القبوط الكويتي



عجينة القبوط :

طحين أسمر حسب الكمية
ماء فاتر حسب الحاجة

حشوة القبوط:

لحم مفروم حسب الكمية
بصل مقطع خشن
ملح فلفل أسود وقليل من بهارات اللحم
كشمش (زبيب) مغسول ومنقوع



الطريقة :

1 -تحطين مقدار طحين بالوعاء تقدرينه حسب كميه المرق ..

وتصبين فوقه ماء فاتر شوي شوي حتى يصير متماسك وتعجين باليد حتى تصير

عندك مثل عجينه الفطائر و طبعا اذا كان العجينه لينه زيديها طحين ..

2 -نحمس البصل مع اللحم المفروم والبهارات وعند الاستواء نضيف الكشمش المغسول والمنقوع لمدة نص ساعه الى خليط اللحم المفروم .

3 - تبلين راحه ايدك بشويه زيت وتاخذين قطعه صغيره من العجينه تفردينها

دائره صغيره ( كلما كانت صغيره ورقيقه افضل وتستوي بسرعه والاهم شكلها احلى

وتحطين شويه من الحشو وتقفلينها نص دائره وبعدين ممكن تشيلين منها العجين

الزايد وبعدين تصكينها عدل مثل الكبه ..










بعدها تحضر مرق اللحم أو الخضار واللي راح تسقط فيه القبوط حتى يستوى ...

ملاحظات هامة :

هناك طريقتين لعمل القبوط :

قبوط بمرق اللحم وبهالحاله يحشى القبوط بمزيج من البصل المقطع خشن ني والكشمش المغسول والمنقوع فقط بدون الحاجه لعمل حشو اللحم المفروم .

في حال القبوط بمرق الخضار , يحشى القبوط بحشوة اللحم المفروم المعصج مع البصل الخشن والكشمش , وهي اللتي أفضلها .


طريقة المرق :

تحضرين مرق حسب طريقتك مع إضافة الخضار التالية ( جزر - بطاط - باذنجان - فلفل أخضر حار ) بدون لحم في حال اخترنا نحشي القبوط باللحم المفروم , أيضا ماننسى اللومي اليابس في المرق , وطبعا البهارات .

بالنسبة للخضار أفضل إنها تكون مقلية نصف مستوية قبل اضافتها للمرق .



بعد ما يستوى المرق , نسقط القبوط فيه ونخليه على نار هادية الى ان ينضج ( تقريبا نص ساعه ) , وبعدها يكون جاهز للتقديم ...

بألف عافية .

برياني الربيان

طبعا الوالدة مسويته وانا علي التزيين والتصوير

المقادير على حسب عدد الأشخاص ..

الطريقة:

اول شي انقشر الربيان ونشيل الخيط الأسود وانقعه بعصير الليمون وبهارات .

بعدين نكون طابخين ماي ونحط فيه بهارات عدله (هيل-قرنفل(مسمار)+دارسين-فلفل أسود- ملعقه متوسطة بهارات مشكلة مطحونة).

ونحط الربيان ونخليه لما يستوي .

بعدها نسوي حمستنا وهي عبارة عن :

نحمس بصل صغار كمية كبيرة وبعد ما يذبل نحط معاه بهارات عدلة (هيل-دارسين-قرنفل-فلفل أسود)

وبعدها ما يتحمر نحط تندوري وبابريكا وثوم مدقوق وزنجبيل ونحمس بعدين نحط معجون الطماط ونحمس .

وبعد ما استوى الربيان نضيفه للحمسة .




ونضيف بعدها كزبرة مفرومة.






وهذا شكل الحمسة النهائي





طبعا نكون مسوين عيش مشخول وهم حاطين بالماي بهارات عدلة


الحين نحط دهن اشويه بالجدر ونخليه يصير حااااااااار وبعدين نحط طبقة عيش

وفوقة اشوي من الحمسة وفوقة بصل شرايح مقليه وقطع زبدة ورشه من البقدونس
المفروم والنعناع>> سر النكهة





نرد نحط طبقة من العيش وفوقه حمسة الربيان والزبدة والبصل والبقدونس والنعناع.




طبعاً اخر شي يكون طبقة من العيش ونكون مزهبين الزعفران المنقع بماي الورد ونحطه فوق العيش مع قطع الزبدة ونخليه لما يتسكر .








بعدها نقلبه بحذر وننجبه بالطبق ويزين بالبقدونس وقطع الليمون واذا تحبون بعد الصنوبر المحمص.

وهذا شكله النهائي












يقدم مع الدقوس

وطريقته وايد سهلة

معجون طماط+ماي+ملح+ثوم مدقوق تخلطين المكونات وتخلينه لما يغلي .





وما ننسى طبق السلطة


وبالعافية

هذي الطبخه مكس بين شغل كويتي وهندي





ونترك القرقه شوي ونشوف شغلنا ....








اول شي نبتدي بالمكونات ... الله يعينكم


دجاجه مقطعه 8 اجزاء + 2 بصل + زنجبيل مدقوق مع 2 ثوم و ماجي + 1 طماطه + 1 زبادي ( روب ) + نص كوب كازو ابيض مو محمص + 2 قشطه + زيت + اصبع زبده + كزبرة + بهارات كاري + كركم + 2 ملعقة معجون طماط .....


واسمحولنا على رداءة الصور لانها من الجوال ...














وطبعاً عشان تضبط الطبخة مالنا غنى عن هالحبيب ..













نرفع كمومنا ونقول على بركة الله نبداء بالطبخ ...



واول شي نذوب الزبده بالجدر ..














وهذي الصورة بعد ماضفنا نص فنجان زيت وبصل وبهارات كاري وكركم ثم الطماط والمعجون ..














وبعد ماشبعناه حمس نضيف الزبادي ...














وبعدها نضيف كوب ماء مغلي ونغطي الجدر ونتركه يطبخ لمدة 10 دقايق ...














وبعدها يا الغالين نحط الخليط هذا مع الكازو بالخلاط ونتركه حتى يمتزجون جيدا .... ( حلوه جيدا ) ..















بعدها نضع الخليط بالجدر ونضيف الدجاج ونضيف عليه ماء حسب الحاجه ونتركه حتى يستوي وبعدها نضيف عليه علبتين القشطه ونخليه على النار لمدة 5 دقايق ونطفيه ...


















اما طريقة الرز المشخول فهي كالتالي ...



يوضع ماء مغلي بالجدر وزيت وملح فقط ثم يضاف الرز ونتركه على النار الى ان يستوي نص استواء ثم يشخل ويحمس بصل بزيت ويضاف اليه الرز المشخول مع نص كاسة ماء مغلي ويغطى حتى يستوى ..



وهذي صورة للرز ...















وبالنهاية هذي صورة المرق الهندي بعد ما استوى وزيناه بالكزبرة المفرومه ..















وهذي الصورة الاخيرة للسفره بعد ما انتهينا من الطبخة ...














وفي الختام اتمنى انها تنال حيزا من رضاكم واسمحولي على الاطاله ...



دمتم بود .

واقدم لكم اليوم طبخة رز مشخول مع اللحم


ونبداء بسم الله الرحمن الرحيم


والوقت بدري للي يبي يصلح مثلها و يتعشى


المقادير


لحمة طازجة - بصل - ثوم - بهارات مطحونة


ملح - شوي زعغران منقوع - فلفل حااااااااار







نحط البصل على النار







نترك البصل الين يدبل على النار







نحط اللحمة فوق البصل







نحرك اللحمة مع البصل الين يصير لون اللحم بني







نحط الثوم والبهارات على اللحمة







ونحركها الين يكسب اللحم طعم البهارات والثوم







نحط 3 كسات ماء دافئ ونقفل القدر الكاتم على النار


وتنركة الين يتستس ونرخي على النار لمدة 25 دقيقة







بعد ما يطلع كل البخار نفك الغطاء







نشخل مرق اللحمة من البصل والثوم في قدر عايدي

يتم وضع اللحم على المرق والتأكد من عدم وجود المواد المشخولة







يتم إضافة الرز حسب الكمية المطلوبة







يتم رش الزعفران على سطح الرز و وضع الفلفل


ويترك على نار هادئه حتى يجف الماء وينضج







عند الإستواء يتم وضع كشنة البصل مع قليل من دهن الكشنة







يتم عزل الكشنة والرز الأصفر ويفرغ المحتوى في صحن


ويوضع المعزول على الصحن وبالهناء والعافية








والله يحيكم على قل الكلافة