والله هذا الي يصير
يعني ابسط شي الي مثلا لساانه طويل مايقدرون عليها ويبون يسلمون من لسانها
يخلونها تمشي .. ومثلا شفنا وحده ماسكينها علي بلوزتها وعطوها بلوزه
من عندهم خذت البلوزه وذبتها بوجهه الموظفه وفتحت الباااب وطلعت من عندهم
وربي محد فتح فمه بكلمه
ولاتنسين راعيات الووواسطه ووووو ووو وفي اشياء بنات الجامعه يعرفونها
ويشوفونها بكره تشوفينها
يعني الي شفته بهالجامعه بهالسنتتين يقهررر
اذا عاملتيهم بطيبه واعتذرتي ووعدتي ماتلبسن هالشي مره ثانيه
يتمادون معك ويحسبونك ضعيفه
واذا عاملتيهم بالقوه وسفهتيهم وهذا الي صاير هالايام بالجامعه
خذوا عنك انك مو متربيه
بس تبين الجد الحل الثاني هو الي ينفع لهم بصراحه ماينعطون وجهه
وش موقفك وانت جايه تدخخلين ولبسك عاادي بس التنوره شوي قصيره
وعيوا يدخلونك الا لين يكتبون اسمك وجت بنت ثانيه كم قصيررر وتنوره قصيره
ودخلت عاااااادي وانت مانعينك وش موقفك وقتها
بصراحه لي ترررم وانا ماعرف معهم ااالااسلوب التطنيش وانك تسفينهم
وتمرين عندهم ولاكنك شايفتهم واذا نادوك طنششي
والله هم الي حدونا علي هالشي يعاملون البنات مثل مثل والا يتحملوون

ياكثرررر كلامي :D بس والله حرررررره من هالجامعه

وبالنسبه للجدول اول مستوي ماتقدرين تغيرررين فيه اصلا :)

اهلين بنات ما شاء الله عليكم ايوة كذا يا حبوبات وسعتوا صدري والله زعلت امس ورحت نمت قلت كل هذا مافيه احد بالجامعة ولا الكلية ..
الموهم .. انا في كلية التربية في الرياض الاقسام الأدبية والله يا بنات عندنا تشدد فضيع وضجة ومن نشوف الأمن في السيب يجينا حالة استنفار وصدقتي يا مجروحة والله ما يمشي النظام الا على المؤدبات اما الملسونات يورونهم وبعد داقينها سوالف معهم ومتعرفين عليهم ولا يمنعونهم ابد .. يعني ظلم % في ظلم ..

ياربي اش كثر اعاني .. شعرك اذا قصير عادي اتركيه مرة جعدية ومرة خليه على طبيعته واذا ينربط اربطيه فوق او ارفعي بشباصات كشخة زيك ,, وتطلعي قمر والله انا عن نفسي ما اضحك على البنات المستجدات حرام والله ارحمهم .. ودي اساعدهم
بس مشكلتهم انهم يخالفووووووووووووون عشان كذا نعرفهم على طول ..

ياحبي لكم ..
زين الوصايف انا مثلك حاسب بجامعة الملك سعود ..
لا تشيلين هم .. كل شي تقدرين تلبسينه بس باحتشام ..
يعني ماتلبسين شي قصير مره ولا بلايز كت .. وغير كذا
طول السنه عااااادي الا بعض الاحيان يتسلطون يفتشون شهر بالكثير بعدين ينسون ..
بعدين صاحيه انتي تحولين عن قسم كل احد يتمناه ولا قدروا يدخلونه؟ تعوذي من
ابليس وتوكلي على الله ..

** بشكل عام يابنات الجامعه **
أهم شي ابعدي تماااااماااااا عن الصنادل لأن المشاوير بين المباني متعبه
وتبغى جزم مريحه .. والأهم من كذا مع الشمس بتقلب رجولك سوووودا وانا
صارت معي وكل أحد لاحظ ان رجليني مسوده .. عليكم بالكاوتشات اشتروا اشكال والوان ..
التنانير اشتروا سودا أو جنزات (لبنات الملز) والبلايز احرصوا على السبوورات لاتتكلفون ..
يعني الزبده اللبس خلوه بسيط واكشخوا بجزمكم(ملونه) وشنطكم ورتبوا شعركم بطريقه
حلوه بس لاتفكونه كأنكم رايحين زواج ..
وحتى الميك اب لا تتكلفون فيه ..
والأهم من هذا كله احرصوا على الدراسه نفسها لأن المعدل اذا صار بالاترام الأولى
مرتفع خلاص صعب ينزل .. وان شا الله تتخرجون بمعدلات عاليه .. ولاتصدقون اللي
يقول الجامعه مافيها دراسه زي الثانوي .. ادرسوووا وادرسوووا وادرسوووا

صدقتي يالالياذه شمس الجامعه تحررررررررق مافي مظلات كثيره
والمسافات بين كل مبني ومبني بعيده
انا يديني قلبت سمررررا بشكل مو طبيعي الكل مستغرب طالعه تفشل
نصها مسمررره مره ونصها بيضاء خخخخخخ
بس جلست فتره ورجعت ايديني مثل اول

وبالنسبه للتنانير مو بس بالملز جينز حتي بعليشه اتوقع مسموح ماذكرهم مسكوني
علي الجينز
بس الي مظطرين يتقيدون بانظمه الجامعه يحطون حرتهم بشعورهم ومكياجهم وشنطهم
الشكوي لله

هلا بنات موضوووووووووع مفيد جدا

انا السنه هاذي ان شاء الله بتكون اول سنه لي في الجامعه

بس اناتخرجت العام مو السنه هذي

كنت محتاره وش ادخل عاد هي كلها قسمين تخيلو جـــــــامــــــــــــــــــــعه مافيها الا قسمين

للادبي عربي وانجليزي

دخلت انجليزي الحمد الله بس خايفه يكون صعب

وشلون يابنات صعب ولا لا؟

طبعا حنا في جامعتنا عادي الالوان بس القصير والفتحات الكبيره يمسكون عليها ويفتشون الجوالات
الجامعه تجيب الهم المباني مكسره من مبره وحالتها حاله وكلها شمس

يعني لازم واقي الحمد الله اشتريت

ماشريت تنانير لان عندي لبسي كله تنانير وبلايز

الشنط في وحده في قسم العروض التجاريه حاطه شنط عجبتني مرررررررررررره من بريطانيا

بس غاليه شوي ودي اشتري منها

وابغا اشتري نظارات زينه بس ماادري من وين

اللي تعرف تقولي



طبعا انا في المدينه