####بنات الكويت اللي ولدوا واللي بيولدون تعالوا بسرعه####3

هلا والله مس ديور والله كان ببالي احط هالموضوع بس يزاج الف خير

:21:

والله انا على وييه ولاده وجهزت كل شي تقريبا
بس حطيلج ميزانيه معتبره:11:
انشالله بولد بالمواساة وباخذ غرفه حلوه بقعد فيها لاني بصراحه بولدي ماستانست وولدت مبجر بالصباح علشان الشيشه

والله اخذت فرشه سرير للمستشفى من وحده اللي بقرطبه بوتيك قرطبه مع مفارش الطاولات بس والله طلعلي ب300 دينار هم مو شويه اسعارها غاليه بس شي عجييييييييييييب مافيه منه بالسوق كله
وعلى فكره اهي تييب لج اذا سافرت على توصيه اطقم معالقمصان
واخذت قمصان استقبال من انور واحد ستان وواحد قطن

وحق البيبي اخذت اللي مقاس نيوبورن من بريماما ومن بي اتش اس
وطلبت من بعض مواقع الانترنت شي حلو مع اطقمة

واخذت اللفه من انار يعني تقدمين فيها البيبي للناس والله في منها عند الجميع نفسهااا بالضبط وارخص بعد والمهادات عند انار والجميع حلوين بعد حق الاربعين


والككاو تلقين عند روشيه - شانتلي- لاكشيت - اروسا اشيااااء تينن وعجيبه وترا على فكره الحين كله موضه البيج والاوف وايت شوي راحت موضه الازرق والوردي على كلام اصحاب المحلات والموجود
والله انا اخذته من روشيه بس انا سويته وحطيت عليه اضافات وشريت استاند فضه وخشب وصفيته فيه طلع روووووووعه

سوالف الحسو والترديد كلها مخليتها على امي الله يخليها

وحتى بعد طلعه النفاس مخليتها لعقب انشالله الحين بس احاتي الولاده
:06:

مس ديور مشكورة على الموضوع صج كنا محتاجينه .... والله يهون عليج وعلى كل بنات الكويت اللي ولدوا واللي بيولدون ...

ام عبوودي مشكوووورة على المعلومات بس ياليت يالطيبة تقولين لنا اماكن او عناوين المحلات اللي ذكرتيها بريماما وانار ترى اللي جدامج بأول حمل وغشيمة حدها ماعرف الا مذركير وجونيورز .... وبغيت المواقع اللي طلبتي منها بعد لأن اللي بالسوق ماعجبني حيل ودي اخذ شي غير .....

وماقدر افيدكم بمعلومات وايدة لأني مثل ما قلتلكم غشيمة بس سوالف الككاو والفناتك في محل بالشعب مادري شسمه لكن الاشارة اللي بعد حديقة الشعب تاخذون مخرجها يمين اذا كنتو يايين من الشعب ويصير على ايدكم اليمين عنده سوالف حلوة وتهبل انا ماجربت ككاوهم لكن فناتكهم حلوة مصاحف ومباخر وشغلات جذي .... وبعد قالولي عن بيت لوذان لكن للأمانة مارحتله ولا جربته لو تبون اسأل لكم اكثر ....

واغراض البيبي سمعت عن الكاروكة ومحل بالمهلب نسيت اسمه اظن بيبي لحظة وبالاوقاف ..... وبس هذا حد معلوماتي :)



ناطرتكم ....

حبيبتي رفرف بريماما في مجمع ليلى غاليري وفيه محل بالبستان شوفيه هذا وهذا لان في شي مو موجود عند الثاني بجايم المخمل والقطن عندهم روووووووعه وغسل ولبس

وأنار توه فاتحين محل بالبستان هم يم بريماما وفي محل بعد بالحمرا مو الفروانية عنده الفرشه الديباج لتقديم البيبي اشكال وايييد وتوه منزل تشكيله يديده شوفيها

نصيحه لا تاخذين من مذركير شي من قطنيات والله سككككككككه يتمغطون من اول غسله البجايم والفنايل وخري عنهم بمذركير تبين فنايل من لاند مارك احسن شي وماركس سبنسر والله حلوووووين حتى بجايمهم تهبل حق المولود


عندج لحظه من فضلك اللي بالاقاف جان تبين حق بيبي تلبسينه طقم حق اذا احد ياج زوار بدله مع المهاد اينوووووووووووووووووون قلبج يزوغ عليهم لون وردي وازرق وبيج وابيض يعني تحتارين شتاخذين وفيه اللي بالمهلب تبعه بس اللي بالمهلب ليش انه يديد يحطون البدل اليديده طبعا


والله اختج مفتره كل محلات الكويت ومايعجبها العجب عندي اطلب من الانترنت اريحلي واحلالالا وعندج الحين نزلوا مجلات الطلبيه بالمكاتب شتا 2003 فيه سوالف حلوه والله يتني انا كل الكتالوجات يبيلي بس اجابل واطلع منهم ماعندي وقت

رفرف شنو فيج اول شي علشان تعرفين من وين تدورين



هالموقع الحلو فيه انه اييج طقم مع المهاد والسدريه والقبعه والمميه ادخلي هالموقعين وبتعجبج شغلات وايده:23:

والله انا من ايام ولدي اطلبله من هالموقع شغله وااااااااااااااايد زين من قطنياته وخياطه وخاماته والوانه كل شي عنده روعه http://www.gymboree.com

في مواقع وايد بس طبعا اذا بغيتي شي ادزلج ياهم عالخاص النه هذا اللي اذكرهم الحين

ووين صاحبه الموضوع انحاشت :55:

انا منب من الكويت...بس حبيت اسجل حبي للهجتكم... يازينها احبها والله مره مره:):33:
ايه والله تكفون اكتبوا بلهجتكم..خلين اعوض ..اول ماجيت لامريكا كنت اتمنى اشوف خليجيات..بس الله يخلف لي 3 سنين ماشفت ولا ريحة منكم:29: حتى مرت علينا وحده تصلي بالمسجد حق المدينة حقتنا على دربهم وهم مسافرين ونشبت فيها نشبة..كل الوقت وهي اللي تسولف وانا اقول صحيح:32: ياالله:33: وتلقاه بقلبها تقول وش ي هذي طرمة!!!
اقول بنات عندكم جمبوري؟؟!!هذا للمواليد يهبل مره خاصه لفات المواليد اشكال حلوه ولا تتغير بالغسل ابدا..
وان كان عندكم جاب بعد معروف...
تلقينكم تقولون وش دخلها هذي عرض:07: بس قلت فشيله امدحكم ولا اقول كلمة على الاقل:D
تحياتي للهجتكم اللي تجذبن من بعد:32:

مشكووره مس ديور خوش موضوع ومفيد

ام عبووودي شنو الاوف وايت والبيج ؟؟

شاكرة حياج الله بينا بس انتي شنو اصلج ؟؟

بغيت اسالكم شنو احسن مستشفى خاص للولاده ؟؟ يكون فيه اهتمام ورعايه لان عندي وحده بتولد ... طبعا الراشد مو شي مع انه رخيص والسلام ماحبه والهادي مو ذاك الزود .. يمدحون المواساة بس يقولون غالي ... تبي اهم شي الاهتمام والرعاية قبل واثناء وبعد الولاده .. والاكل السنع والغرفه السنعه ....والطبيب اللي يصبر عليها من سيده يسوي قيصريه ... ياليت تقولولي

بالنسبه لملابس المواليد والله الاسواق الشعبيه حلوه لان الطفل بيكبر وحتى لو اختربت ملابسه الداخليه مو مهم لانه بيكبر عليها .. واصلا اهوه يحتاج ملابس داخليه وايد يعني لازم نشتري ملابس وايد فليش نشتري شي غالي وبيكبر عليه بس حق الخساير .. اما الملابس العاديه هم من الاسواق الشعبيه .. وجم طقم كشخه من انار والمحلات الكشخه ( بصراحه ماعرفهم )
اول مره اسمع ان الديباج والمفارش وملابس الطفل نفس الطقم ... خوش فكره .. بس ممكن العنوان بشرط يكون السعر معقول
تدرون فيه فكره ارخص واحلى

انا مره شريت مفرش حق طاوله ب 15 دينار بعدين رحت البلوكات ولقيت نفس الخام المتر منه ب 3 ونص .. طبعا متر خامات الستاير كبير وعريض .. شريت نص متر وسويت 3 طاولات
اشترو خام وسوو طقم ارخص

ياليت تضيفون اي افكار