صبرك يا قلبي:

- صدقيني تقريبا كلشي اخذته من ثياب ولحفة وفوط وووو من مذركير وغيره تغير خلقه وانكمش وصار كلش غير من اوووول غسلة .. من جذي ما يسوى كلش تاخذين اشياء غالية من مذركير.. الفوط واللحفة اسعارها مناسبة وبعض الثياب بعد .. فاذا شفتين شي حلو وراقي وما تلقين منه في كل مكان اخذي.. بس لا تفكرين انه ما بيتغير خلقه ..

مادري يمكن بعد من غسالة بيت ابوي.. لان غسالتي ما اشوفها تخرب الثياب جذي.. والقمطة لا تاخذين من هناك لان الي عندهم قصار .. والجاهل لازم تلفينه زين.. يعني الي اخذته ينلف بس لفة وحدة وبس يلف الايادي ما يوصل للرجايل ..

- عليش نور اني اخذت اشياء واجد من سوق الثلاثا في سترة لانه قريب مني ومثل ما قلتين اكبر واحد.. حتى بتلقين بدلات قطنية من قطعتين حلوين.. وشباحات على قفا من يشيل وحلوين ومحد بيعرف حتى انهم من هناك .. وقطنهم زين.. (اني ما جربت الا وحدة لان الي اخذتهم من هناك كله مزلط من جذي للحين ما لبستهم اياه بنتظر الصيف)..

غير البيجامات طبعا.. وبسطتهم حلوين بعد واني اشوفهم احلى من الي في مذركير (الي في مذر كير رسوماتهم بس كأنها ستيكر ملصوق خخخ)..

انصحش صدق تروحين سوق الثلاثا وبتاخذين اشياء واجد.. بس تذكري تاخذين اصغر مقاس..

- عادي عمري اني ما صحت من السيم ولا شي.. اصلا في الطلق نفسه ما صحت خخخ.. مو لهالدرجة عاد.. وياخذ اقل من شهر.. اسبوع اسبوعين يطيح.. اني بس 10 ايام اخذ له.. بس طبعا مكان الجرح يظل شوي علما يبرى .. ويعتمد على عنايتش فيه طبعا..

- باللنسبة للمستشفى اني ما شفت من السلمانية الا كل خير الحمدلله.. واذا قريتين قصة ولادتي والي قلته عقب بتشوفين قلت عن معاملتهم وشنو سووا لي.. بالنسبة لجدحفص العيب فيهم ان ما يخلون احد يجي لش وقت الولادة (في السلمانية جوا لي امي وزوجي طلوا وسألوا كم انفتحت) .. وشي ثاني ان ثنتين اعرفهم قالوا ان ما بنجوهم زين وقت الخياط وحسوا بكل غرزة.. وظلوا يمكن ساعة تقريبا يخيطون..

بينما اني ما حسيت الا اخر شي بالغرز وما طولوا اصلا يمكن ما يجي 10 دقايق..

السلمانية عندهم كل الخبرات والتجارب واي شي ممكن يصيدش يعرفون له.. وتحصلين غرفة خاصة انتي وحظش اذا احد بيطلع.. جدحفص ما عندهم الا كم غرفة والغرف المشتركة صغااااار..

- الملح الخشن احط منه شوي بس في لجانه متوسطة ويا ماي دافي (مو ساخن ها).. واتنقع بس بين 3 الى 5 دقايق >> اصلا ما بيصير عندش وقت تتنقعين اكثر..

وتنقعي بعد في ماي وسافلون لو دقيقتين..

وهذا الملح غير عن الملح الي يحطونه داخل.. الملح الي يحطونه داخل اظنه خاص كتحميلة مهبلية مو اي ملخ.. ويمكن وياه مواد ثانية بعد.. اني احس ما يحتاج.. مع ان نسوانحمياني يستخدمونه.. امي تقول سبب لها التهاب.. واني الصراحة احس بحرقة في البول من غير شي ولما انشف بالكلينكس بعد.. فما اتخيل بحط شي داخل..
احس ما يسوى تجازفين .. اولردي الوسخ بيطلع بيطلع.. واذا على التضييق ترى اولردي يصير المهبل ضيق كأنش بنية >>> لا تفكرين الولادة بتوسعش لان الخياط يضيق خخخخ >>> شفتالشيسمونه في منظرة صغيرة

- حق التشققات كان المفروضمن اول ما حملتي تستخدمين كريم او زيت زيتون.. تأخرتين الحين احتمال ما تروح التشققات .. اني ما طلع لي شي كلش الحمدلله .. وبيني وبينش هو على مرونة الجلد يعني ساعات الكريمات ما تسوي شي.. تقدرين الحين تحطين كريم (ممكن فازلين بزبدة الكاكو او ماركة بالمرز الي فيه صورة وحدة حامل ويبيعونه بكل مكان حتى السوبرماركت مثل جيان ولولو).. عالاقل ما يطلع لش زيادة تشققات.. وبعد الولادة بعد استمري ..

اني استخدمت اول شي فازلين بزبدة الكاكو وبعدين كريم ماركة جونسون عادي مرطب مو خاص للتشققات.. هو المهم الترطيب خيو..

ام علاوي:

- التيوب اني زوجي جابه لي من صيدلية رويان لونه بتقالي كأنه تيوب انقاذ خخخ بس صغيرون يعني.. وسعره 5 دينار تقريبا ,, مادري هو دوّر لو سألهم عنه بس روحي هناك وشوفي.. وتنفخينه طبعا في البيت بالبم مال السياكل .. وممكن عقب تغطونه بوجه مال مخدة او تكية .. لاني كنت اوديه وياي وين ما اروح قدام الضيوف خخخخ.. وخبرش الجهال والمراهقين عندهم فضول .. اخواني سألوني شتسوين فيه ههههههه

- اي الملح والماي من اول يوم تقدرين تتنقعين (عاد اول يوم بتكونين في المستشفى ما بيمدي ويبي لش لجانة).. يعني من ثاني يوم في بيت ابوش تنقعي.. مرتين في اليوم بالماي والملج.. واذا قدرتين مرة او مرتين بماي فيه سافلون او اي غسول للمهبل..

السلام عليكم
اشلونك يا حوامل ان شاءالله طيبين؟
والله يسهل حملكم وولادتكم وتولدون بالسلامة ان شاءالله
حبيت ابشركم اني ولدت في الاسبوع 37 تاريخ 22-2-2010م
وهذا الرابط في قصة ولادتي
http://forum.hawaaworld.com/showthread.php?t=2228712

والفال لكم ان شاءالله
اختكم في الله
ام صباح

السلام عليكم
شلونكم شخباركم شمسوووين

من زماان ابغي ارد بس المنتدى يقول لي 3 مشاركات كل 24 ساعه كيف السبيل لحل هذه المشكله لا اعلم
المهم هذي صور المفارش اللي اخذتهم من عند (( دان))
url=http://www.0zz0.com]



هذا فراش وشنطه ب 15 دينار





وهذا طقم كامل (( شنطه + فراش + سليبنق باق + بدله للمولود + لفه )) ب 30 دينار





وهذا طقم (( شنطه + فراش+ بدله للمولود+ لفه)) ب 20 دينار


عاد ماعليكم من العفسه اللي في الصور بس شوفوا الفراشات وقولوا راايكم


هديل البحرين:

تسلمين حبيبتي ماقصرتي والله كفيتي ووفيتي .. الله يخلي لج حموود ويتربى بعزكم وتشوفينه معرس يارب

ام علاوي :

انا اوكي الحمدالله انتي شخبارج
انا ان شاءالله عاطيني موعد تاريخ 5-5 ولحين ماشريت شي غير اللي فوق
وهذا رابط متجر دان
http://www.mbahrain.net/vb/forumdisplay.php?f=57


ام صباح :

الحمدالله عالسلامه ويتربى بعزج

سلام عليكم

شلونكم شخباركم اليوووم؟؟

بصراحه شفت الموضوع وصل الصفحه السادسه قلت ارفعه

شخباركم عساكم بخير؟؟

هلا خيتو صبرك يا قلبي..

حاضرين للطيبين وما ابغي الا دعواتكم.. واي سؤال اني حاضرة..

واجد حلوين المفارش خيتو ومميزين.. عليج بألف عافية..

على فكرة قصة ولادتي وكلامي عن مستشفى السلمانية بصفحة 55 من الموضوع:

http://forum.hawaaworld.com/showthread.php?t=1966494&page=55

والصفحة الي بعدها تكلمت عن المنتجات الي استخدمتها سواء لي او لحمودي..

وانت عضوة جديدة من جذي ما يصير اكثر من 3 مشاركات في اليوم وحتى لو كتبتي مشاركة طويلة واجد خلاص ما تقدرين تكتبين غيرها.. اذا صار عدد المشاركات 50 تالي تقدرين تردين وتحطين مواضيع على راحتش..

أم صباح:

الف الحمدلله على سلامتج.. عاد ليش تاخذين اسم ولدي خخخخخ