اسيرة عيالها :

الان طلعت عندنا في العايله في جده طبعا في فرح بنت خالتي طبعا العريس من اهل جده اشترطوا انه الشبكه شي وشويات وماشاء الله خالتي مقتدره فسوت الشبكه في قاعه فخمه طبعا في جده عند اهل العريس عشان هم مايبغوا يجوا لانهم عايله كبيره واحنا اهل العروس كلنا في المدينه فطبعا تلات ارباعنا ماراحوا جابوا شبكه خاتم واسوره الماس بحدود 15 الف غير المهر 50 الف واشترطوا كمان انه الفرح على اهل العروسه يعني العريس صار عروسه مع انه اهل العريس ناس مليانين يعني بس العفش عليهم والبيت وطبعا مافيه عربيه ولا شي وخلاص على الاسوره اللي جابوها والخاتم ماجابوا شي تاني والله انا مقهوره على هادا الشي وماشاء الله كمان اتنين بنات خالاتي نفس الحكايه كل شي على اهل العروسه واهل العريس بس معازيم الصراحه حركه غبيه ومتخلفه كانه البنت هي اللي تجري ورا العريس طبعا الباقين عادي الشوفه ويجيب طقم دهب ودبله وبعدها الشبكه اهل العروسه يسووها في البيت اذا كان كبير او في استراحه المهر 40 الف وطبعا عربيه موجود فيها البقشه فيها قطعة قماش وساري وطقم مكياج غالي وعطور وطقم دهب تاني مافيه هدايا لا لام العروسه ولا لاخواتها العروسه تجيب للعريس ساعه او خاتم وبعد كم شهر يسير الفرح طبعا على اهل العريس واذا اهل العروسه مقتدرين يشاركوا مافيه خلاص يلبسها لا دهب ولاشي طبعا حتى لو كان المهر 20 الف الدهب تشتريه من مهرها طبعا قبل الفرح باسبوع يروحوا اهل العرسه يعلقوا الملابس وطبعا فيه عشا وقيل الفرح بيومين تكون العروسه متحنيه من الصبح وتسير الغمره في الليل وفي بعضنا تكون الغمره يوم الفرح على الساعه 10 في الليل وطبعا على الفجر تكون الزفه بس احنا عندنا في العيله كل الهدايا اطقم دهب يعني انا جاتني تقريبا 28 طقم بين الفخم والرخيص يعني مولازم تشتري شي كتير بس خاتم غالي وتعليقه معليش طولتها بس فضفضت اللي في قلبي وخصوصا الكلام الاول اللي قاهرني ورافع ضغطي

الان طلعت عندنا في العايله في جده طبعا في فرح بنت خالتي طبعا العريس من اهل جده اشترطوا انه...