غرفة الغسيل خليها في الدور الثاني

اما القبه ماأنصحك فيها ابد تاخذ مساحه من اللي فوق

هلا ياسمينه الله يساعدكم ويسهل لكم
انا اشوف افضل وارتب يكون الغسيل بالطابق الثاني مع غرف النوم لا تحت ولا بالسطح
يكون تحت نظري ولو افترضنا ضليتي بدون خدامه فتره زي ماقلت لك الا كل شي يكون جنبك

اما عن القبه انا مو مره معاها لكن اذا مره انتي حابه الفكره ممكن تخلينها فقط للطابق الثاني في مكان جلسة الصاله بس
وطبعا مايفتح للطابق الارضي وبكذا يكون افضل حتى للتكيف انه يبرد المكان لانه ماحيكون مفتوح على البيت كامل بس جزء وسهل تبريده ....
طيب فكرتي لو كان عندك ضيوف بالصاله تحت وزوجك رجع البيت كيف يطلع للطابق الثاني ؟؟
عملتي حساب الدرج كيف حيكون ولا بتعملين درج خدمه ؟؟

الف شكر ..
المنال البعيد ..الف شكر حبيبتي ..القبه شكلي خلاص بصرف النظر عنها ..الدرج بيكون من بعد المدخل الرئيسي للصاله ..يعني بيكون باين الدرج من عند الدخول ..فيه مجلس داخلي مع ان زوجي يفكر يخليه للرجال والملحق مازال يفكر انه يسوي في نفس الحديقه مثل الكوخ واذا سواه بيكون للرجال والداخلي للنساء ....المشكله انا نبي باب واحد ويكون مثل الي وصفته الباب عريض وعمدان ومظله لو بنسوي باب ثاني رح نسوي مثله وبكذا بتزيد التكاليف وانا من النوع الي ماحب الشي متكرر يعني اذا صار الجهتين نفس الباب ونفس المدخل احسه مابيكون مميز .. طيب في حال ان نسوي الباب الثاني مختلف يعني شكله بسيط هل يسيء للشكل الجمالي ؟ لاازم يكونون نفس الشي ؟؟؟
انا مازلت متردده في موضوع باب والا بابين لان لو عندي ضيوف وزوجي مثلا في الصاله ...يكون افضل باب ثاني مع غرفة جلوس ..

صح انا مثلك ماشوفه حلو نعمل مدخلين نفس الشكل ماله داعي
طيب ايش رايك سوي باب واحد رئيسي على مزاجك ... وحيكون مدخل الضيوف الرئيسي سواء كانوا رجال او حريم .... واعملي من جهة الصاله شباك كبيييييير يطل على الحوش واعمليه سحاب متحرك بطريقه معينه بحيث يكون شكله شباك وممكن يكون مدخل اضافي لو احتجتيه وبنفس الوقت منظر جميل للصاله بالذات اذا كان الجو حلو تسيبه مفتوح كأنك بالحوش وانتي داخل البيت مثل طريقة الشاليهات
اتمنى الفكره راقت لك

ــــــــــــــــــــــــــــــــــ