^^مشاعل السعوديه^^ :

انا من اهل الرياض لكن طول عمري بمكه,, يعني عارفه هذولا وعارفه هذولا,, اللي اشوفه من صديقاتي ومعارفنا هنا بمكه ان مهورهم أقل من مهور أهل الرياض لسبب أن في الحجاز العريس يدفع مهر أقل في حدود 20 ألف لأنه الزواج يكون عليه,, لكن في نجد عموما ندفع مهر أعلى اللي هو بحدود 50 ألف لكن الزواج على اهل العروس,, وفي حالات ثانيه يشتركون في الزواج لكن الاغلبيه تكون على البنت,, وفي الحجاز الملكه على البنت بكيفها تسويها في البيت في استراحه في قصر,, اهل العريس يجيبون المهر والشبكه في عربيه او صندوق.. والزواج يكون عليه,, اغلب الاحيان لكن في نجد مانهتم بالملكه كثير غالبا تقتصر على عشا الرجال فقط بدون نساء او حفله نوفر كل شي لحفلة الزواج,,

انا من اهل الرياض لكن طول عمري بمكه,, يعني عارفه هذولا وعارفه هذولا,, اللي اشوفه من صديقاتي...

أم غيدو :

السلام عليكم ورحمة الله وبركاته بصراحة في بعض الإختلافات وبعض المتشابهات يعني مو كل الحجازين مثل بعض نحن عندنا بعد مايشوفوا البنت وتعجبهم وخلاص يجي دور الرجال وبعدها النظرة الشرعية وبعدين عقد القرآن مع تقديم المهر المهر تقريبا من 25 إلـى 40 وبعدها حفلة الملكة تكون على اهل العروسة كيفهم ودهم يسوووا يسووا ما ودهم كيفهم في البيت... في استراحة..في قصر مكان مايسووه وأهل العريس يجووو في الأخيييييير ومعاهم العربية اللي فيها عطور وريالات معدنية وبخور عود وأشياء ثانية واسم العريس والعروسة ويجيبوا اهل العريس علب الحلاوة اللي تتوزع وهدايا من الأم والأخوات للعروسة ويزفوهم للمنصة مع الهدايا يحطوها وينزلوا يجلسوا قدام [مكان محجوز] وزميلات العرووسة يكونوا فوق في الكوشة والملكة على اهل العروسة من إلى وتكون الفترة بين الملكة والزواج من شهرين إلى 6أو 8 شهور وطبعا البنت في هذه الفترة تجهز الدبش والذهب وكل شيء من مهرها ويجي يوم الدبش قبل الزواج بيومين أو ثلاثة أهل العريس يكونوا في بيت العروسة ويجوا اهل العروسة وأحبابهم [ من غير العروسة طبعا] ويرتبوا أغراضها وأهل العروسة يعشوهم ............. والغمرة على حسب في ناس تسوي وناس لا تكون العروسة محنية من قبل بس هي حفلة صغيرة تكون العروسة لابسة لبس الغمرة اللي يغطيها حتى وجهها وتلبس الذهب ................ يجي يوم الزواج على اهل العريس كله دقاقه..العشاء أو البوفيه.. القصر..الحلويات التوزيعات..كل كل شيء على العريس وبعد الزفة وخلاص الناس يروحوا ولما تروح السيارة يقوموا اهل العريس والعروسة واخوانها واخوانه يزفوهم بالسيااارات لحد البيت ............ وصباحية ماعندنا بس بعضهم يسووو سابع بعد مرور سبع ايام وبسسسسسسسسسسسسسسسسسسسسس

السلام عليكم ورحمة الله وبركاته بصراحة في بعض الإختلافات وبعض المتشابهات يعني مو كل الحجازين...