مراحب بنات.. قريت مشاركاتكم وقلت اطل بتجربتي:

- بالنسبة للمرقدوش وهالسوالف احس مو وايد تفيد والبيبي يمكن ما يشربها اصلا.. ولدي ما عجبه المرقدوش مع ان نحط له نباتة.. بس كان شرب ماي الحلوة وماي الحندبان..

ومثل ما قالت الاخت .. في نقط بالصيدلية اسمها سالينال .. هذي عن المغص والانتفاخ والغازات وهي مصنوعة من مواد عشبية وما تضر لو تستخدمينها سنة.. مريييحة وسريعة المفعول.. وبلا مرقدوش ولا شي.. وبس بـ 700 فلس..

والي سألت عن السلة اني اخذت علبة بلاستيك شفاف وسط وسعرها مناسب حطيت فيها اغراض الاستحمام.. تحصلين علب زينة في الانوار وفخر البحرين..

- بالنسبة للفراشات اني اشوف ان 2 كفاية وممكن 3 .. يعني واحد طقم وكشخة واثنين احتياط.. وكل وحدة حسب استخدامها.. عن نفسي ان شالله 3 اشهر بستخدمهم.. وما انصحكم بالمخمل كلش لان اولا الصيف جاي والمخمل يحر البيبي.. والاهم ان المخمل ما يصلح وياخ بسطة لانه ما يبين ديزاينه بعدين.. فالبيبي بيوسخه ويبي له على طول غسال!!

ندمت اني اخذت مخمل.. شكله حلو بس ابد مو عملي..

- بالنسبة للشباحات والقطنيات بشكل عام.. مال مذركير والا مو مذر كير كللللهم عندي تغير قطنهم من اول غسلة .. والشباحات مالهم غالين .. اني اخذت الشباحات من سوق الاحد>> اخذوا من هالاسواق يعني.. وصدقوني خلقهم احسن من مذركير وسعرهم بس بـ 500 فلس.. حتى البيجامات عندهم زينين.. الثياب عندكم ارخص في سناء (بيت التنزيلات) وماكس..


- لا تاخذون قماطات من مذركير لانهم صغاااار .. اني اشوى اخذت واحد بس منهم.. اخذوا كله من محلات البيبي وحتى سوق الاحد وهالطخة.. اخذوا طوال يلمون البيبي عدل.. وطبعا الي قماشهم خفيف لان الصيف جاي.. اني اخذت واجد من الي قماشهم قطني متين والحين استخدمهم لحفة خخخخ

- ومثل ورد البحرين انصحكم بالتيوب.. اني صار لي شهر من ولدت وللحين استخدمه خخخخ..

- صبرك يا قلبي: (اني الطاهرة)

شوفي عيوني.. اول 3 ايام تقريبا ما حسيت فيه زين.. وهو مو الم فظيع يعني عادي.. بس ما تقدرين تقعدين عدل عليه.. ولا على اشياء خشنة.. التيوب وااااااجد مريح.. وعن نفسي طاح سيم واحد (اكبر واحد بو ربطة) خلال عشرة ايام بس.. والثاني صغير ما حسيت متى طاح بس لمست وشفته طاح.. يمكن خذ له اسبوعين.. اني امشي عادي من السيم بس بالقعدة يعني لازم على التيوب..

ومع التنقع ترتاحين واجد.. اتنقع مرتين بماي وملخ خشن.. ومرة بغسول (مثل سافلون بس نوعية غير جابه زوجي واغلى).. والمرهم اسمه ميبو ..

وبالسبة للمرضعات اني بعد اشوف البلاستيك احسن.. بس صحيا الزجاج احسن.. اني ما اغلي المراضع.. بس اغسلهم بماي حار وانقعهم فيه .. من جذي عادي البلاستيك لا يذوب ولا شي.. بس اذا بتغلينهم ما ينفع مع البلاستيك..

اني اخذت وحدة صغيرة بلاستيك ووحدة وسط زجاج.. فانتي نوعي.. خب مو مرضعة وحدة بس بتاخذين..

وبالنسبة للمشد مثل ما قالت ورد البحرين.. هو زين .. بس كفاية تاخذين هافات وشورتات ضاغطة.. لاني الصراحة ما عرفت انام فيه زين.. والصيف جاي الله يعينش.. او اخذي الي مثل البدي الضاغط.. وفي رامز اشكال وانواع وزينين عن تجربة..

الله يتمم لكم على خير ان شالله..

ملووووووك شخبارج اوف وايد يتاخرون بتسوي الاطقم
يبي لي اودي لهم من الحين علشان يجهزونهم لي من وقت
ما احب الشئ حزت الحزه واكو بشتغل على التوزيعات
حصلت رقم كم وحده تسوي حلوين بروح اشوفهم واذا
عجبوني بخبركم عنهم

صبرك يا قلبي هلا وغلا فيج حبوبه
بالنسبه لمحل دان وين يصير؟؟ وحلوين اغراضهم والا شلون؟؟

بعدين المراضع الزجاج افضل خصوصافي التعقيم
وانتي تبين تخلين فيهم ماي حار البلاستيك يطلعون ماده تضر الجسم
بس الزجاج اوكي ولا يتأثر
بعدين ثياب البيبي لاتفكرين تاخذينهم من اي مكان افظل شئ مذركير
افظل نوعيه في القماش اهما

باقي الكروشات الله يعينكم ويسهل عليكم ولادتكم يارب ولاتنسونا من الدعاء

ام علاوي:

عمري حطيت قصة ولادتي.. دوريها عاد خخخخ.. وجبت ولد مو بنت.. كتبت كلشي بالتفصيل وتجربتي ونصايحي.. بس الظاهر ما لحقتي عليها..

السلام عليكم

ورد البحرين :
مشكووره حبيبتي عالرد ..

الفراشات عقب مااخذتهم اكتشفت انهم واجد خصوصا اني ماطلع من البيت كلللللش وشبه معزوله عن العالم ماحب اطلع اروح بيت احد او شي وحتى ولادتي بتم في البيت مابروح بيت ابوي وانا بكريه مافهم في هالسوالف خذ قال خذ.. ان شاء الله قريب بنزل صورهم

اما القماطات كنت افكر اخذ من مذركير الحين انتي وهديل البحرين ماتنصحون فيهم من وين ياخذون التيوب؟؟

هديل البحرين:
تسلمين عالرد بس من وين اخذتيت القماطات شفت في محل احلى الاطفال اللي في سوق واقف بس ماعجبوني مادري شلون حسيتهم..
والشباحات شفت اللي في احلى الاطفال بعد حليو قطنهم يعني ومذركير بعد بس اذا يتغيرون الحل؟؟ مالي الا احلى الاطفال وسوق الثلاثاء في سترة لان اكبر شي ..
افف احاتي السيم واجد لان شفت خواتي قبل يصيحووون منه وصديقتي تقول اسبوع وطاح كامل .. وناس يقولون لي شهر .. تفضلين اي مستشفى السلمانيه او جدحفص ناس يمدحون اهني وناس اهني..
ايي والملح الخشن تذوبينه في ماي له؟؟ وجم الفتره اللي تقعدين فيها مرت حماي تقول ان يدخلون الملحه داااخل الرحم عشان ينظف هو يحرق بس ينظف الرحم مادري ويش .. وشنو استخدمتين حق التشققات؟؟
اني ماشاءالله مافي مكان في جسمي ماصاده ومااستوعبت ان لازم يحطون كريم قبل الولاده يعني من بدايه الحمل الا هالاشهر واني عبالي عقب مااولد احط ويروح..

مسامحه عورت راسش بس اذا تذكرت شي بعد بسال:)

ام علاااوي:

هلا فيج حبيبتي
بالنسبه لمحل دان اهي ماعندها محل تعرض بضاعتها عالنت عندج موقع (( مركز البحرين التجاري _ المتاجر التجارية_ متجر دان )) وبضاعتها واااااجد فنن وفي اشياء واجد عندها واسعارها زينه بعد حتى توزيعات تسوي تقريبا كل شي للاطفال تسويه..
وقريبا بنزل فراشات من عندها اللي اخذتهم يعني وعندها بعد شباحات وهالسوالف .. دشي الموقع بتشوفينهم واذا تبين تشوفين البضاعه بنفسج تطلبين منها تعطيج عنوان بيت ابوها اعتقد وتروحين تشوفينهم

والله يسهل على الكل ولادته

صبرك ياقلبي شخبارج ان شاء الله بخير
متى بتوضعين ان شاء الله؟؟
وشكلج مثلي خوافه درجه اولى خخخخخخ
من حقج تخافين من كثر ما تسمعين
واذا سمحتي تعطيني وصلة دان اذا موجوده عندج

هديل البحرين يالغاليه أكيد قرأت قصة ولادتج والحمدلله
على سلامتج وسلامة الكتكوت لكن من كثر ما نقرأ هني
الولادات تختلط علينا الامور وما نركز بالاساء او اصحاب
العضويات الحمدلله وضعتي وافتكيتي والفال لنا يارب
ما تدرين شكثر انتظر هاليوم على نااااااار رغم الخوف الشديد
لكن رب العالمين ارحم بعباده والله يسهل علينا يارب
اذا تقدرين تخلين لنا الوصله الي كتبتي فيها قصة ولادتج
نقرأها مره ثانيه :)

و انا بعد حبيت استفسر من الاخوات التيوب من وين نقدر نشتريه وشنهو التشكيله او النوعيه الافظل
اذا في اشكال وما ركات و بالنسبه للماي والملح الخشن هل من اول ايام الولاده نتنقع فيه والا متى؟