بنات الحقوا ولدي وجهه متنفخ مرررررررره كأن ملاكم ضاربه على جبهته و عيونه

الحقوني حبيباتي

ولدي اللي عمره سنتين أمس قام الصباح وفي وجهه ثلاث حبات حول عيونة اليسار و حبيتين عند عيونة اليمين
حزنت عليه و قلت شكل الناموس استفرد فيه بالليل و لعب فيه لعب
المهم و قمت ركبت جهاز الناموس و قفلت غرفتهم

على الساعة 11 تقريبا جفنه اليسار بدأ ينتفخ الى اللحين و الموضوع تقريبا عادي
نيمته بعدها و صحي تقريبا الساعة 2 و المنظر و الله مفجع حتى من الصدمة اقوله انت مين يرد أنا (....) و يدلع اسمه فديته

حزنت عليه و ربي شكله مره متغير و يحزن حبيب قلبي

أخذته بعد العصر مركز طبي قريب من بيتنا قال الدكتور هذا مو ناموس هذا حساسية من أكل و الدليل انها ما تحكه

و وصف له ابره و هيستوب ياخذ منه ثلاث مرات في اليوم

وقعدت انا و زوجي نفكر ايش أكل
قلنا أكيد من المطعم الصيني كنا آكلين فيه قبلها بليلة
بس لمى جيت افكر ايش اكل ما حسيت ان فيه شي غريب اكل رز و خضروات و شوربة الدجاج بالذرة
كل هالشي متعود ياكله

بعدين وديته هو وبنتي الحديقة قلت اخليهم يغيروا جو مساكين يوم خميس و ما طلعوا مكان

المهم و احنا جالسين اشوف بنتي قاعدة تاكل فول سوداني و تذكرت على طول انه قبل ما نروح المطعم الصيني اكل كم حبة فول سوداني لأول مره في حياتة فأتوقع انها السبب باللي حاصل له يا قلبي عليه

و اليوم الصباح رغم الابره اللي أخذها و الادوية اللي شربها لكن وجهه منتفخ اكثر من أمس والله
كأن أحد مبكسه على و جهه والله الملامح مو نفس الملامح متغير مررررررررررررررره و نص الجبه منفوخة و أعلى أنفه مورم و متقدم قدام الجبه المهم يا بنات حالته صعبه

اتوقع اللي بيشوفه ما بيعرفه انا لمى شفته كذا الدموع نزلت من عيني غصب

قال ابوه نصبر الى بعد صلاة الجمعة و نودية المستشفى

بنات ادعوله و الله يقطع القلب

احد صار له كذا منك يا بنات تقول لي ايش اسوي و ايش الادوية اللي ساعدت