&& ورد البحرين&& :

اهلين بنات.. مساء الورد يا رجائي في شدتي: اهلين خيوو.. عاد القي علينا نظرة بين فترة والثانية عشان لا تتعبين تالي في قراءة الصفحات .. ومن صدقش كل الاماكن اللي في اللستة بتروحين ليهم؟!! احسها واجد صعبة.. جنس البيبي تقدرين تعرفينه من الاسبوع 13 اذا كان التصوير ملون والدكتورة شاطرة.. لكن افضل فترة تسوين فيها تلفزيون بعد ال 17 اسبوع وافضل اسبوع فيهم لما تكملين 20 اسبوع عشان يكون الجنس واضح واكيد وما تخسرين بيزات على الفاضي.. بالنسبة للسفر محد يقدر يفتي عليش.. روحي لدكتورة وخليها تفحصش وتقرر اذا يناسبش او لا.. اني عن نفسي كانت جميعتنا بتطلع شهر 7 حق السفر لكن خلاص بولد.. كنسلنا السفرة وان شاءالله بعد رمضان اسافر صبرك يا قلبي: اهلين خيوووو.. والله صدقيني الحالة كسيفة للآخر.. صراع البقاء.. شوي اشتغل في تنظيف الشقة وشغل كرف في السلمانية, وغير الجاهل والبروجكتين ولا لازم بعد اعرضهم.. اليوم سلمت واحد وعرضته وافتكيت باقي اسلم الثاني ان شاءالله يوم الخميس اسلمه وافتك ويبقى الجناح الثاني بعد نفس القصة بس ذاك بروجكت واحد + امتحان والله يستر.. ملآكـ: اهلين خيو.. شخبارش؟؟ من زمان ما تدخلين المنتدى افتقدناش كثيرا.. اني اوكو وعلى قولتش على طول مشغولة ان شاءالله ايام وتعدي... انتين شخبارش وشخبار النونو؟؟ خلاص قربت لحظة الصفر الله يسهل عليش.. ام علاااوي: اهلين خيو... شخبارش؟؟ ان شاءالله زينة.. بسش كسل راجعي زين كلها ايام وبنعيد اني وياش ان شاءالله.. وما يغلى عليش التيوب.. غالية والطلب رخيص.. تعالي مري علي اي يوم وبعطيش اياه.. عندي تعليق على اغراضش اللي اخذتينهم.. اولا الميبو زين لكن ريحته وع :09: اذا تحملتينه هذا وجهي.. اني ليومش هذا ارجع لو اشمه.. والهافات اللي حق المستشفى عددهم قليل جدا.. انتين بتكونين نفاس ما تدرين يمكن تتوسخ ثيابش على الاقل شيلي وياش خمسة.. وبرزي لش بعد ثياب احتياط في البيت لو احتجتينهم تخلين المستر يجيبهم مو ضروري تحطينهم بالشنطة.. بعد تحتاجين شنطة مكياج صغيرة لزوم الكشخة وعطر... ما يصير نستقبل الناس ووجهنا اصفر.. ولا تنسين المشط والسشوار :42: اموت على هالسوالف.. جافا لف: الله يسهلها علينا وعليش.. اني ان شاءالله بعد ما اخلص من التريننغ اولد.. ادعوا لي... نورة: اهلين اختي.. والله وطلعتين شطورة.. تحليل السكر كله زين عندش بس مثل ما قلتين الا اللي عقب ساعتين شوي مرتفع.. لازم تتابعين مع الدكتورة يمكن تقولش خففي الاكل او امشي على حمية معينة, واغلب الظن بيعيدون لج تحليل السكر عشان يتأكدون.. شوفي هذا الرابط فيه معلومات حلوة عن سكر الحمل.. (( ترى اني بعد هالمرة نفسش السكر عندي شوي مرتفع وقاعدة احاسب في الاكل عشان لما اعيد التحليل يرجع طبيعي)): وسالفة اللي يحملون وهم يستخدمون خارج المرمى, يقولش السبب العلمي انه بعض الرجال اثناء فترة الشهوة قبل الانزال تنزل منهم افرازات فيها حيوانات منوية بس نسبتها قليلة (( وفي الاول والاخير ما يلقح البويضة الا حيوان منوي واحد)).. (( عذرا على الجرأة بس لا حياء في العلم)).. يالله جميعا تحملوا بروحكم واجد والله يسهل علينا وعليكم..

اهلين بنات.. مساء الورد يا رجائي في شدتي: اهلين خيوو.. عاد القي علينا نظرة بين فترة والثانية...

هديل البحرين :

حبوبات احسن مانع بدون منازع واقل ضرر هو الواقي.. احتمال الخطأ فيه ضئيييييييل جدا.. واحتمال انه يكون مشقوق بعد قلييييل لان يختبرونهم زين بالمصنع.. واني ما سبب لي التهاب الحمدلله.. بالعكس اسهل في الانزلاق.. مستحيل اثق بأي شي ثاني لا برا ولا حبوب ولا لولب ولا شي.. الحين بعد ما ولدت رجعت له.. واهم شي الزوج ما يشتكي.. صبرك: خيتو اني احس ما ليها علاقة الحركة بالنهاية بالولادة.. ما حسيت في فرق.. هو طبعا بالاشهر الاخيرة بتحسين بالحركة في الضلوع لان الرجول فوق خخخخخ .. وبتحسين بثقل تحت عدل لان الراس تحت.. حبوبات انصحكم جدا بكريم ميبو .. لا تقولون خايس ونادري شنو ترى انتو بتحطونه تحت مو بوجهكم خخخخخ.. وصح كلام الدكتور ممكن تستخدمونه للختان وللسر.. كلش اوكي وآمن لانه عشبي .. اني استخدمته بعد ما ختنوا ولدي.. الي تبي السيم يطيح بسرعة تاخذه.. اني طاح خلال 10 ايام بس (السيم الي برا ).. والي داخل يمكن بعد 14 يوم.. يعني كلش زييييين.. ويطريه بدل ما ييبسه .. اني لما طاح شفته كأنه بلاليطة فيها ربطة خخخخخخخ .. يا رجائي: خيو اني رحت مشهد واني توني 5 اسابيع ليي هههه .. والحمدلله ما صادني شي ولا شي.. بس بصراحة كانت نساتي هناك.. وما استانست كللللش ومابي حتى اتذكر السفرة استغفر الله.. هو مسموح السفر بين الشهر الرابع الى السابع.. انتي بتكونين دشيتني الرابع؟؟ اني اقول روحي استانسي ولا تضيعين الفرصة بس لازم فيها شوية تعب وتحفظات.. ومن الحين: قلدناش الدعا والزيارة خخخخ.. وانسب وقت للسونار هو الشهر السادس.. لان يكون حجمه لا هو صغير ما يبان ولا كبير مغطية فخوذه.. اني سويته ببداية السادس وعرفت انه ولد.. بالخامس ما كان يتحرك زين وكان صاك رجوله فما بان.. بس بالسادس حركته زادت واجد.. ومناسب بعد من ناحية انش تعرفين وتشترين اغراض لان من تدشين السابع يزيد التعب,,

حبوبات احسن مانع بدون منازع واقل ضرر هو الواقي.. احتمال الخطأ فيه ضئيييييييل جدا.. واحتمال انه...

&& ورد البحرين&& :

اهلين بنات.. شخباركم...؟؟ هديل البحرين: يا هلا ومرحبا.. شخبارش وشخبار النونو؟؟ ان شاءالله كلكم زينين.. اني وياش كريم ميبو زين وواجد زين بعد وهو مسوينه من السمسم لكن ريحته لا تطاق.. والله في المستشفى بس اشمه ارجع.. مااقدر عليه.. اللي تتحمله خلها تستخدمه.. وبعد يقولش من فوائده انه يخلي آثار الجروح والحروق تروح بسرعة.. والسفر لازم الوحدة قبله تراجع عند الدكتورة يمكن لا سمح الله وضعية مشيمة البيبي نازلة فأقل حركة يصيدها نزيف وتتبهدل في الغربة, او عنق الرحم عندها ضعيف.. المتابعة ما تضر.. نورة: بالنسبة لسالفة الاكل فلازم تخلين وجباتش منتظمة عشان السكر ما يرتفع.. الحين ودعي اكل كفتيريا الشغل وكل يوم سوي لش شغلات من البيت.. يعني الصبح اخذي معاش اثنين توست اسمر وجبن قليل الدسم ممكن بعد بيض اللي يعجبش.. بس مربى عسل هالسوالف كلش لا.. وحطي بعد سلطة وحليب قليل الدسم.. بين الوجبات حاولي تاكلين حبة فاكهة او خضار.. الغداء: عادي عيش او خبز او مكرونة.. بس الكمية قلليها وركزي على البروتين دجاج مشوي او سمك او لحم.. العشاء خليه خفيف: زبادي قليل الدسم وتوست او خبز اسمر وبروتين.. وان شاءالله ما راح يرتفع السكر وبينتظم.. الله يعيننا.. اهم شي الحلويات ابتعدي عنها.. اني البلوة يوم طلع تحليل السكر مرتفع عندي قام المستر يشتري لي شوكليت عشان يراضيني.. وانا كلش ضعيفة قدام الحلاوة.. وفي الشغل على طول المرضى يعطوني حلاوة وشوكليت.. كله منكسر خاطرهم علي, واللي يعطوني اياه اعطيه غيري.. يعني والله ماسكة اعصابي على الاخر واسوي روحي مااشوف الحلاوة.. والله كريم..

اهلين بنات.. شخباركم...؟؟ هديل البحرين: يا هلا ومرحبا.. شخبارش وشخبار النونو؟؟ ان شاءالله كلكم...

صبرك ياقلبي :

صباح الخير على الحلويييين شلونكم شخباركم شمسووووين؟؟ ام علاااوي: هلا حبوبه شخبارش شمسوووويه؟ امم كريم ميبو ونقاط سالينال والتيوب وصيت زوجي ياخذهم اذا ولدت وكريم تشققات الحمل اخذت واحد من مذركير على زبده الكاكو شفته عند اختي وقالت لي واجد زين اخذي منه اسمه palmer"s cocoa butter formula وحفاظات الصدر بعد اخذت لي من مذركير ماركه بيجون ان شاء الله زينين اما هذا اللي يمشي البطن مادري عنه توني اسمع بس شكلي باخذ لي لان من بدايه حملي وياي كله امسااك شنو الاسباب مادري ورد البحرين: هلا هلا توه مانور المنتدى والله شحوالش؟ الله يساعدش ان شاء الله كلها فتره وتعدي هديل البحرين: هلا خيووو وينش مختفيه لا حس ولا خبر كل مره احس بألم اقول بيه يمكن بولد عقب اقول لا يقولون الم الطلق يعور عدل لا يحتمل اني عادي اصيح شوي واسكت واقعد يوم ثاني مافيني شي الالم يزيد في الليل جنها الدوره بتنزل خلاص يوووه في سيم داخلي وخاري بعد؟؟؟ عبالي بس برى انزين شلون نعرف ان اللي داخل طاح هدوول حبطتيني يوم قلتين سيم داخلي هو انا ناقصه كمان؟؟ نوره: هلا قلبوو سلامات سلاماات ان شاء الله خير بس سوي الاشياءات اللي قالتها لش ورد البحرين خبرش ممرضه تجرب فينا بقولكم شي بس مو تضحكون اخر موعد رحت قالوا لي انتين لازم تزيدين كيلو واحد بس الحين زايده كيلو و200 غرام يعني خففي حلاوه بس ماقلت لاحد عشان اكل حلاوه على كيفي ملوكه: وينش حبوبه؟؟ للحين الموقع مخرف عندش؟؟ ام حوريه وجافا لوف ويارجائي وينكم؟؟

صباح الخير على الحلويييين شلونكم شخباركم شمسووووين؟؟ ام علاااوي: هلا حبوبه شخبارش...