كوبونات الراقية تسجيل الدخول

صبرك ياقلبي
صبرك ياقلبي •
مــــلآكــ مــــلآكــ :
هلا والله ام علاوي لقيت لي محل بسوي عنده الستااند اكيد والتوزيعاات بعد شكلي بس المشكله ماعندهم اشكال توزيعاات حلوه يعني بسويهم تغليف عادي شكلي بس بخلي التغليف يكوون حلوو لان صراحه تملللت من كثر الفراره كل يوم في مكاااااان افتر على هالتوززيعااااات حبوبه برجع اكتب المحلات الي رحتهم بعد شووي الحين اقووم اتغدى >>>>جوعااانه حدي هههههههههه بكتبهم وبحط اسعاارهم وشوفي الي يناسبج
هلا والله ام علاوي لقيت لي محل بسوي عنده الستااند اكيد والتوزيعاات بعد شكلي بس المشكله ماعندهم...
السلام عليكم

مساكم الله بالخير يالحلويين شخباركم

ملااك::
واخيرا القمر بين
خخخخخ توزيعات هااا اني هو لحين ماسويت ليه شي هالمره توزيعات شكلي بولد واني اقول باجر بروح

ام علاااوي:
شخبارش مبرووك انفك الحصااار

ده الثلثاء موول اللي يجي ستره مو صوب مقبره؟؟؟
مادري هالاسبوع بعد بروح بفرها فرر يمكن ذاك الاسبوعين مريضين وماجوا هالاسبوع *****الله بيجون
الزفووت المفروض ينزلون المعاش يوم الاربعاء الساعه 12 بعد منتصف الليل لحين مانزلووه:44:
شكلهم بينشفونا ليوم الاحد:09:
هههههههههههههههههههه جوازش منتهي وييييو

يلا اراكم على خير لايعه جبدتي خاطري اطلع
الحين افتر اجهز لي ولبيبي او افتر اجهز حق خطوبه اخوي :icon28:او ويش اسوي اقسم روحي عشر يعني؟؟

الى لقاء اخر ياحلوين
&& ورد البحرين&&
&& ورد البحرين&& •
اهلين بنات شحوالكم؟؟

وحشتوني..

اليوم كان عندي امتحان وقدمته لكن ماادري ليش احس روحي هببت فيه من الزين الله يستر.. اول مرة احس روحي غبية

هالمرة احس روحي بولد وبعدين بتشرى الاغراض وابتدت تجيني كوابيس من الزين عن التجهيزات.. واخرتها قررت احترم روحي واسمع كلام زوجي واشتري اغراض البيبي وخلاص.. رغم اني مو كلش متأكدة من جنس البيبي لكن باخذ اشياء موحدة وعلى الله..

اليوم طرشوا لي مذركير وسنتربوينت انه عندهم تخفيضات 50% او تصل الى خمسين بالمية الصراحة ما شفت المسج عدل لأنه شاشة تلفوني مكسورة.. يالله فرصتكم حق تجهزون للنونوات الله يجيبهم بالسلامة..

نورة: اول مرة اسمع ان اللحاف ينحط في كيس الغسيل .. ما اعتقد بتحصلين بهالحجم!! طول عمري افلت اللحاف في الغسالة وامشي عنه ويطلع يلق.. غريبه!! ان شاءالله تحصلين اللي تبينه.. اني كيس الغسيل استخدمه للثياب اللي ممكن تخترب بالغسالة, مثل الملابس الداخلية او ملابس النونوات وتشوفينهم ما شاءالله جدد..

يالله اشوفكم على خير مع السلامة..
صبرك ياقلبي
صبرك ياقلبي •
السلام عليكم
شخباركم

ورد البحرين:
هههههههههههه شفيش قمتين تخورينها بتولدين عقب تجهزين هااا عاد وانتين طالعه من المستشفى والنونو في حضنش وافتري في الاسواق تشري .. احسن حل
اني بعد مو متاكده من جنس الجنين لان يوم يقولون ليي كنت بدايه الشهر الخامس وهي تقول احسها متررده مادري شلون وماسويت عقب واخذ كل شي محايد مااخذت لاوردي ولا ازرق بس ثياب البنات الفساتين الصغار بستتتتتخف عليهم يجنوووووون فكرت اخذ عقب خفت يطلع صبي صدق حلاته بفستان
الحين قلت باخذ بس شباحيات وهالسوالف وعقب اذا صار 3 شهور وشديها بشتري ثياب او صبيان او بنات احسن حل..

الاااااااي مذركير في تخفيضات؟؟ عاجبني هناك لحاف وداك الفراش المتين اللي يحطونه فوق السرير وفوطهم جميلين يوم الاثنين او الاحد بروح..

يلا هذرت عليكم واجد اراكم على خير

وين باقي البنات كله نايمين وبسس؟؟
صبرك ياقلبي
صبرك ياقلبي •
وصلني الخبر التالي ::

متجر دان في مركز البحرين التجاري مسويه تخفيضات على بضاعتها تصل الى 80% من البضاعه:
شباحات الى عمر سنه
فوط
اطقم ارواب
قماطات
قماطات الاصقه
اطقم كامل ثياب وقماط ومادري شنو
وفراشات اطقم
وفراشات بروحها
وعلب تخزين
وحركات واااااااجد بس هذا اللي اتذكره روحوا شوفوا يمكن يعجبكم شيئا ما


بناااات بسالكم
الحين الشباحات السايز من 0-3 قد الجاهل لمتى؟ احسهم صغاااار حدهم شهر
يوم اروح سوق الثلثاء اخذت 3 وحدات من 0-3 ووحده من 3-6 مافي فرق اصلا كللللش فرق بسيط
تنصحوني اخذ شوي من 0-3 وشوي من 3-6 او ويش؟؟؟
أم علااااااوي
أم علااااااوي •
هاااااااااااااااااي كروشات شخباركم
سكتوا اني صار لي يومين دايخه من الفراره بالاسواق
خلااااااااااص افتكيت من اغراض البيبي كلها ياعلي ارتحت
وبدأت اجهز الى نفسي بعد شوي واخيراً اهتميت لنفسي ويلي
تصدقون صرت من اروح مكان واشوف وحده حامل اقول هذه
وحده معانا بالمنتدى يمكن ملاك او صبرك يا قلبي او او او
خخخخخخخخخخخخخ الله يغربل بليسكم صرت افكر فيكم حت
واني افترررررر:)

المهم ملاك نبي نشوف توزيعاتج اذا حلوين بنسرق افكارش ولاتخافين احنا بنوضع عقبج
خخخخخخ يعني بتصيرين نيو ستايل انتين واحنا بعدش خخخخ