بنات الرياض بسرعه ادخلو عندي فكره

السلام عليكم صبحكن الله بالخير بنات نمت وانا مصدعه واول ماصحيت جتني فكره وش رايكم ياخواتي نفتح لنا احساب لبنات الرياض باسم منتدي حواء ونجمع لنا قريشات ونشتري لنا ارض ونبني عليها بيت كبير ونحط عليه قصر بنات حواء ونبني ملاعب ومسابح وخواتنا الي بجده والشرقيه وباقي مناطق المملكه يسيرون علينا ونتجمع ونتعرف علي بعض والي مطفشها رجال تهرب لقصر بنات حواء وتكون بحمايتنا واذا جاء ابو سروال نقطعه باسنانا عشان يعرفون ان بنات حواء لهن ظهر ومافيه رجال بيستقوي علينا وبعد انتم يباقي المناطق اذا ودكم تبنون عشان نسير عليكم مافيه ولا وحده تقول نجيب شغاله كل يوم القهوه علي مجموعه ونبي نبني لنا حوش وبنحط فيه غنم وابل عشان اذا خواتنا الي برا الرياض لفوا علينا نوجبهن هاه وشقلتوا بفكرتي ومتي نطبقها