بنات الكويت... ساعدوني بليز...

انا اشتركت مع دايت سنتر شهر و نص

صح مكانهم بالمهلب الدور الاول
تلفوناتهم ×××××××
قيمة الاشتراك 200 دينار بالشهر و اذا عندج بطاقة السندس مالت بيت التمويل او ريلج عنده بطاقة الربان .. يخصمون لج على ما اعتقد شي و عشرين دينار .. يعني الاشتراك يصير اميه و شي و سبعين
نظامهم سعرات
كل يوم الصبح اتيي السياره عند بيتكم يايبتلج صندوق واحد فيه 3 وجبات و سناك الضحى و سناك العصر و كل شي مكتوب عليه متى تاكلينه .
انتي تختارين الاكل اللي تبينه لكل يوم بيومه من قائمة طويله و عريضه لما تراجعين عندهم
ينزلونج من 4 - 6 كيلوات بالشهر
طبعا لازم رياضه عالاقل مشي نص ساعه 3 مرات بالاسبوع
اذا اول مره ...لازم ادقين عليهم يحطولج موعد عقب شهر لان عندهم عالم
تروحين بموعدج و تاخذين معاج تحليل دم ( تسوينه باي مكان ) ... بيفتحولج ملف و ياخذون قياساتج و وزنج وتحاليلج و راح اتابعج اخصائيه تغذيه و تراجعينها كل اسبوع
اكلهم لذيذ ولا يعلى عليه .. ولا تحسين انج مسويه ريجيم ابد .. بالعكس اكلهم اكثر من اكلنا العادي و راح تقولين اشلون بظعف و انا اكل كل هالاكل . ( بس سعراتهم قليله يطبخون بدون زيت و مقاديرهم سبيشال )
انا نزلت 5 كيلوات بشهر و نص و وقفت اشتراكي :)
و اي سؤال من عيوني

حبيبتي (الكيكة) بغيت استفسر كل اسبوع تروحين تراجعين الاخصائية التغذية كم تدفعين ولا شامل مع الدفعة الاولى
ولما هديتيهم ما لاحظتي انج رديتي ولا نفس الشي
ومشكووووووووووورة

Rashroush مشكوووووووووره

الكيكة/ هلا بالكيكه (أسمج حلو).... مشكوووره على المعلومات و الله جاوبتي على كل الاسئله اللي في بالي الله يجزاج الجنه انشالله و ينولج كل اللي في بالج...

هلا بسبوسه الحلوه... انشالله اختنا الكيكه تجاوب على استفسارج....

مشكورين يا بنات :)

up