هلا والله
صبرك ... لالالالالالا ماله علاقه
سالفة التكور بسبب ضيق المكان في الرحم
علشان جذي البيبي مو ماخذ راحته في الحركه بسبب انه قاعد يكبر هالفتره بسرعه
والله يعطيش اللي تتمنينه ولد او بنت
نووووره... الله يقومش بالسلامه فكرتش حامل في بنت
عالعموم الله يقومش بالسلامه انتي والبيبي
أم علاوي ... بحاول اتمشى وعلى الله الله يسهل علينا يارب
ملاك ... ورد البحرين ... ام حوريه ... يارجائي
الله يقومكم ويانا بالسلامه
يااااارب

مساكم الله بالخيييير

نوره:
هلا نوره شخبارج؟؟
ههههههههههههههه بس عاجبه الوضع داخل؟؟
شكله اخر ونااااسه
يلا الله يقومج بالسلامه

جافا لوف:
اهاا هيك يعني
عبالي يرفس واجد يبغي يطلع
انزين دام المكان ضييق عليه ليش قاعد
خله يشرف له تملللت

هلا وغلا كروشات

صبرك حبيبتي أخذت بعض الشغلات من الصيدليه من الي قالوا عنها البنات هني

والاشياء الي خذيتها :

mebo هذا يقولون انه زين للسيم بسرعه يطيحه ويبري الجرح
وقال لي الصيدلي انه زين يخلونه على سر الياهل بس اني ما بخليه

mepanthene يقولون زين لتشققات الحلمات و ما تاثر على البيبي اذا ترضعينه
واتي من الحين اعاني من سالفة الالم حتى اذا احاول امسج الحلمات احس الم فضيع

agiolax madaus عن الامساك يقولون يمشي البطن بشكل مستمر لان تعرفين
اذا صادج امساك وانتي خياط بتموتين منه واحتمال يسبب فتح الخياط مره ثانيه

نقاط سالينال الي قالوا فيها الاخوات انها زينه الى الغازات و مغص بطن الياهل
يقولون انه يريح الياهل و بدال المرقدوش و انه شعبي وما يضر بس انا هالمره
بسال الدكتوره عنه علشان اتاكده انه اوكي اخاف استخدمه ويضر البيبي

والتيوب ما حصلت قلت بتسلفه من عند ورد البحرين خخخخخخخخخخخ

وخذيت لي صابونه صغيره و جولجيت و كريم ومرطب ومزيل وحفاظات للصدر
علشان اكمل تجهيزات شنطتي وافتك اخاف انسى شئ بعدين حزت الحزه
وحطيت بشنطتي للبيبي :
بدلتين وبيجامه للنوم و فوطه صغيره عن الترجيع و فوطه للسباحه
ورضاعه صغيره بس يمكن ما استخدمها ومشط صغنون وناعم
ولفه وحده وانتظر اخذ باقي الاغراض من المحل اذا جهزوا واكملها

وبالنسبه لي:
حطيت بيجامتين و دشداشه و3 سنتيانات 3 هافات وفوطه و صابون
و جولجيت وكريم و مرطب و مزيل
وقولوا لي شنو بعد اذا في شئ قاصر لان هذا الي سجلته من بعض الاخوات

وعلى سالفة تكور البيبي في مكان واحد وتحجر البطن انا بعد جذي
احس البيبي يتجمع كله فوق البطن في جهه وحده لدرجه ان يبين مكان مرتفع في بطني
اقول يا راسه او خلفيته واذا يطول شوي بهالوضعيه تصيدني لوعه وارجع خصوصا اذا
كنت توني ماكله بس استانس لاني اتحسسه اكثر من اذا منتشر في اي مكان ولو انه متعبني فديته

وبعد بنات قولوا لنا شنو نحتاج نحط في شنطة المستشفى او ادوات نحتاجه من الصيدليه

اهلين بنات..

مساء الورد

يا رجائي في شدتي:
اهلين خيوو.. عاد القي علينا نظرة بين فترة والثانية عشان لا تتعبين تالي في قراءة الصفحات .. ومن صدقش كل الاماكن اللي في اللستة بتروحين ليهم؟!! احسها واجد صعبة..
جنس البيبي تقدرين تعرفينه من الاسبوع 13 اذا كان التصوير ملون والدكتورة شاطرة.. لكن افضل فترة تسوين فيها تلفزيون بعد ال 17 اسبوع وافضل اسبوع فيهم لما تكملين 20 اسبوع عشان يكون الجنس واضح واكيد وما تخسرين بيزات على الفاضي..
بالنسبة للسفر محد يقدر يفتي عليش.. روحي لدكتورة وخليها تفحصش وتقرر اذا يناسبش او لا.. اني عن نفسي كانت جميعتنا بتطلع شهر 7 حق السفر لكن خلاص بولد.. كنسلنا السفرة وان شاءالله بعد رمضان اسافر

صبرك يا قلبي:
اهلين خيوووو.. والله صدقيني الحالة كسيفة للآخر.. صراع البقاء.. شوي اشتغل في تنظيف الشقة وشغل كرف في السلمانية, وغير الجاهل والبروجكتين ولا لازم بعد اعرضهم.. اليوم سلمت واحد وعرضته وافتكيت باقي اسلم الثاني ان شاءالله يوم الخميس اسلمه وافتك ويبقى الجناح الثاني بعد نفس القصة بس ذاك بروجكت واحد + امتحان والله يستر..

ملآكـ:
اهلين خيو.. شخبارش؟؟ من زمان ما تدخلين المنتدى افتقدناش كثيرا.. اني اوكو وعلى قولتش على طول مشغولة ان شاءالله ايام وتعدي...
انتين شخبارش وشخبار النونو؟؟ خلاص قربت لحظة الصفر الله يسهل عليش..

ام علاااوي:
اهلين خيو... شخبارش؟؟ ان شاءالله زينة.. بسش كسل راجعي زين كلها ايام وبنعيد اني وياش ان شاءالله..
وما يغلى عليش التيوب.. غالية والطلب رخيص.. تعالي مري علي اي يوم وبعطيش اياه..
عندي تعليق على اغراضش اللي اخذتينهم..
اولا الميبو زين لكن ريحته وع :09: اذا تحملتينه هذا وجهي.. اني ليومش هذا ارجع لو اشمه..
والهافات اللي حق المستشفى عددهم قليل جدا.. انتين بتكونين نفاس ما تدرين يمكن تتوسخ ثيابش على الاقل شيلي وياش خمسة.. وبرزي لش بعد ثياب احتياط في البيت لو احتجتينهم تخلين المستر يجيبهم مو ضروري تحطينهم بالشنطة..
بعد تحتاجين شنطة مكياج صغيرة لزوم الكشخة وعطر... ما يصير نستقبل الناس ووجهنا اصفر.. ولا تنسين المشط والسشوار :42: اموت على هالسوالف..

جافا لف:
الله يسهلها علينا وعليش.. اني ان شاءالله بعد ما اخلص من التريننغ اولد.. ادعوا لي...

نورة:
اهلين اختي.. والله وطلعتين شطورة.. تحليل السكر كله زين عندش بس مثل ما قلتين الا اللي عقب ساعتين شوي مرتفع.. لازم تتابعين مع الدكتورة يمكن تقولش خففي الاكل او امشي على حمية معينة, واغلب الظن بيعيدون لج تحليل السكر عشان يتأكدون.. شوفي هذا الرابط فيه معلومات حلوة عن سكر الحمل.. (( ترى اني بعد هالمرة نفسش السكر عندي شوي مرتفع وقاعدة احاسب في الاكل عشان لما اعيد التحليل يرجع طبيعي)):
http://forum.stop55.com/35369.html

وسالفة اللي يحملون وهم يستخدمون خارج المرمى, يقولش السبب العلمي انه بعض الرجال اثناء فترة الشهوة قبل الانزال تنزل منهم افرازات فيها حيوانات منوية بس نسبتها قليلة (( وفي الاول والاخير ما يلقح البويضة الا حيوان منوي واحد)).. (( عذرا على الجرأة بس لا حياء في العلم))..
يالله جميعا تحملوا بروحكم واجد والله يسهل علينا وعليكم..

حبوبات احسن مانع بدون منازع واقل ضرر هو الواقي.. احتمال الخطأ فيه ضئيييييييل جدا.. واحتمال انه يكون مشقوق بعد قلييييل لان يختبرونهم زين بالمصنع.. واني ما سبب لي التهاب الحمدلله.. بالعكس اسهل في الانزلاق..

مستحيل اثق بأي شي ثاني لا برا ولا حبوب ولا لولب ولا شي.. الحين بعد ما ولدت رجعت له.. واهم شي الزوج ما يشتكي..

صبرك: خيتو اني احس ما ليها علاقة الحركة بالنهاية بالولادة.. ما حسيت في فرق.. هو طبعا بالاشهر الاخيرة بتحسين بالحركة في الضلوع لان الرجول فوق خخخخخ .. وبتحسين بثقل تحت عدل لان الراس تحت..

حبوبات انصحكم جدا بكريم ميبو .. لا تقولون خايس ونادري شنو ترى انتو بتحطونه تحت مو بوجهكم خخخخخ.. وصح كلام الدكتور ممكن تستخدمونه للختان وللسر.. كلش اوكي وآمن لانه عشبي .. اني استخدمته بعد ما ختنوا ولدي..

الي تبي السيم يطيح بسرعة تاخذه.. اني طاح خلال 10 ايام بس (السيم الي برا ).. والي داخل يمكن بعد 14 يوم.. يعني كلش زييييين.. ويطريه بدل ما ييبسه .. اني لما طاح شفته كأنه بلاليطة فيها ربطة خخخخخخخ ..

يا رجائي: خيو اني رحت مشهد واني توني 5 اسابيع ليي هههه .. والحمدلله ما صادني شي ولا شي.. بس بصراحة كانت نساتي هناك.. وما استانست كللللش ومابي حتى اتذكر السفرة استغفر الله..

هو مسموح السفر بين الشهر الرابع الى السابع.. انتي بتكونين دشيتني الرابع؟؟

اني اقول روحي استانسي ولا تضيعين الفرصة بس لازم فيها شوية تعب وتحفظات.. ومن الحين: قلدناش الدعا والزيارة خخخخ..

وانسب وقت للسونار هو الشهر السادس.. لان يكون حجمه لا هو صغير ما يبان ولا كبير مغطية فخوذه.. اني سويته ببداية السادس وعرفت انه ولد.. بالخامس ما كان يتحرك زين وكان صاك رجوله فما بان.. بس بالسادس حركته زادت واجد..

ومناسب بعد من ناحية انش تعرفين وتشترين اغراض لان من تدشين السابع يزيد التعب,,