سحلب ملكي :

يمكن الكلمة الأخيرة هي اللي ضايقتك أكثر من أي شيء ثاني لأنك كنتِ ممتنة لها وتدعين لها من قلبك وما طلبتِ منها شيء إلا إنها ترسل ما يتيسر لها من إعلانات لكن بالنهاية الخير اللي سوته ما يضيع عند الله والرزق ما يجي من شخص ولا ينقطع بابتعاد شخص أسأل الله أن يرزق أخوك الوظيفة اللي تشرح صدره وتجبر خاطره ويبارك له في بره بأمه ويعوض صبره خيرًا مما يتمنى

يمكن الكلمة الأخيرة هي اللي ضايقتك أكثر من أي شيء ثاني لأنك كنتِ ممتنة لها وتدعين لها من قلبك وما...

Slwaaa :

عادي يااختي وش ذا الشغلة اذا هي لها معارف بقروبات توظيف هذا حن ا بقروبات ندل على خير بمجال ثاني بدون أدنى اي مقابل مايحتاج ها التكلف كله اذا شايفتها ضغطة زر مجهود عاد الله يعينك

عادي يااختي وش ذا الشغلة اذا هي لها معارف بقروبات توظيف هذا حن ا بقروبات ندل على خير بمجال ثاني...

بنت المرتضي :

صاحبة الموضوع، الله قادر يرزق اخوك يارب بها السااعة يرزقه من خيث لايحتسب ولايعلم وانتي ياغالية لا تحكموا على الناس بسهولة وتقولوا: "يدفعوا". مو كل الحالات تقدر تدفع. ما تدرين عن ظروفها، هي وإخوها وأبوهم متوفى، وبعض الناس يفرق معهم الريال كثير. والأخ مو متوظف، وشوفي مصاريف الحياة الشخصية كيف صارت مكلفة. يدك في الموية مو مثل يد اللي في النار. وبعدين، من أعظم الأجور عند الله، وأفضل من الاعتكاف، السعي في حاجة أخيك وقضاء مصالحه. والله إنا نسعى في وظائف وزواجات من حولنا، ويشهد الله إننا نشوف من الخير والبركة أشياء ما يعلمها إلا الله، ولو أتكلم عنها ما وفّى الكلام حقها. ولا هي عينها قوية ولا شيء، بس ارفقوا بالناس، وخلو أسلوبكم ألين وأحسن ماقالت شيء تري ماكتبت الا الحياة كاسرتهم كسر

صاحبة الموضوع، الله قادر يرزق اخوك يارب بها السااعة يرزقه من خيث لايحتسب ولايعلم وانتي ياغالية...

عواطف تركي . :

وين انا كتبت انها لازم تدفع ؟ كلامي واضح معناه ان البنت غير ملزمه ولا مجبوره انها ترسل لها شي لان مابينهم عقد ولا إلتزام واتفاق مدفوع الاجر عشان تجي تعايرها وتتذمر منها انها قررت توقف البنت مافي ذمتها حق لها امام الله حسب الكلام اللي مكتوب ورغم هي تجملت معاها الفتره اللي مضت وكانت ترسل لها اعلانات الوظايف ومو ذنبها انه ماصار له نصيب ويتوظف ومثل ما انتي متعاطفه مع صاحبة الموضوع ياليت بعد انسانيتك وتعاطفك تشملين بها الطرف الآخر بالموضوع وتلتمسين لها العذر ترى حتى هي عندها ظروفها وتحاول تسعى وتترزق بالحلال وياليت بالمره تحثين صاحبة الموضوع انها ماتجازي الاحسان بالجحود ولا الكرم باللئم الواحد مرات يخجل حتى من امه وابوه اذا قدموا له شي او خدموه فما بالك بشخص غريب مسوي لك جميل ومجرد ماصارت له ظروف وقرر يوقف جميله تنقلب عليه وتعايره ! الله يكتب اجرها في غيابها ويعوضها العوض الجميل عن كل لحظه ساعدت بها وصاحبة الموضوع الله يهديها ويصلح حالها ويرزق اخوها بالوظيفه اللي تغنيه عن تعريض وجهه للناس والقيل والقال وهو غافل

وين انا كتبت انها لازم تدفع ؟ كلامي واضح معناه ان البنت غير ملزمه ولا مجبوره انها ترسل لها شي لان...