الف شكر للجميع والله يعطيكم الف عااافيه ..
المتكلة على الله الف شكر والله يبارك فيك ويحفظك كتبت ردي في نفس الموضوع الله يجزيك خير ..
بنات ماعطيتوني رايكم ؟؟؟؟؟؟؟؟؟؟؟؟؟؟؟؟؟!!!

انا اقدر افيدك بالديكور الخارجي ويمكن يساعدك من ناحية البلكونة العلوية وكمان تصميم الحديقة
هي صورة وحدة بس تاملي فيها زين راح تعجبك

الف شكر بناات ..
تدرون اني اذا ناظرت المخطط ماعرف له ولا اقدر اتخيل كيف الشكل بيصير بالضبط ؟؟؟؟
للان محتاره اخليها باب واحد والا اثنين ؟؟؟ وبالنسبه للمطبخ غرفة الغسيل والمخزن والمطبخ الخارجي شنو تنصحوني اخلي تفصيلهم ؟؟؟ يعني مثلا اخلي المخزن على اليمين والغسيل في اليسار وبينهم باب للمطبخ الخارجي ؟؟؟ ....وركن طاولة الطعام هل فيه تفصيل معين نسويه ؟؟؟

ياسلاااااااام عليكي يا ياسمينه ...... افكارك مثل افكاري تماااااااااام

واخيرا شفت اللي توافقني في افكاري .... البيت العملي المريح اللي تحسين كأنك بفندقك الخاص


شوفي انا اشوف انك تكتفين بمدخل واحد رئيسي للبيت يكون زاويه او بأي جهه ... وطبعا بالاضافه لباب المطبخ والمستودع الخلفي للبيت
اما بالنسبه بالحديقه فأنا عن نفسي احبها تكون مفتوحه وانا بمزاجي اجلس مكان ما ابغى لان المظله المبنيه بتحدك .... وبامكانك تخلين باب المدخل الرئيسي مظلل بطريقه حلووه بحيث تعطيك مجال فيما لو حبيتي تحطين فيها جلسه

بالنسبه للتكيف المركزي لا يعلى عليه بس الاهم انه مايكون في البيت هول يفتح الطابقين على بعض والا حيكون تبريد المكان صعب وزيادة مصرف للكهربا
وبالنسبه لغرفتك الخاصه خليها ماستر كبير نوم+ملابس+حمام كبير+جلسه خاصه

اما عن غرفة الشغاله واللاندري .. انا رغبتي انها تكون بالطابق الثاني تحت عيني وفيما لو ظليت من غير خادمه يكون الغسيل جنبي مافيه تعب الطلعه والنزله

اما عن سفرة الطعام ماظنيت انها مسأله محيره انتي بالخريطه شوفي فين تبغي تكون الصاله والسفره حتكون بالجهه المقابله وممكن تفصلين مابينهم بستاره فخمه بحيث تتحكمين فيها لو بتركبين بوفيه من برى وبيدخلون عمال وعندك ضيوف وبنفس الوقت تعطيكي لمحه جماليه وعزل بالنظر

اهنيكي على افكارك .... وياليت تشاركينا في مخططك

موفقه يارب

المنال البعيد الف شكر حبيبتي اخيرا لقيت وحده تفيدني بالتفصيل الله يجزاك كل خير ... بالنسبه للغسيل تقصدين ان غرفة الغسيل الي تكون فيها غساله +نشافه تكون في الدور الثاني ؟؟؟
انا كنت افكر اخليهم تحت جنب المطبخ لكن توني الحين عااااد فكرت ان لو اخليهم تحت واصلا الغرف كلها فوق + غرفة خاصه للملابس فيكون افضل غرفة الغسيل فوق صح ؟؟
ياااريت تنبهوني بامور مو شايفتها ...
ظليت فتره وانا كل تفكيري اسوي باب والا بابين .. والحين شوي بديت اقتنع ان يكتفي بباب واحد يكون فخم وفيه مظله وعمودين عراض شوي .. خاصه ان مجلس النساء رح يكون بعد الباب الريئسي يعني الجهه الثانيه الي كنت افكر اخلي فيها باب بيكون ماله اي وظيفه لان مابيدخل على مجلس النساء ومجلس الرجال خارجي ملحق مع الحمام ..
وبالنسبه للقبه هل تنصحوني اصرف النظر عنها ؟؟ سمعت ان لها مساوئ ..