للاطفال الصغار .. هذا وهي اصلا من الاول معاملتها مع البنات سيئه .

والله اني بغيت اصيح وبنتي تقول لي : ياماما احس ان الدمعه بتطلع من عيني وامسك نفسي مابي ابكي . بس خوفي يزيد ويزيد واقول يارب ماما تجي .

وش اسوي وهذي بدايه السنه واول سنه دراسه لبنيتي .. ياخوفي البنت تتعقد من اولها وانا بتعقد قبلها .

سامحوني على الاطاله بس توني راجعه من المدرسه وحاسه اني ابي افضفض , تخيلو نفسيه واعصاب ام وهي تشوف بنتها تتعامل بهذي الطريقه ولا تقدر تسوي شي , معقوله نربي اطفالنا على الاخلاق والمعامله الحسنه ... ويجون اشكال مثل هذي المعلمه ويروعون بناتنا .

ودي انقلها من هذا الفصل بأي شكل لكن مدري وين اروح ولمن الجأ ... اداره المدرسه رفضت تتعاون معي .. ومدري اذا كانت وزاره المعارف تقدر تساعدني في هالموضوع . ارجوكم يااخواتي اذا في احدى المعلمات عندها فكره عن هذا الموضوع تساعدني الله لايرد لها حاجه .

ارجوووووووووووووووووكم رجااااااااااااء حار لا تطنشون لاني بموت خوف على بنتي .