بنات البحرين رجاءً وين احصل اماكن تبيع ادوات الكوروشيه /قديم

حبيبتي ، ، قهوة تركيه

يمكن الرد وصلش متاخر شوي ، ،

المهم فيه محلات هوازن لبيع ادوات الخياطه بتلاقين عنده كل اللي تحتاجينه ، ، وبعد محلات طراده


بصراحه انا هذي المحلات اللي اتعامل وياها تقريبا



وحياش الله في البحرين

كل محلات التبع للخياطه تبيعه عندنا يعني وينمالقيتي محل خياطه راح تلقين الي تبينه محلات الغريب ومحلات طراده اي محل يبيع مستلزمات خياطه

مثل ما ذكرو لج البنات ..

- محلات هوازن راح تلاقينه بسوق المحرق
- محلات طراده فرع بسوق المنامة وواحد بسوق توبلي
- المغزل راح تلاقينه بسوق واقف بمدينة حمد
- المنول راح تلاقينه بشارع الخدمات
- وفي محل للوازم الأشغال اليدوية والبنات ذكروه بها القسم ويكون بشارع البديع ببدايته يم مطعم جريل لاند وهذا صح ان لوازمه غاليه شوي بس سعرها فيها .. عنده أشياء حلوه وايد محل متكامل ..


إن شاء الله تلاقين اللي تبغينه من هل المحلات ..


:)

مشكورييين يا بنات البحرين

انا خلاص رجعت من البحرين بس سألت

لما كنت بالسوق سالت السيدة الي في المحل وهي دلتني على محل هوازن

رحت له ماصدقت بس ماقلت حق زوجي وايش هو المحل

قلت له ودني للمحرق قال ليه قلت له نشتري حلوى وفيه كم شغله هناك حابه اشتريها

ولله ما قصر قال ابشري

ويوم وصلنا هو من نفسه وقف ونزل اشترى لنا حلوة لذيييييذه وبعدها حرك ولف الرجال

وانا يوووووه يارجال ليه لفيت قال خلاص خلصنا وانا اقوله لااا ماخلصنا فيه شي ثاني

<<<<<جالسه تقول قصة حياتها

المهم وصلت لمحل هوازن بس مالقيت عندهم صوف افغاني ؟؟؟؟

ولا ابر الي انا حابتها ولا كتلوجات

تفاجاءت بالمحل انه مافيه طلبي

سالتهم عن محلات ثانيه قالو لي مانعرف في المحرق غيرنا !!!

قلت ماشي مشكوورين خذت ابر كوروشيه صغيره واخذت صوف حلوو مادري وايش نوعه

مشكوورين يا بناتت اشكركم من كل قلبي على تعاونكم

======

نواة الامل

ياليت توضحين لي محل البديع وين باضبط ؟

اذا قلت حق زوجي البديع بيقولي البديع فيها شوارع كثيره

ياليت ياقلبي تددين لي اسم الشارع ورقمه وكون لك شاكرة

============
واذا عندكم يبنات اسماء محلات بالبحرين زود حطوها لنا هنا

ولكم احترامي وتقديري

هذا الموضوع اللي وضعت الأخت أم الجود لموقع لمحل لوازم الأشغال اليدوية

http://forum.hawaaworld.com/showthread.php?t=450563
وانتي مشاركة فيه :) وبالموقع موجود عنوان المحل والتلفون ..

والمحل يكون ببداية الشارع .. بعد دوار الجسر .. يعني توج داخل شارع البديع .. هل المحل صاير قبل رويان أو صيدلية جعفر اللي على شارع البديع ..

راح أشرح المحل لج مثل ما أروحه .. آخذ الشارع المؤدي الى مستشفى البحرين الدولي كامل .. وآخذ الدوار .. وألاقيه قدامي مباشره بأول لفه على يدي اليمين ..

المحل يا قهوة فيه أصواف حلوه وايد ولوازم الخياطة .. من اسبوع بس شريت منهم صوف لعمل بطانية للبيبي لصديقتي اللي قربت ولادتها .. وعنده صوف حلو لعمل الشال .. أفكر إني اشتريه بعد ما أخلص من البطانيه .. المحل يستاهل زيارة .. :)


خبريني إذا ماعرفتي الشرح ..