مرحبا بحوامل البحرين

حبيت اسألكم عندكم محل قمبوري؟؟؟ اذا موجود بأي مووول؟؟؟

السلام عليكم
صبحكم الله بالخييير
شلونكم شخباركم عساكم طيبين

ام علااااوي:
هههههههههههههههههههه يبي له وانتي تفترين تسألين جم وحده انتي مشتركه في منتدى عشان الفلم احلى خخخخخ

بنااات سالتكم سؤال حقرتوني لويه يعني؟

اللي مجهزه قبل او اللي خلصت تجهيزات ياريت تكتب لنا قائمه باللي اشترته والاسعار ومن وين والكميه يعني كذا

الشباحات عددهم وسعرهم ومن وين؟؟؟

وشسمه اخذ كل الشباحات من 0-3 او اخذ منوع من 0-3 ومن3-6؟؟؟؟
احس اللي من 0-3 وااااااااجد صغار بس مدري

ردوا مو كله تطنشوني

هدييل ليها فجه اختفت مره مووول
ملووك تختفي وترد تطلع
عندي رقم وحده مال توزيعات عندها محل في نويدرات
حميي يوم عيد ميلاد زوجته مسوي لها توزيعات << بدعه جديده عيد ميلاد فيه توزيعات بعد؟؟
المهم طعم الحلاوه عجيييييييب اكلت اللي عطوني اياها واللي عطوني اياها حق رجلي وعطوني وحده للبيبي بعد اكلتها حلو الكاكو بشده سالته قال هذا الكاكو الكيلو ب 8 دينار وفي اقل بعد بس احسن شي هالنوعيه قلت له شسم المحل عطاني الكرت مالهم قلت بروح اجيك وش السالفه

اسم المحل قصر الامل للحلويات الزهوور
هاتف 36822898 في نويدرات مقابل كنافه عبسي

يلا الى لقاء اخر

هلا وغلا كروشات

اووووووووف طفشت من المذاكره بكره امتحان
قلت خلني ادردش معاكم شوي وارجع اكمل لان مخي سكر
تشبع بعد ما اقدر اواصل لازم رست ورستي يحلى معاكم

صبرك ياقلبي اي المحل الي بنويدرات عجيب شغلاته حلوه
سويت فيه توزيعات زواجي و عجبوني وايد

سمعي على طاري الشباحات
الاشياء الي خذيتها من مذركير:

من 0 الى 3 من مذركير زينين كبار مو صغار
خذيت 4 نيو بيبي لحديثي الولاده يمكن البيبي يطلع ضعيف
من 0-3 ما بيجي عليه بيكون كبير
وخذيت من 0-3 6 شباحات
ومن 3-6 بعد6 شباحات
وخذيت 6 شباحات حلويين الى الطلعات والكشخه ويمكن اكثر ما اذكر في بيت ابويي اغراضي خخخ
3 فوط كبار 3 فوط صغار
3 بيجامات
2 مريلات طعام
3قبعات
3غطاء يدين و3 جوراب
لحاف(برنوص)
رضاعه صغيره ورضاعه كبيره
فرشاة تنظيف الرضاعات
طقم (مشط وبروش و قراضه و شفاطة الانف و مقص و مبرد)
2 اسفنج سباحه
مقياس حراره
بوكس
فراش تغيير حفاظات
علب حافظات حليب
2 مفارك اسفنجيه
مخده لتثبيت راس البيبي
سرير البيبي مع كبت
جالوسة سياره
جالوسه منزليه
حوض سباحه
سرير صغير على ستاند لبيت ابوي اذا رحت اتنفس هناك
كبت صغير بسويه طقم مع السرير الصغير(الكبت ماخذيته من مذركير)
مفرش كبير مع العاب تفرشينه وتنيمين الياهل عليه وتخلين له الالعاب فوقه

وخذيت بعد صنادل و جواتي لبيبي
5صنادل 5جواتي
وخذيت لي <<<ما نسيت روحي خخخخ
مناشف اسفنح للصدر
حزام لبعد الولاده
6 سنتيانات رضاعه
قميصين مفتوحين من الامام

وشريت بعد كم غرض من هني وهناك يعني من محلات

5 شباحات
لحاف (برنوص)
فوط صغيره
6 قماط الي يلفون فيه البيبي
6 حبل خخخخ مدري شيسمونه
2 فراشات وشنط وللحين باقي 2 ما شفت شئ عجبني
عطور اطفال
(ادوات السباحه للحين توى الناس عليهم)
اممممممممممممممممممم
بس هذا الي اتذكرته ما ادري بعد في شئ سقط سهواً والا لا خخخخخخخ

اتمنى افيدج حبيبتي

ويالله بروح عنكم للهم والغم نكمل مذاكره :(

نيهههااااا ام علاااوي لحين تدرسين بسش خليهم يولون
واذا جى سؤال ماعرفتين جوابه الفي من عندش
ايام الدرسه الفت كتب على كيفي من كثر مااهر واخربط ليهم

ملبوووس العافيه لج وللبيبي
اقول عن السنتيانات ناس تقول لي اخذي اكبر وناس تقول اخذي اقل لان يصغرون واني اقول باخذ نفس سايزي الحين والا ويش؟؟

اهلين بنات..

صبرك يا قلبي:
وش اسوي في روحي.. هالمرة كلش مو طايقة روحي من حملت للحين اكتئاب لدرجة مو متحمسة لشي.. والحين من شاركت وياكم وماشاءالله الكل يجهز الا اني.. فقمت احلم خخخخخخخخخخخخخ
بالنسبة للشباحات (( ارجع اقول احنا نسميه شبك)):
اخذي من عمر 0-3 اشهر ست وحدات بيضان (( حق تحت ثياب البيبي يعني محل الثياب الداخليه)) واجد بتستخدمينهم وميزتهم يجودون الحفاظة لا تطيح وفي نفس الوقت يحمون البيبي من الثياب الخارجية لو كان فيه شك او تطريز.. وصدقيني ترى هم كبار (اتلكم عن حجم مال مذركير) بتستخدمينهم اكثر من ثلاثة اشهر حتى لو البيبي مربرب..
شباحات الطلعة الحلوين اخذي له نفس الشي من 0-3 خمس او اربع وحدات..

ام دان عندها نفس الفساتين اللي تكون مفتوحة تصلح للبنت والولد, اخذي منهم جم وحدة بتستفيدين منهم في الحالتين وخصوصا اذا صبي وطهرتينه لازم يحتاج ملابس خفيفة ما تضغط على البتاعة..


من عمر 3-6 اشهر لاحقة عليهم ممكن تاخذينهم بعدين وحطي في بالش ان الجو يتغير فلا تشترين حاجة وتكدسينها في الكبت, كثري طلعاتش واستانسي..
ام علاوي ما قصرت كتبت لش كلش تحتاجينه تقريبا.. السنتيانات اكيد بتحتاجين اكبر لأنه اول الايام الصدر من ضغط الحليب غصب عنه يكبر, اللي يصغر صدرهم بعدين ويا الفطام.. اخذي اكبر منش بمقاس..
لحاف واحد ما يكفي بتحتاجين تقريبا 3 بسرعة يبردون الجهال القبعات بعد تحتاجين اكثر من ثلاث.. مريلات الاكل لاحقين عليهم على عمر الاربعة اشهر.. جواتي للبيبي اللي يسمع يقول مشكل سيده بيركض هههههههههههههههههههههه اخذي واحد لونه اسود عشان يمشي مع كل شي واخذي خفيف عشان ما تتعور رجول البيبي يمكن تصير الناصفة لازم تكشخينه..

اغراض الام:
السنتيانات اخذي 6 حر ورطوبة وحليب كل شوي بى ليش سباحة
حزام بعد الولادة ما احسه مهم.. يمكن يضر الرحم لأنه الرحم توه تعبان فيصير هبوط لا سمح الله..
ثياب للرضاعة اختاري اشياء مريحة والوان فاتحة عشان عيون البيبي..
هافات بتحتاجين واجد 10 او اكثر.. تعرفين الاوضاع نفاس وزحمة وكل شوي غسل..
الحبل اللي يربطو يه الجهال فوق القماط.. عمري ما استخدمته ولا افكر استخدمته.. مسكين الجاهل خخخخخخخخخخخخخخ

ام علاوي:
شخبارش خلف جبدي..؟؟ شخبار الهم والغم الدراسة.. تصدقين عاد ذكرتش في الامتحان يوم اهبب واني اقدم اقول صرت نفسش.. سبحان الله انتين تتخيلين وانتين تتسوقين واني في الامتحان..
خلصتين تسوق على البركة.. يالله دور غسال ثياب البيبي وكوايهم الله يعينش.. صغار وواجد..

اسمعي كلامي وجوزي لا تشترين اكثر من فراشين حرام بينرمون..
باجر بروح الاحد مول وعقب باجر عندي امتحان.. يا لعذاب الدراسة!!

توت 090:
اول مرة اسمع عن هالمحل مااظن انه موجود في البحرين..