مثل ماقالو البنات اول شي نظفي البيت تنظيف كامل والمطيخ عندك ابو ريالين فيه اشيا حلوه للمطبخ والبيت مثل الشموع وتحف حلوه وناعمه وعلى الشنط حطيها فوق الدولاب او تحت السرير او فيه غرفه فاضيه حطيهم فيها
والله يهنيك باختك يارب وتفرحين بشوفتها..

عادي اختي خليك ريلاكس..هاذي اختك ومستحية منها هالكثر..اجل لو هم خوات زوجك وش سويتي..
عادي نظفي بشكل عادي وبيتك سوي اللي تقدرين عليه لاتكلفين نفسك فوق طاقتك..

حبيبتي الله يجمعك مع اختك وتتهنؤن يارب
لاكن والله من يوم شنط السفر في الغرفة يخلف الله علي باقي البيت امزح معاك ياقلبي وياليتني جنبك كان اشمر واساعدك يوم تجي اختك والبيت كانه بيت عروس حبيبتي ولا اقلك باشمر واساعدك يالله (افتحي الباب جايتك )اول شئ نبداء بالمجلس حق الرجال جيبي منشفه وسط وبدي خبطي الكنبات لين تشوفينها نظفت من الغبار(وخذي نفس عميق وقولي يامعين)جيبي ملمع القزاز ومنشفه صغيره حقت تمسيح ومسحي كل شى قدامك الاطاولات والتحف والباب وافياش ومفاتيح اللمبات وانتي ماشيه حتي الجدار اذا كان ابيض (والله طريقة التنظيف بملمع القزازلكل شئ اكثر من رائعه قالتها وحده في المنتدى واستغربت في البدايه ولاكن بعد ماطبقتها دعيت لها من قلبي طريقه سريعه وريحتني)بعد كذا كنسي المفرشه (الزوليه) بالمكنس حقت اليد وياليت تكون الوتر الى لونها اصفر تخلي المفرشه جنان ونظيفه خلصتي صكي باب المجلس بالله الحقيني علي غرفة جلستكم نفس طريقت تنظيف المجلس بلاضافه لتفريك الكنب بالماء وشويت منظف حطي المنشف في الماء واعصري ابواهلها زين لاتخلين فيها نقطت مويه وفركي بقوة ولاتنسين رددى يامعين( طيب عندك مجلس حريم اكيد فيه )نفس طريقت مجلس الرجال
هاه جينا للمكان الى كل الناس تحكم عليك انك نظيفه ولا لا طبعاً الله يكرمك الحمامات والمغاسل (اجري جري جيبى سطل صغير ولا اقولك جيبى الى عندك وحطى فيه ماء وكلوركس تايد وخليه علي جنب لين يجي وقته هاتي الجف وحطي منه علي البانيو والمغسله والمراحيض وبسفنجه ناشفه فركي زين وبعدين جيبي سطل الماء والتايد ويالله غسلي وفركي( بقوة اقولك بقوة ماتسمعين اقول بقووووووووةهذا كلامي البناتي لمن اكون ابغا اكرفهم في الشغل)وبعدين ارجعي علي الجدار وفركي مزبوط والارضيه معاك يبغالها تفريك بقوة لمن تخلصين شطفي بالمويه ومسحى الارضيه وجيبى المطهر وحطي معاه ملطف الاقمشه وبالاسفنجه مسحي الجدار والمغاسل والمراحيض والبانيو وشوفي النظافة تلق والريحه تهبل (انا كنت اخر شي احط الديتول او مطهر ولاكن كمان وحده الله يسعدها في المنتدى قالت طريقت المطهر وملطف الاقمشه وسويتها تهبل) يامعين تعبت اريح شوي اقول قومي قومي خلي عنك الكسل لورحت بيتي وخليتك من بساعدك يالله امش والمنشفة فى يدك وملمع القزاز وامشي علي البيبان ومسحي والاسياب ومسحي ومفاتيح المبات ومسحي وكل شي في طريقك وفركي ومسحي الجدران اذا ابيض مسحيها بالماء والمطهر وملطف الاقمشة وصلنا عند غرفتك استحي ادخل
لاكن بقولك علي السريع مسحي الغرفة كلها التسريحة والكمدينات والسريروالبجورات والجدار والدولاب ومكيت الارضيه وغيري المفرش وحطي الاشياءالحلوه الي عندك علي التسريحه لاتكثرين
علا بال ماروح اولع الفحم واشربلي شويت عصير اذا خلصتي قوليلي لاتنسين رددى يامعين
والشناط شوفيلها مكان ياتحت السرير ولا اذاصغيرة حطيها في دولاب التعليق حقك ولافوق الدولاب
نسيت اسالك عندك بلكونه في البيت اذا عندك حطيها في اكياس زباله واربطي عليها وخليها فيها احسن يالله بروح اولع الفحم
............................................................................................................................
.................................................................................النقط هذه تراه الوقت الى تشتغل فيه وانا جالسه اشرب ها العصير واتفرج علي التلفزيون يادافع البلاء جاءت هاه خلصتي اي والله انهلكت
تعالي شوفي الغرفه طيب بجيب البخور وجيك وين بخورك عندي في الغرفه بس تعالي ماشاء الله تبارك الله ايه كذا الحريم السنعات هاشفتى غرفتك كيف تهبل حتي ابوالعيال ماراح يفارقها يالله يالله حطي البخور وبعدين امشى بالمبخرة على البيت كله مجلس الرياجيل ومجلس الحريم وغرفت جلستك ولاتنسين رشي ملطف الجو الحمد لله خلصت بخلي بيتي دائم كذا نظيف موعلشان اختي علشان نفسي
الله يعطيك العافية ياكل الخير اللى جيتي وساعتيني يالله نشرب الشاهى وبعدين ندخل المطبخ لاوالله يام ليلي تاخرت علي اعيالي بروح وجيك بكره ان الله احيانا المطبخ يبغاله جلسه علي ركبه ونصف هاتي عبايتى واستودعك الله

ماشاء الله البنات ماقصرا وخصوصا كل الخير الله يجعل الخير في دربها وين ماكانت

وياليت تنزل موضوع كامل

وانا بصراحه داخله ابفيدك بس انا استفدت من موضوعك

ولكن جربي حبيبتي للغبار العصا الريش ومره حلوه للغبار وكمان استخدمي العملاق الاخضر يديك للحمام ريحه حلوه

وموفقهـ وتتهني بجيت اختك يارب :26:

حبيبتي ع ــبث المطر ( اسعدتني دعوتك فلك هذه الدعوه من قلب صادق)

الله يجعل لك بكل عدد قطرات الامطارمن بداية خلق الارض والانهار وسريانها للبحار وتجمعها في قاع المحيطات العظام دعوةً لاترد وتفريج كل هم ومصاحبت الرسول الكريم في جنات رب الخلق
قولي امين يابنت الغانميين

وبنسبه لطلبك من عيوني لو اني اشوف له داعي لاكن انا بدات مع ام ليلى والى بيقراء ردي بيستفيد ان شاء الله
لاكن ام ليلى شكلها بطلت من تنظيف المطبخ جيت دقيت عليها الباب مرتين وماحصلتها ( قصدى المنتدى) ياخوفى اختها جاتها والمطبخ ماتنظف

استغفرالله استغفرالله استغفرالله