بنات الكــويت ضـــــروري تكفووون

وعليكم السلام ورحمة الله تعالى وبركاته

حياك الله اختي في الكويت

فيه مجمعات بصراحة حلوه منهم

كويت ماجك ( في الفحيحيل )

سوق السالمية ( في السالمية بداية شارع المطافي )

المجمعات مثل ( سوق شرق + مجمع مارينا مول )

وان شاء الله تشوفين اللي يسرك

في امان الله

الله يجزاك خير اختي :)

حبيبتي علميني شنو الميزانية عشان اقوللج وين اتروحين بالضبط لان في اماكن غالية وفيه اماكن عادية

انه كان المفروض اروح بالعيد بس ما صار نصيب والحين بنروح بالعيد الوطني ابي محلات حلوه وفيها شغلات غريبه بس ما تكون اسعارها غاليه لان الماركات عندنا اهني ما بتعنى بسافر وباخد مثلهم
وبغيت محلات ملابس اطفال لعمر اقل من سنه بناتي خصوصا

وعندي سؤال بعد اذا حبينا نستاجر سياره شنو الطريقه وكم الايجار باليوم وهل الشوارع سهل انه الواحد يسوق بيها ؟؟

مشكورين مقدما

مرحبا ... شلوونج ...
بحط لج الاماكن اللي احبها و تعجبني .. اذا تبين اشياء معينة ما عليج الا انج تقوولين حق اخيتج اللي اهيا انا

ماركات عالمية .. على قولتج موجودة بكل مكان و كل ديرة ..
تبين فناتق حلوة و غريبة :
مجمع زهرة -السالمية: عندج المحلات التالية :
-نورامينا: بدل راقية جدا للمناسبات من عيد او استقبالات.. اشتري منه كثيرا
-cuzmo:تابع للمحلات الفاتنة .. بس متخصص للفتيات او لبس الكاجوال..اشتري منه واايد
-bassile: ملافع حلوة .. ما ادري اذا تبلسون ملافع ملونة مشخبطة هالسوالف يعني
-الاسطورة: اشياء عجيبة غريبة غالية و من ارقى الماركات
تمشي بالمجمع هذا تلاقين فيه اكييد جم قطعة ..

نفس الشارع في اكثر من مجمع :
الفنار-ليلى جاليري-بلازا... بضاعتهم جيدة تلاقين محلات صغيرة و محلات معروفة فيهم
بلازا:
في محل حلووو اسمه recardi اهوا حوووسة شوية بس يمكن تلاقين فيه لانه بصراحة عنده سوالف حلوة .. انا اشتري منه ..

بس بضيف شغلة بسيطة .. احنا بالكويت هابين بالمعارض .. اول بصراحة طايحيين من عيني
لكن رحت قبل العيد .. و الله شغلهم واايد حلوو .. بضاعتهم من بره و من الكويت ..
يعني في من الجناااط و الاكسسوارات الحلوة ..

هم في بجمع المهلب محل بالدور الثاني اعتقد .. مثل كشك حتى مو محل .. كل شغلها انا شايفته بلبنان .. اكسسوارات و شي عجييب ..

يصيرون يم مستشفى الاميري .. اسمائهم :
بيت ديفا .. كاريزما .. بيت سدرة .. اهما بيوت قديمة مسنعينها و يسون فيها المعارض يم بعض الثلاثة ..

بالنسبة حق تأجير السيارة .. انا اقوول ااسهل لكم و احسن .. اذا تبيني اسال لج عن مكتب للتأجير بس امريني و اسأل الوالد اضمن شي ..

لا يردج الا لسانج حبيبتي ..