بنات الامارات وخصوصا بنات ابوظبي من جربت رجيمات الدكتور محمد الشمري؟

؟

هالدكتور صديق للدكتور اللي اتعالج عنده والصراحه الكل يمدحه
وكان يشتغل في مركز دكتور نيوترشن قبل لا يسير عياده ثانيه على ما اعتقد مركز مكه التخصصي
ريجيماته حلوة ومنوعه
وتوكلي على الله وسيري له
وان شالله تستفيدين

اختي امل يعني ان سرت نيوترشن ممكن يعطوني نفس رجيمة لان هو في ابوظبي وبعيد علية اما نيوترشن فقريب
فشو تشورين علية
؟؟؟؟
والسموحة

الفتوون

فعلا الكل يمدح رجيم الدكتور محمد الشمري

وماانكر ان كل من جرب رجيمة ضعف في حال إلتزامه

لكن و للأسف أكثر إللي اعرفهم جربوا رجيمة ضعفوا معاه لكنهم ردوا إللي ضعفوه مره ثانيه بمجرد تخريبهم للرجيم

صديقتي و أختها يسوون عنده نفس الرجيم

في البداية نحفوا ولكن بعد فترة قاموا يغشون بالرجيم ويخربطون على كيف كيفكم

ومنها رجع وزنهم مثل الأول

مع إن صديقتي نحيفه كانت تبي تتخلص من 3 كيلو( تخيلوااااااااا نحفتهم وردتهم مره ثانية)

واختها ماشاء الله وزنها 130كيلو نحفت بحدود 12 كيلو خلال 3 شهور ولكن للأسف شفتها من كم إسبوع لقيتها رجعت كل إللي نحفته وتقول كرهت رجيمة وموقادره تجع له مره ثانيه

وبعدين رجيمة عباره عن نظامين وكل إسبوع يعيد ويزيد فيهم ومايغير إلا الأدوية إللي يعطيك إياهم

ورجيمة يعتمد على البروتينات فقط مسلوق او مشوي مع سلطه

وبصراحة رحت له شخصيا عنده شهر ولكني مااستمريت معاه

وهالكلام من 8 شهور تقريبا وطبعا ماسويت أي رياضة

في أول اسبوع ضعفت 1.5 والسبب إني ماالتزمت برجيمه ودخلت بكم وجبه ربع رغيف خبز اسمر

في ثاني إسبوع مشيت على رجيمه بالضبط وضعفت عليه 4 كيلو

في ثالث إسبوع مشيت على رجيمة بالضبط وضعفت 3 كيلو

في رابع اسبوع زدت 1.5 كيلو لأني خربت الرجيم شوي بسبب سفري بالصيف

وبعد شهر لقيت عمري زايده 5 كيلو لأني كنت بالسفر وكنت اخرب ببعض الوجبات

يعني رجعت كل إللي نحفته بمجرد رجوعي للأكل العادي مع إني كنت أحاسب واخفف قد مااقدر ومااخرب اكثر من وجبه

وبنفس الوقت كنت آخذ أكثر من علاج وماحبيت أستمر مع الدكتور وأبهدل صحتي وجسمي بكثرة هالأدوية

قلت مايصير آكل باليوم بين 12-14 كبسوله باليوم

وبعدين لقيت رجيمه نظامين يعيد ويزيد فيهم مليون مره

وجسمي مايتحمل هالنوعيه من الرجيمات لأ،ي كنت مسويه عمليه قبل مااجرب رجيمه بـ 10 أيام

وبنفس الوقت عندي فقر دم

حسيت عمري مو قادره استمر على رجيمه لأنه فعلاً متعب


على العموم ما أبي اطول عليكم وأحب اقولكم من تجاربي إللي لا تعد ولا تحصى أكتشفت إن التخفيف أحسن طريقة للتخلص من الكيلوات الزائدة

أو عمل رجيم صحي من طبيب او أخصائي تغذية يعتمد في وجباته إحتوائها على جميع العناصر الغذائية الموجوده بالهرم الغذائي والإبتعاد عن رجيمات الحرمان و الرجيمات القاسية

الفتوون ، reme

لو بغيتوا اكتب لكم رجيمة إللي عطاني إياه وهو نفسه إللي عطى صديقتي واختها ماعندي مانع

ولو حبيتوا تجربون نظامة جربوه من دون أدويته وشوفوا نتائجه معاكم، مع إني ماانصحكم به إلا في الحالات القصوى إللي محتاجين تضعفون عمركم بفترة قصيرة لمناسبه معينة

بس شفايدة نهلك صحتنا بس عشان كم كيلو ؟